.....❤وجمعتنا الصدفة❤.....
في بعض الاحيان تكون الصدفة كافية ليجمعك بشريك حياتك .. هذه هي قصة الشابان (ايلان & مراد)
ايلان
اني ايلان عمري ١٨ سادس اعدادي عايشة ابغداد وية اهلي امي&ابوية&اخوية(احمد)&اختي (ريم)
احنا عائلة بسيطة عايشين بسعادة وراحة سوة . هوايتي القراءة وتصميم الازياء عندي صديقة مقربة مني (ايات) هية صندوق اسراري واعتبرها مثل اختي . مواصفاتي قصيرة شعري طويل بشرتي بيضة عيوني بنية .
مراد
اني مراد عمري ٢٠ مرحلة ثانية كلية هندسة عايش بأمريكا وية بيبي اهلي توفو قبل سنتين بقت بيبي ام ابويةعشت وياهة لان ما عندي غيرهة . ما عندي شي اهتم بي اكثر من دراستي وهدفي اتخرج من الكلية واصير مهندس . مواصفاتي طويل شعري اسود كثيف بشرتي حنطاوي عيوني سوداء.
*مراد وايلان جانو جيران وعلاقتهم كلش قوية وجان مراد يحب ايلان بس هية جانت تعتبرة صديق الهة بس بعد فترة كبرت علاقتهم وحست ان هية تحبة بس الضروف فرقتهم . اهل مراد چانو يريدون يعيشون بأمريكا علمود شغل ابو مراد فأضطرو يسافرون لامريكا باثناء سفرهم تعرض ابو مراد لجلطة بالدماغ وتوفى راسا ام مراد متحملت الصدمة توفت وراه اثر انخفاض الضغط والسكر عدهة وتوفت . مراد وصل لامريكا وحيد اهلة توفو بس جانت وصية ابوه ان يستلم الشغل من بعده وافق مراد واستلم الشغل من بعد والده ( ابو مراد جان يشتغل مدير شركة لتصاميم معمارية يعني مهندس معماري ) مراد جان كلش يتعب هم شغل وهم كلية وصدمة اهلة بس جان يشوف بيبيتة ينسى كل همومة. وبنفس الوقت جان يتذكر ايلان وطفولتهم سوة وسوالفهم وحبة الهة حان يتمنى لو كايللهة على حبة بس القدر جان اقوى من علاقتهم وكدر يفرقهم .
*ايلان تاذت كلش بعد سفر مراد جانو كلش اصدقاء وبنفس الوقت حبيبين بس محد يعرف بالثاني. وجانت دائما تحاول تتواصل وياه بس متكدر حاولت اكثر من مرة بس فشلت كل محاولاتهة .
بعد ٣ سنوات مرت.....
ايلان دخلت للكلية وهية مرحلة ثالثة وايلان تخرج من الكلية وكمل الشغل بشركة والدة في يوم من الايام طلبت جدة مراد ان يرجعون للعراق فترة وبعدين يعودون لامريكا طبعا مراد وافق لان ميرفض اي طلب لجدتة وحجز تذكرتين وجانت طائرتهم بعد يومين . مراد جان فرحان لان راح يرجع لبلدة واصدقائة واقاربة وحبيبتة بس حزنان لان راح ترجع ذكريات اهلة وبيتهم .
مر يومين..
اليوم موعد طائرتهم للعراق مراد جان فرحان وكذلك جدتة .
الوقت: ٧:٠٠ مساءا هبطت الطائرة بمطار بغداد الدولي راح مراد علمود يكمل اجراءات السفر والجنط وهاي السوالف ورة ساعة راح مراد وجدتة لبيتهم ارتاحو ورتبو غراضهم طلب مراد العشة ونامو .
ثاني يوم الساعة تسعة الصبح...
كعد مراد وحضر الريوك( الفطور) وكعد جدتة علمود يتريكون سوة بعد نصف ساعة كملو اكل وراح مراد للشركة وضلت جدتة بالبيت كاعدة ورة ساعتين رجع مراد للبيت وكال لجدتة ان يريد يروح لبيت ايلان ويشوفهة جدتة وافقت مباشرة وراحو دكو الجرس لبيت ايلان طلعت مرية تقريبا عمرهة بالخمسين سالهة مراد ردت عليه ان بيت ميلان انتقلو لغير بيت بغير منطقة مراد حزن كلش وانقهر لان ضيع حبة الاول وصديقة طفولتة رجعو لبيتهم صعد مراد لغرفتة ومقبل ياكل شي .
