محمد .. انتي بس ادعيلي الله يتمملي على خير وتدللين اطلعج وافرحج واعزمج بمطعم بس تصير القسمه ونور تكون الي ☺️☺️
فرح.. صدك تحجي يعني طلعني وتفرني يارب تكون من نصيبك ياااارب😜
ام محمد.. دكت التلفون على ام نور ☎️
ام نور.. خير هاي ام محمد تشتريد بسلا صاير شي لاحد من جهالها الووو
ام محمد .. الوو السلام عليكم ام نور اشلونج
ام نور.. وعليكم السلام الحمدلله انتي اشلونج خوما صاير شي لاحد
ام محمد .. الحمدلله لامصاير شي بس اريدج بموضوع واتمنه متخيبيني
ام نور.. اي عيني اتفضلي وانشالله ميصير اله كل خير
ام محمد.. اني اريد اجي اخطب بنتج نوره لابني محمد واريد موعد منكم حتى نجي نخطبها رسمي
ام نور.. والله اتمنه تكونون من نصيبها ووين الكه لنوره بنتي مثل ابنكم بس خلي اسال ابوها واردلج خبر
ام محمد .. اوك عيني اخذي راحتج وانتظر ردج
ام نور .. انشالله مع السلامه
ام محمد .. مع السلامه
بيت ابو نور
تسمع ام نور ابو نور يحجي بالتلفون ويكول هلا بيكم ننتظركم
ام نور .. راحت لابو نور تساله منو ذوله الي ننتظرهم
ابو نور.. ذوله بيت ابو منذر جايين يخطبون نور واني كتلهم هلا بيكم
ام نور.. هاا ،صحيح اليوم ام فرح صديقه نور خابرت تريد تجي تطلب ايد نور لابنها محمد شكلها دتنتظر الرد
ابو نور.. كوليلها البنيه مخطوبه لابن عمها
ام نور.. بس حرام البنيه متحبه ومتريده ليش تزوجها غصب وتشوفها بعدين تعيسه
ابو نور.. ليش اشوفها تعيسه الولد ابن اخويه واعرفه زين ومن هم صغار احنه نشوفهم مناسبين لبعض وبعدين هو رايدها ومشتريها شتريد بعد.. يالله روحي كولي ذولاك الي كتلج عليه
ام نور .. انشالله 😏😒
راحت ام نور خابرت ام فرح وكالتلها الزواج قسمه ونصيب ونور مخطوبه لابن عمها
ام فرح ..اوك الله يتمملهم على خير 😵😵
ام نور.. ابنج محمد الف من يتمناه واني جنت اتمنه نكون نسايب بس اتعرفين ابو نور
ام فرح .. اي اعرفه الله يساعدج عليه يالله اني اترخص مع السلامه
ام نور.. الله وياج
