واهل منذر كامو يحجون عليها وكالو كصتها شر عينه وطلعت نور زعلانه وبعدين اعتذرولها وهي قدرت هذا الشي
وبعد مده عرف محمد بموت منذر زوج نور وميعرف يفرح لان حترجعله نور ميعرف ينقهر على منذر وظل محمد متمسك بنور وانتظر تخلص العده حتى يتقدملها ويخطيها
وبعد مرور ٣ اشهر ونور خلصت العده وام محمد خابرت على اهل نور وطلبت موعد حتى يجون يخطبوها لمحمد
ام نور حجت ويه ابو نور وقنعته انو يزوجها لمحمد والبنيه اترملت بيوم زواجها وهي بعدها صغيره وكالتله محمد خوش ولد واحنه نعرف اهله واخته صديقت نور كلش وهو اتعين بالمستشفه بعد شنو نريد قسمه احسن منه منلاكي لنوره وبعدين الولد شاريها ومتمسك بيها وبعد عناء طويل كدرت تقنعه وافق على زواج نور من محمد وتمت الخطبه وصارت الحفله حلوه وجانو فرحانين
وبعد كم اسبوع ازوجوا نور ومحمد وجان الكل فرحانين وسعيدين وخاصتا نور ومحمد ممصدكين انو ازوجو وحيكونون بيت وحد الهم ويكونون عائله سعيده ومليئه بالحب والامان ورها نور حبلت وجابت جود وياسمين وملاك وعاشو بسعاده
النهايه اتمنه تعجبكم والكل يعلق عليها حتى ميروح تعبي بلاش
اني اكول لكل الاهالي انو ميمنعون زواج ابنهم من البنيه الي يحبها وانو ميجبرون البنيه على زواجها من شخص متحبه او مترتاحله
وشكرا☺️☺️💕💕
