راح تكون القصة باللهجة العراقية لانها حقيقة من الواقع
الشخصيات
هدير شاب عمره ٢٣
سرى شابة عمرها ٢٠
هدير وسرى جيران بنفس المنطقة بيتهم واحد بصف الثاني يحبون بعض من سنتين وعلاقتهم كلش قوية بس المشكلة ام هدير رافضة سرى تكون چنتهة وهدير ميقبل ياخذ غير سرى
هدير: سرى حياتي تعالي للسطح اريد اشوفج مشتاقلج
سرى: اوک حبيبي جاية
صعدت سرى للسطح جانت امهة بالسوك وابوهة بالشغل واختهة صغيرة يمهة
هدير : ولج وينج صارلي ساعة بالشمس واكف
سرى: اسفة حبيبي بس اختي رادت تصعد وياية وقشمرتهة انطيتهة التلفون وبقت جوة
هدير: اوك حياتي عادي
سرى: اي شلونك مشتاقتلك
هدير: اني اكثر حبيبتي بس مشغول بالدوام
سرى: حبيبي شوكت تجي تخطبني
هدير: حبيبتي مو تدرين امي وقرارهة والله يومية احجي وياهة واحاول اقنعهة بس ماكو فايدة
سرى: هاهية لعد لازم نترك بعض ميصير هيج شلون يعني لشوكت اضل انتضر تعبت
هدير: شدتحجين انتي شبيج اليوم احجي وياهة والكي حل للموضوع
سرى: اوك انتضرك ردلي الجواب عود
هدير: اوک حبي يلا اروح هسة خاف امي تصعد وتسويلنة طلابة وانتي هم خاف امج ترجع
سرى: اوک حبيبي باي
هدير : بايات حياتي
ام هدير: هدير يمة وينك
هدير: هياتني يمة
ام هدير: تعال تغدة
هدير: ما اريد اتغدة
ام هدير: ليش يمة شبيك
هدير: تعرفين شبية
ام هدير: هذا كلة من ورة ذيج البنية اخذت عقلك خبلتك شبيك انكلبت علينة
هدير: يمة لتحجين هيج عليهة سرى خوش بنية وحبابة واني ما اخذ غيرهة خليهة ابالج
ام هدير: واني هم ما ادخلهة لبيتي
نور(اخت هدير) : يمة شبيج وية سرى البنية مؤدبة وبنت ناس وتدرين بهدير قافل مياخذ غيرهة
ام هدير: خلي تفيدة لعد
ابو هدير: ام هدير شبيج البنية خوش بنية ومنلكي احسن منهة وما دام همة متفقين شنريد منهم خليهم وذكري ربج وخلي نروح نخطب البنية شوفي ابنج شصاير بي لا اكل ولا شرب من وراج
ام هدير: امري لله شسوي علمود هدير راح اقبل ما اريدة يتاذة بسببي
نور: فدوة لكلبج اروح ابشر هدير
نور: ولككككك هدير
هدير: وجع شكو شتريدين
نور: مو صوجك جيت ابشرك
هدير: خير بيش تبشريني
نور: امي قبلت وراح تخطبلك سرى
هدير: صدككككككك تحجين
نور: اييي والله
هدير: ياالله ممصدك صدك قبلت
نور: يلا اريد بشارتي
هدير: انتي بس طلبي وتدللين
نور: اطلعني اشتري ملابس واحذية وجنط واكسسوارات ومكياج
هدير: ههههههه تدللين بداية الشهر اخذج من عيوني
نور: تسلم حبيبي الله يوفقك روح بشر سرى
هدير: اي هسة اخابرهة
نور: اوك اني رايحة
هدير : حيااتي عندي بشارة الج
سرى: خير حبيبي كول
هدير: امي قبلت وراح يجون يخطبوج بعد شكم يوم
سرى: صدك تحجي !!! مدا اصددك
هدير: ييي وداعتج حبي تحقق حلمنة وراح نصير بيت واحد
سرى : يي حبيبي الحمدلله
هدير: يلا حياتي اني اروح عندي شغل باي
سرى: الله وياك
مر يومين .....
