ادمنت حبك { موقفه مؤقتاً }

٥

صباح / مساء الخير زمرداتي

المفترض ينزل هالبارت من زمان لكن مو راضي ينزل الا لما حذفته و رجعت كتبته فالعذر و السموحه

قراءه ممتعه
-

التفت بدران و شاف زين يطالع فيه

مسح بدران دموعه

زين : كنت تبكي ؟

بدران و هو معطيه ظهره : انا ابكي ؟ تتخيل

زين : شفتك و انت تمسح دموعك

بدران : ما كنت ابكي

زين : روني وجهك

ما رد عليه بدران

خطى زين لما لصق صدره بظهر بدران

زين : الاخت اللي ما تحترم اخوها او تراعي مشاعره ما تستاهل انك تبكي عشانها

التفت بدران لزين : الموضوع ذا بيني و بينها لو سمحت لا تتدخل

ظل زين يتأمل وجه بدران الاحمر : بس اللي يمسك يمسني

بدران : يمسك بشنو ؟ لا تحسسني اني زوجتك

زين : مو لازم تكون زوجتي انت ولد عمي

بدران : و انا اخوها و هي ما اهتمت لا تحسسني انك خايف على مشاعري اكثر منها

زين : لو مو خايف كان ليه شفتني هنا ؟

بدران : مدري .. يمكن تتشمت او ...

زين و هو يقرب : او ؟

بدران : شرايك تدخل بعيني ؟

زين : عشان اسمعك

بدران و هو يبعد : ما يحتاج انت مو شايب

زين : لا يغرك شكلي تراني شايب درجه اولى

ابتسم له بدران و سكت

ثواني هاديه بينهم

بدران : وش كنا نقول ؟

زين : كنا ... مدري

بدران : شايب صدق

زين ابتسم : قلت لك

بدران : خلاص خل ندخل الشمس حرقتني

خطوتين وقفوا الا ريان قدامهم

ريان : وش تسوون ؟