ادمنت حبك { موقفه مؤقتاً }

١

" كـ بدايـة لحَن جميـل عساك لي كل السنين "

••••

نزل بسرعه من الدرج و عطاها شقلبه على اخر درجتين بس ما اهتم او بالاصح ما يبي يعطي الموضوع اكبر من حجمه لانه لو تاخرت حبتين زياده رح يجيه كلام يغث من الصباح

وقف قدام الطاوله الكبيره يجلس عليها تقريبا ١٣ واحد و على مقدمة الطاوله شايب بلحيه بيضاء خفيفه

تكلم و هو يحاول يرسل الهواء لـ رائته : صباح ال..خير

ابو حسن : بدري يا هلال كان جلست للظهر

ابو روان : لا ويين كان جلست للمغرب و ..

قاطعهم الجد: صباح النور و النشاط يالله اجلس أفطر و انا جدك عشان تلحق على المدرسه

ابتسم  و جلس مكانه

ابو حسن : يبه لا تتركه كذا تراك تتدلعه زياده عن اللزوم

الجد و هو يأكل قرص: أقول أفطر بس

ابو حسن : بس يبه ..

قاطع كلامه: السلام عليكم

شقت الابتسامه وجه ابو حسن : و عليكم السلام و الرحمه تعال و انا أبوك تعال أفطر

الجد: هاه حسونه ليه متاخر

مشى بخطوات واثقه و باس راس جده: اول شي صباح النعناع يا أحسن جد بالدنيا

الجد: صباح الفلفل عليك و على ابوك

حسن : افا افا ليه كل ذَا

ابو حسن : يبه ..!! ليه هالكلام و الولد جالس يصبح عليك

الجد و هو ينزل نظاراته شوي يطالع ولده بنص عين : هااه اشوفك ما قلت شي لولدك و هو متاخر نص ساعه

ابو حسن : ولدي كبير و أكيد عنده عذر

طالع بهلال : مو مثل بزران هالأيام