مـاذنبـي؟

part 5

ام سمأ:أي والله
سما:خلي لوحدها تجي لا تجيب القرودة وياها
ام سما:روحي نامي لا ابتلي بيج
سما:اووووي ماترضين عليهم عيني 😑
ام سما:لا ماارضى عليهم عيني 😑
سما:خلي اروح احجي وياها
ام سما:روحي اني هسه اجي رايحة لام اكرم
سما:يمة ام اكرم يمة ربتلي علة 😩
راحت امي لبيت ام اكرم واني رحت احجي ويا روان ولكيت غفران هواية دازة مسجات اتخبلت عليه
سما:ياستار ادري بس كليلي شبيج راكبج جني 😒
غفران:ولي ولي 😒
سما:غصبا ماعليج ابقى 😤
غفران:وين جنتي؟
سما:من بعد ماحجيت وياج رجعت كعدت يم الربع وضلينه نسولف لحد ماراحو بعدين كعدت يم امي وهسه اجيتج
غفران:😒😒
سما:عدلي شكلج
غفران:ضايجة اني
سما:خير شبيها سعدية ضايجة ليكون خلص لبنج ياحريمة😂
غفران:اهووو
سما:شبيج احجي
غفران:ضايجة من مي راح اشوفها يومية وعلى طول تمشي ويا مرتضى
سما:واحنا شكو بيها خطيب وخطيبة وهذا شي طبيعي يمشون سوه وبعدين معليج بيهم غير اني وياج واكيد حنتعرف على بنات ونصير كروب وتنسين وجود مي بالكلية وشحدها تحجي وياج اني موجودة ومرتضى موجود يطلكها بنص العالم
غفران:لا ولج اسم الله ليش خطية يطلكها
سما:لان هي حية ام 77 راس🐍
غفران:77!!!!!!
سما:أي وراس اختها هاي صارن 78 وشوفي منا ومنا يوصلن لل100 راس
غفران:لا اله الا الله
سما:محمد رسول الله شبيج وحدتي
غفران:على الغابة كعدتي بيها 😂
سما:مجذبة قابل
غفران:يلا سدي الموضوع
سما:أي باجر شنو راح تلبسين
غفران:ليش وين رايحة
سما:دروحي تغشمين روحج😒
غفران:هااااا أي مااروح اني
سما:خوش لا تروحين
غفران:لا ولج اروح شيخلصني منج
سما:وغصبا ماعليج تروحين
غفران:ياالله مو مال احترام مال حكر
سما:الله ياخذج ويخلصني منج
غفران:ها سومة هيج
سما:لااا حبيبتي اسم الله عليج يومج قبل يومي
غفران:اكول ماتكمل دعوتج لله
سما:ولج نسيت ماحجيت ويا روان
غفران:صدك شخبارها
سما:راح تجي هذا الخميس
غفران:والله هلاااا
سما:وشدعوة هاي الفرحة اني ماتفرحيلي هيج 😒
غفران:لان مكابتلج ليل مع نهار
سما:حتى لو من اغيب ما تشتاقيلي
غفران:لا مااشتاق ارتاح اصلا
سما:لان انتي مو وجهه نعمه
غفران:عليج بعد روحي
سما:يلا ولي خلي احجي وي اروان وانام
غفران:اشكد نمتي اليوم
سما:وانتي شكو اصلا المفروض اليوم كله مااحجي وياج
غفران:كلبج مايطيج
سما:أي لان كلبي حمار
غفران:على راعيته
سما:غفران روحي نامي حبيبتي 😀شوفي باجر شمكتوبلج 😉
غفران:شنو
سما:نشاوف والله كريم😁

رحت حتى احجي ويا روان بس من طريقة الحجي عرفت انو زوجها هو يحجي (علاء) اني ويا علاقتنه حلوة يعني هو يعتبرني اخته الصغيرة واني اعتبرة اخوية لان اصلا ماعندي اخوان واني الي جنت وسيلة بينه وبين روان االله يحفظني مرسال الحب😆 عمرة 28 سنة اكبر من روان ب4 سنين درس بجامعة بغداد كلية علوم ويا روان وحباها وصارت هواية مشاكل من خطبها بس الحمدلله تمت على خير وازوجو وصارلهم سنة

سما:روااااان
روان:نعم
سما:الله ينعم عليج شبيج
روان:اول تالي تحجين هيج