حبيبي زمالكاوي :o

كلام ع الماشى

الف سلامة ع سعد سمير 

بس التهليل ده مش حلو نهائى جدا و الغباء الى ماشى بانه هيعتزل عشان ضربه تحت العين و 6 غرز ده عبط جدا 

لو هيعتزل عشان كدا فعلى كدا بقا الى قبله كان لازم يعتزلوا من زمان

على عيد لاعب انبى ليه مقلش انا هعتزل مع انه عمل عملية بسبب وجود كسر فى عظام العين 

محمود فتح الله اكيد عارفينه ايام ما كان فى الزمالك اتهرى ضرب و كان بيخرج كل ماتش بيجيب دم 

ومنهم الماتش الى منه الصورة دى 

شايفين كمية الدم ليه مقلش انا هعتزل يا جماعة انا خلاص نظرى راح :)

عارفين دى ايه

دى فى ماتش بردوا حصله كدا و مهللناش ولا طبلنا و لا شتمنا اللاعب الى عوره 

لان و بكل بساطة الكورة للرجالة و الى عاوز يلعب يستحمل اى حاجة و لو هتيجى ع موته

هى الكورة مش شغل و اكل عيش

كام عامل فى اليوم بيموت بسبب اكل عيشه كام واحد ايده بتتقطع عشان اكل عيشه 

كام واحد بيخسر بصره بسبب اكل عيشه

الاجابة كتيير

بلاش بقا شغل التطبيل ده والكلام الفارغ

والى مطلع ع سعد انه هيعتزل و نظره ضعف ع ما اظن انكم كاهلاويه بتصدقوا بيدج الاهلى الرسمى 

و ده اهم خبر نزله 

سعد كويس جدا و هيلعب الماتش الجاى :)

عذرا فتح الله و لكن هل كنت سترضى ان نقوم بكل هذه الضجة و نسب لاعباا بامه وابيه و بصفته و نقلل من رجولته و غير ذلك :)

اقرب حاجة ممكن تفتكروها 

ايمن حفنى بما انه مبقالوش سنتين اهو 

لما انفه اتكسر و جاب دم و اضطرينا نخرجه ليه مطلعناش و شتمنا ولعنا الى خلى انفه كدا 

ع ما اظن مصر كلها شافت حفنى والدكاتره مخرجينه ورافعين راسه و ماسكين انفه لمنع النزيف :) 

لسنا جبناء و لا غير ذلك لنسب شخصا ليس بامامنا من خلف شاشات الهاتف او اللاب او غيرها ^_^ 

الكورة يا تموت نفسك عشان تكسب يا تموت خسران 

مفيش حاجة اسمها انا قاصد اكسرك محدش بياذيك الا لما ربنا بيبقا عاوز كدا و انت بتديله الفرصة انه يعمل كدا

اخيرا وليس اخرا حبيت اتكلم معاكم فى كلام ع الماشى

#نور_الحضرى ^_^