#آريا؛
نزلت تحت و لقيت شخص انصدمت انه كان بصالة بيتنا!!!!!!!!!!!!!!!!!!!!!!!!
كانت ام آندي!!!
أم صديقي آندي اللي توفى قبل اربع سنوات ومن بعد وفاته اختفت فجأة..
ناس قالو انتحرت .. وناس قالو زوجها قتلها بعد ما اتهمها انها الفاعلة لانها سمحت له يروح مع أصدقاءه(أصدقاء سوء) !!
بس هي الحين قدامم ععينيي!!!!!!!
كانت هذي الأفكار تدور بمخي وفاتحه فمي و اناظرها !!!
هي ماشافتني وماكنت ابي اكلمها لأني مابي سيرة آندي تنعاد اكثر و أنا بديت اتعود على غيابه...
دخلت المطبخ شفت أمي تسوي قهوه لها و لسارة (ام اندي).
"آريا أنا اسفه هي جتني وماقدرت اخليها برع وتعرف..."
"ماما.. خلاص أنا ما كنت ناوية اكلمها اساسا !"
"تبين قهوة" سألتني أمي
"لا اصلا سبنسر عازمتني على حسابها بنفطر سوا" قلتها وانا اطلع من الباب الخلفي
-----
-في المطعم-
"اهلا اهلا، تدرين كنت بطلع قبل شوي بس أكلهم مبين حلو من المنيو" قالت سبنسر وهي معصبة لأني تأخرت.
أنا ما رديت عليها كنت افكر بأم اندي.. وكيف كل اللي بالحي انقلبو عليها وقت وفاة ولدها الوحيد! تذكرت ملامح وجه آندي ونزلت دمعة .. قطع تفكيري صوت سبنسر وهي تصرخ
"ترا جايين ناكل آريا والله ما كلت شي من امس"
لاحظت سبنسر دمعتي و قامت من مكانها و حطت يدها على كتفي وهمست
"شفيها الوحشة الصغيرة؟"
ابتسمت .. ضحكت فجأة.
سبنسر ورافعه حواجبها؛"والله أنا عندي صديقة غريبة تدمع وتبتسم و تضحك بنفس الوقت"
رديت بكل ثقة:
"وما بتلقين نفسها لو لفيتي الكون كله"
سبنسر تتطنز"ما علينا نطلب آنسة اريا؟"
"طبعا طبعا"
طلبنا و أكلنا وطلعنا ندور محل يبيع العاب للأطفال
لقينا واحد كان كبير و كان مزدحم شوي
ما مضت ثانيه الا وسبنسر مطلعه عيب فالمحل وانه ما يستاهل كل هالناس اللي يجونه!
وانا اضحك عليها
خذينا العاب للأطفال المرضى ورحنا لمحل تغليف و غلفناهم!
" كنت أحسبها شغله سهله" قالتها سبنسر وهي ترجع راسها لورى كرسي السيارة
ابتسمت ورديت عليها" بس الابتسامه اللي بتشوفينها بوجوههم تستاهل هالتعب"
"حكم حكم، تعلمت آريا"
ضربت راسها وضحكت على كلامها
وصلت سبنسر لبيتها و رجعت البيت.
ما لقيت اشتون المزارع مع انه وقت دوامه لازم يكون موجود!
دخلت البيت و كانت أمي تقلب القنوات و شكلها طفشانه .. اقترحت عليها انها تحضر الحفل بالبداية رفضت بعدين وافقت
لبست فستاني الوردي كنت مقررة البسه اول ما سمعت بالحفلة عدلت شعري و حطيت مكياج خفيف
اتصلت على سبنسر و أقولها تجهز كانت جاهزة على حسب كلامها!!
دخلت غرفة أمي كانت مقابلة غرفتي وكانت تعدل شعرها .. كانت جمييلة اول مره أشوف أمي بهالجمال من بعد أبوي ما كانت تروح حفلات عادية او حفلات خيرية
بستها ومدحت شكلها ! وقفت عندها ناظرنا اشكالنا كانت مقبولة.
"يلا؟"
"آريا واثقة أني اروح معاك للحفلة احس..."
" ماما! لبستي و صرتي مزيونه واخرتها ما بتروحين؟ اصلا هي حفلة خيرية يعني تقريبا بنوزع للاطفال الهدايا و بنحتفل شوي وبس!!هه يلا سبنسر تنتظرنا"
----
كان شكل سبنسر يضحك واقفه برع بفستانها و متحجره
"شكلها من ساعتين واقفه برا"
ضحكنا وناديتها كانت تلعب بجوالها
"اخيرا"قالتها وهي شوي وبتبكي وجت تركض
ركبت ورا
"حرام عليك يا اريا تدرين كم ساعة أنا برا؟ وكان في شباب يضحكون علي و صوروني والله خلينا نوصل الحفل والله بوريك شغلك عدل"
كنت ااشر لها انه أمي معانا بس كانت معصبة و ما لاحظت حركتي
وقفت أمي ضحك و قالت لسبنسر"كم ساعة وانتي برا؟"
"ااا امم لاا كنت امزح" حكت رقبتها و نزلت راسها من الاحراج
وصلنا الحفلة وكانت في بيت أحد أصدقاء سبنسر ..
