#سبنسر
قمت الصبح وكنت مصدعة دخلت الحمام و خذيت شاور سريع و طلعت
ما جففت شعري لأني كسولة...!
سويت لي فطور و فتحت التلفزيون و قعدت اشوف وانا اكل.
كان صباح ممل.. بدون اريا
صح انها مو معاي بالشقة بس مستحيل يمر اسبوع بدون ما تنام عندي
اشتقت لها:(
اتمنى اشد شعرها مثل اول بأسرع وقت و نتضارب على أتفه الأسباب!
شفت الساعة كانت 2:30 a.m
واو تأخرت في النوم !!!'
دقيت على زين لأني ملانه و يمكن يقدر يجي ونستمتع شوي
-المكالمة-
سبنسر: هاي زين... انا سبنسر
زين: اوه، جميلتي♡
استغربت بس ضحكت
زين: اممم سبنسر انا ملان وقاعد لحالي.. شرايك انا وانتي نطلع نروح مكان و نستمتع؟
ضحكت و انصدمت
سبنسر: انا اتصلت لأني ملانه.. أوكي انا موافقه متى؟
زين:الحين!
سبنسر: لا لا انا الحين قمت و...
زين: انا جاي.
وسكر
--
اففففف عنيد!
رحت غرفتي و فتحت الكبت ... دورت ملابس و ما كنت عارفة وين بروح مع زين فجلست عالكرسي محتارة
و سمعت صوت جرس الباب
بهالسرعة وصل زين؟!
رحت افتح و هو انصدم
زين"للحين بالبيجاما!!!!!!"
رفعت كتوفي
دفني للغرفة و شاف الكبت مفتوح
"اوووه آنستي محتارة.. خلينا نشوف.. هذا لا.. مستحيل..اممم لا...يمكن.... هههذذذااا"
استغربت لانه قميص و بنطلون ...
"بس هذا لبس عادي"
"البسيه و بعدين بتشوفين"
"زيييييينن"
"مفاجأة مفاجأة:)"
طلع من الغرفة و انا لبست و خلصت-
ربطت شعري و حطيت ماسكارا و طلعت
كان زين جالس عالكنبة
"خلصت" قلتها وانا البس جزمتي
"واو.. سبنسر انتي جميلة جداً"
احمرت خدودي و ما عرفت شقول !
"شكرًا"
طلعنا و إحنا ماسكين أيادي بعض مرة ثانية بس هالمرة كنت مرتاحة:)♡
ركبت سيارته بعد ما فتح لي الباب*
زين"جميلتي...انا ناوي أخذك لمكان انا احبه كثير!"
"و وين هذا المكان اللي يحبه جميلي؟"
جج ج جميلي؟
انا قلتها
قلتها و انا ما اقصدها!
زين ابتسم ابتسامة كبييييرة و احس عيونه تطلع منها قلوب
مسك ايدي و رص عليها
"انا جميل بالنسبة لك؟"
"اممم"
هزيت راسي ب"اي"
مرر أصابعه بين شعره و كانه محتار
"شفيك!" سالته
"خايف اكرر نفس الغلطة و تتركيني بعدها."
ابتسمت ابتسامة خفيفة
و قربت لعنده
و هو قرب اكثر
الاتصال اللي كان بين أعيننا كان افضل شي صار لي
همست له "انت مميز بالنسبة لي زين"
وهو همس"انا انا...انا احبك"
مسكت راسه و بسته بقوة
و فكيته بعدها
وكان مغمض عينه ومبتسم
ضحكت ضحكة ما تنسمع
فتح عينه و قال"كنت اتمنى انه لحظات نفس هذي ما تنتهي معاك سبنسر."
مسكت ايده بايديني الثنتين و كنت افركها
كانت ايده باردة .. عكس ايدي الدافية تماماً.
"متى بنروح؟!" سالته
"اوه صح! يلا"
حرك السيارة و طول الطريق وانا ماسكه ايده .. كان يسوق بوحده بس.