هدير: يلا يمة كملتو
ام هدير: اي كملنة يلا امشو
ابو هدير: السلام عليكم
ابو سرى: وعليكم السلام هلا ابو هدير تفضلو عيوني
ابو هدير: شلونكم انشالله بخير
ابو سرى: الحمدلله بخير
ام سرى: كل الهلا نورتونا
ام هدير: اهلا بيج عيني😒
ابو هدير: يابة احنا جايين نطلب ايد بنتكم سرى لابنة هدير على سنة الله ورسولة
ابو سرى: 😓😯 انشالله باجر نرجعلكم خبر لازم نسال البنية
ابو هدير: اي اكيد اخذو وقتكم احنا نترخص
ام سرى: زارتنا البركة
ابو سرى: سررى سرررى
سرى: نعم بابا
ابو سرى: تعالي بابا
سرى: ها بابا منو اجة
ابو سرى: بابا هذولة بيت ابو هدير اجوي بخطبوج لابنهم
سرى: هاا بيت ابو هدير 😆😳
ابو هدير: اي بابا انتي قابلة
سرى: انتة شتشوف بابا
ام سرى: ماما انتي راح تزوجين مو ابوج اناي قابلة والولد خوش ولد وابن ناس ومؤدب مناقصة شي
سرى: اوك ماما قابلة 😳😳
ابو سرى: على بركة الله باجر نبلغ ابو هدير
ام سرى: انشالله
ثاني يووووم .......
ابو سرى: السلام عليكم شلونك ابو هدير
ابو هدير: هلا ابو سرى تفضل عيني
ابو سرى: لا يابة بس جيت ابلغكم اابنية موافقة
ابو هدير: يي الحمدلله
ابو سرى: يلا اني اترخص
ام هدير: ها قبلت الانسة
ابو هدير: اي طبعا
هدير: بابا شوكت الخطوبة
ابو هدير: ما ادري بابا انشالله باجر نروحلهم ونتفق على الخطوبة شوكت
نور: وهلا هلا راح يتزوج اخوية كللللللويش
هدير: خبلة سكتي
صار ثاني يوم...
سرى: يمةةةةةة الباب يندگ اجوي
ام سرى: اي يمة طلع ابوج
ابو هدير: السلام عليكم
ابو سرى: وعليكم السلام تفضلو عيني
ام سرى: هلا بيكم عيني تفضلو
خلصت الخطوبة وجان هدير وسرى كلش فرحااانين بعد اسبوع تزوجو وبدت مشاكل ام هدير وية سرى ويوم من الايام سرى كعدت الصبح حضرت الريوك لهدير وكعدتة
سرى: حبيبي دودي يلا اكعد
هدير: كعدت حبي
سرى: يلا هذا الريوك جاهز راح اروح احضرلك ملابسك على ما تكمل اكل
راحت سرى حضرت ملابس هدير وعدلت الغرفة صعد هدير بدل وطلع للشغل نزلت هدير نضفت البيت وطبخت وغسلت الملابس والاماعين كملت كل شغلهة صارت الساعة ب١٢ ام هدير جانت بعدهة نايمة خلتهة نايمة مكعدتهة وصعدت لغرفتهة ترتاح وتمددت على الجرباية وغفت واخذتهة النومة لل١ الضهر كعدت على صوت عمتهة (ام هدير) ادگ الباب وتصيح
ام هدير: وينج لج سرى نايمة للضهر اووف اني كتلة لابني مياخذج بس مسمع كلامي الحب عماه
سرى: عمة كعدت من ال٨ الصبح والله ونضفت وطبخت واجيت ارتاح واخذتني النومة
ام هدير: واكو وحدة تنام لل١ الضهر
بهاي الاثناء اجة هدير وسمع صوت امة تصيح راح عليهة
هدير: يمة شبيج صوتج واصل للشارع
