ادمنت حبك { موقفه مؤقتاً }

٤

صباح / مساء الخير زمرداتي

ملاحظه : بخصوص شخصية ريان فيه ناس يبغوني اغير لون عيونه لان مو معقوله " سعودي عيونه خضر "

اولاً انا قلت ان ريان هجين امه اجنبيه يعني وارث اللون منها , ثانياً فيه سعوديين عيونهم ملونه و هم سعوديين اباً عن جد ما اشوف فيه شي غريب !!

اسفه ع الإطاله

قراءه ممتعه

•••••

صوت ضحكهم و الاغاني كان عالي حيل

...: وش تسوون ؟

التفتوا بخلعه و شافوا ريان واقف و هو متكتف

زين : اهلين .. ريان ؟

لف لـ بدران و شافه يأشر بـ ايه

ريان : انا سألت وش تسوون ؟

بدران : ما تشوف ؟

ريان : صدق ما تستحون الناس متضايقه و في حزن و انتوا تترقصون هنا ؟

بدران : تبينا نبكي يعني ؟ الحزن تراه في القلب ما له داعي نتصنع زي بعض الناس

رفع ريان حاجبه : وش قصدك ؟

بدران : قصدي واضح

قرب ريان من بدران لما م بقى بينهم شي : وضح لي م فهمت

بدران بارتباك : و..وخر عني

ريان بهمس : قول

زين اللي م عجبه الوضع دف ريان مع كتفه : بعد عنه

ريان : واو بوديقارد

زين لـ بدران : ادخل جوا

بدران : بس انـ ..

ريان بأستفزاز : اسمعي كلام زوجك و ادخلي

عطاه بدران ظهره و مشى

زين : ابي افهم انت ليه كذا تعامله

ريان : ما لك دخل

زين : لا لي دخل اي شي يخص بدران لي دخل فيه

ريان و هو رافع حاجبه : و انت ليه مهتم فيه لهدرجه هاه

زين : ما لك دخل