تأخرنا و انا بديت امل في السيارة و زين كان مركز بالطريق..
وانا أتأمل ايده فجأة وقف بريك !!
"شفيك زيين؟؟"
"قطة .. كنت بدعمها"
طلعت راسي من الدريشة و لقيت قطة صغيرة
"كيووووووووت" :)
طلعت من السيارة و شليتها كانت صغيرة جداً على حجم ايدي
دخلتها سيارة زين بس هو طلع اول ما دخلت
"زينووو... لا تقولي تخاف من القطط!" و بديت اضحك عليه
"انا..؟ انا ما أخاف منهم بس هم شريرات بمخالبها الحادة" و بدا يقلد القطط
وانا انفجرت من الضحك
و جلستها في حظني و بديت امسح راسها
"تعال.. انا معاك." قلتها لزين اللي دخل بعد ما سمع جملتي.
مسكت ايده و خليتها تحت ايدي ولفية عليه
"زين.. شوف ما تخوف"
بدا يضحك على نفسه وكانه طفل.
"سبنسر.. يمكن عندها ام خليها أحسن !"
"بس.. بس هي كيوت و انا حبيتها:("
ما رد علي زين و رجعتها لمكانها
و رجعنا للطريق مره ثانيه
وقف زين عند ملاهي قديمة ..
"وااااااااو" اندهشت لما شفتها
كانت كبيييرة كبيرة
و طلعت مع زين مسك يدي و باس خدي "حبيتي المكان؟"
ضحكت وانا متعجبه"طبعا! حبيته من اول ما دخلته"
وبدينا نلعب العاب كثييرة......
ودخلنا بيت الرعب، و المرايا، و كان في سيرك صغير حضرناه
و قررنا نطلع نروح ماكدونالز نتعشى♡
-----
*الحين هم في سيارة راجعين للبيت*
"شكرًا زين شكككراا ما قضيت وقت ممتع زي كذا من زماااان" و بست خده
"صدق؟؟ خلاص كل يوم بنستمتع نفس اليوم و اكثر ! بس لازم توعديني بشي!!!"
"وعد؟ شو هو الوعد؟" سالت.
"ما تنسيني مهما صار."
ابتسمت و قلت له" زين انت مستحيل أنساك."
وصلني البيت فتحت باب السيارة عشان اطلع و مشيت رايحه لبوابة البناية
لحقني زين وقال"سبنس ممكن نقضي باقي الليلة مع بعض؟ ما عندي شي اسويه"
فكرت شوي و وافقت لأنني أخاف انام وحيدة.. ولكن وجوده يمكن يبعد هالشعور.
~~
دخلنا الشقة و كانت مرتبه:) الحمدلله
زين رمى نفسه على الكنبة و انا رحت أجيب لحاف *غطاء* و وسادة له.
رحت ورجعت لقيته نام... خليته نفس ما هو بس فصخت جاكيته و غطيته
قبل ما ارجع لغرفتي شفته نظرة أخيرة و بعدين رحت
كان مصدر سعادة جديد لي ..
كنت أتفائل بمجرد أني اشوف وجهه المشرق..
كان يضيف شي جميل لحياتي اذا ابتسم..
ببساطة؟ وقعت في حبه..
-------------------
شكرًا لكم أحبكم والله تسعدوني بتعليقاتكم زيدو منها عشان اتحمس و اكتب تشابترات طويلة و كذا يعني:)) x
بالنسبة للي يقولون لي ليش مافي ازعاج من المعجبات في الرواية و انهم يقدرون يتحركون براحتهم وكذا......
حبيت اقول أني ما كنت حابة اظهر هالشي في الرواية لانه بالنسبة لي مؤ مهم ! و بس:)
شكرًا مرة ثانية ❤❤❤
أنت تقرأ
You Saved Me.
Novela Juvenilآريا، الفتاة الخجولة التي تخشى التعرف على أناس جدد هل سيستطيع ليام باين تغيير ذلك؟ وماذا سيحدث بعدها؟ الاحداث تروي كل شيء.