ام هدير: هاي مرتك نايمة للضهر كعدت اريد اكل ماكو
سرى : لا والله كعدت من الصبح بس اجيت ارتاح واخذتني النومة
هدير: سرى ماكو اخذتج النومة تنتضرين امي تكعد وتسويلهة اكل
سرى: اسفة عمة والله ما اعيدهة
ضلت ام هدير تسوي مشاكل بيناتهم ويوميو متهاركين وسرى تضل ساكتة لخاطر هدير لان متكدر تعيش بدونة وهدير دائما يهدي سرى ويحجي وياهة وسرى متحملة كلشي صار مر سنة على زواجهم
ام هدير: يمة ما ناوي تجيبلنة طفل
هدير: يمة بعد وكت مصارلنة سنة
ام هدير: صارلكم سنة شكو بعد
هدير: الله كريم
سرى: حبيبي وديني اليوم لبيت اهلي اريد اشوفهم
بيت اهل سرى انتقلو لغير منطقة بعد ما ازوجت سرى لان لگو بيت احسن من بيتهم وارتب قررو ينتقلون هناك
هدير: ماشي حبب باجر اوديج
ثاني يوم هدير ودة سرى لاهلهة وبقت هناك اسبوع
ام سرى: يمة ليش هيج وجهج وضعفانة كلش ليش متاكلين زين بيت عيالج
سرى: لا يمة ما بية شي بش تعبانة
ام سرى : يمة كولي ام هدير مضوجتج هدير ماذيج
سرى: لا يمة كلهم زينين وياي بس..
ام سرى: بس شنو يمة احجيلي
سرى: يمة ام هدير يومية تسويلي مشكلة ونتعارك اني وهدير بس هدير يصالحني وميبقيني زعلانة واني متحملة علمودة
ام سرى: يمة اني راح اكول لابوج وهوة يتصرف وياهم
سرى: لا يمة لتكليلة
ام سرى: لا اكلة هاي مو وضعية شوفي شصاير بيج من وراهم
ابو سرى: ها بابا شلونج
ام سرى: مو زينة عيالهة ماذيهة بس هدير زين وياهة وام هدير متعوفهة بس مشاكل
ابو سرى : اني جنت اعرف ام هدير مراح تعوفج هاهية من يجي هدير اني اكلة يشتري بيت وتطلعون من بيتهم
اجة هدير ياخذ سرى
ابو سرى: سرى متجي وياك مترجع الا بيت وحدهة
هدير: ليش عمي
ابو سرى: انت تعرف امك شوف شصاير ابنتي
راح هدير ضايج ومقهور معرف شيسوي اجتي اختة نور حجت وياه وقنعتة يشتري بيت . قرر هدير يشتري بيت صغير على كدهم وكعدو بي هوة وسرى وجانت سرى دائما تكلة ان يزور اهلة ويشوفهم حتة ميكولون الناس عاف اهلة من ورة مرتة وهوة يروح ويضل يمهم ويرجع لبيتة
هدير: حبيبتي اني رايح محتاجة شي
سرى: لا حبيبي بس عندي طلب
هدير: كولي
سرى: خلي نعزم عمة وعمو ونور عالغدة اليوم
هدير: اوك اخابرهم واكلهم
سرى: اوك
هدير: شلونك بابا
ابو هدير: هلا ابني الحمدلله انت شلونك سرى شلونهة
هدير: الحمدلله بخير ،بابا تعالو اليوم يمنة عالغدة
ابو هدير: انشالله بابا نجيكم
راحو اهل هدير لبيتة وتغدو ام هدير تأسفت من سرى على كلشي سوتة وكامت تحب يرى كلش على طيبة كلبهة وشلون تحملتهة لخاطر هدير بعد شكم شهر سرى طلعت حامل وجابت ولد سموه احمد وعاشو احلى حياة ابيتهم الصغير وحياتهم البسيطة .