كان فخم و حطينا الألعاب في ركن خاص لها بالقاعة
الموسيقى كانت هادية لانه زوجة صديق سبنسر كانت ترحب بالمدعوين و تشكرهم على انهم حضروا.
استأذنت أمي وراحت تكلم شخص ، ما كنت مرتاحه للفكرة بس راحت من غير ما أتكلم..
وسبنسر اختفت فجأة
يابووي وينهم خلوني ضايعة في مكان ما اعرفه !!!!! كنت اتلفت يمين و يسار كأني ضايعة...
سمعت صوت غريب اول مرة اسمعه في حياتي
"ضايعه"
ما كنت ناقصه احد يتفلسف علي و أنا اكره أتعرف على ناس جدد !
رديت من غير ما أشوفه وكنت معصبة من حركة سبنسر "لو سمحت ممكن تبعد عني؟"
رد الشخص المليق "اوب كلتيني أسف !!!"
حسيت أسلوبي كان كريه و جاف لفيت عليه كان رايح للبوابة شكله ضايع نفسي
"اممم أنا اسفه بس أنا ضايعه ومعصبه شوي"
قلتها بصوت عالي شوي عشان يسمعني
"اصلا ما تفرق عنده" و رجعت ماشيه للمكان اللي كنت فيه
"احمم"
لفيت وكان واحد أطول مني و عيونه جميلة جداً و معضل شوي و عنده وشم على ايده
"واااااو" لمسته أنا ما احب الوشوم بس هذا كان عجيب و يجذب الأنظار كانت اربع اسهم لمستهم لا شعوريا واستوعبت و رجعت لطبيعتي
"عفوا، أعرفك؟"
"اعتذرتي لي قبل شوي"
استغربت و على طول تذكرت
"اوووه المليق" طلعت مني بدون قصد
"عفوا؟"
"المممللييققق اا ااا اسفه اقصد الرقيق"
قطع حديثنا صوت صراخ قوي
ركض و أنا وراه وكانو ناس متجمعين على طفلة من الاطفال المرضى اللي بالحفل !!
حاولت افهم اللي صار بس الناس كانو خايفين ومحد فاضي لاحد
طلعت البنت طيحت الكيكة الكبيرة اللي بيقطعونها بالنهاية و راعية الحفل المجنونة صرخت !
لقيت سبنسر واقفه مع واحد بعيد عن المكان
كان ودي اذبحها !!! بس ما كنت ابي أحرجها مع اللي معاها فَ مشيت شوي شوي و شافتني سبنسر عطيتها نظرة شريرة بس قالت للي معاها
"أخيرا هاذي هي آريا اللي قلت لك عنها صديقتي"
كان معاها واحد ابيض شعره اسود و رافعه لفوق و لابس بدله سوداء
مد يده وقال
"اهلا أنا زين، سررت بمعرفتك"
ترددت بس بعدين مديت يدي و سلمت عليه"أنا آريا، بس للحين ما تعرفنا كيف سررت بالتعرف علي!" كنت جادة و رافعه حاجب
ردت سبنسر بسرعة "هه آريا هه ما تقابل كثير اعذرها" وسحبتني على جنب
"آريا وينك من نص ساعة ادورك وما لقيتك"
"ويني؟ انتي اللي وينك اختفيتي فجأة ولا خبرتيني وبعدين من هذا الاهبل اللي كان واقف معاك"
" هذا زين من فرقة ون دايركشن اكبر فرقة بالعالم و هو جاي للحفل مع ثلاث من اصحابه عشان يقدمون فقرة بسيطة للأطفال و المدعوين لا تفشليني تونا متعرفين على بعض"
"أوف يلا امشي"
رجعنا وكان المدعو زين يشرب عصير و دعى سبنسر لمشروب معاه ووافقت النذلة من غير ما تفكر في صديقتها اللي ما تعرف شي
راحو وجلست على كرسي كان في اثنين يسولفون و أصواتهم مزعجه حطيت راسي عالطاولة و سكرت أذني وقلت لهم
"يا مزعجينن سولفو في مكان بعيد عني"
رد واحد منهم
"وش دخلك انتي !!!"
"رفعت راسي طلع نفسه المليق اللي قابلته قبل دقايق اوهو يلاحقني هذا وش يبي بالضبط!!!!!!!!!
"اوه المليق شجابك عندي؟"
"ليام؟مين هذي تعرفها؟"
قلت وانا اتطنز" اسمك ليام بعد؟ ترا مو حلو الاسم نفسك" كنت نعسانه حطيت راسي عالطاولة احاول انام
بعد دقيقة حسيت احد واقف قدامي فتحت عيني طلع ليام و صاحبه الأشقر
"وبعدين معاكم؟ الواحد ما ينام فهالحفلة؟"
ضحك الأشقر و كانت ضحكته كيوت ما قاومتها وقرصت خدوده بعدين رجعت لوضعيتي السابقة
استغربو بس حسيته همس لليام"لا حلوة حلوة"
سويت نفسي نايمة وانا اسمعهم
"نايل هذي عنيدة واسلوبها أبدا مؤ حلو وانت تدري عندي الأخلاق اهم من الشكل"
قمت وعصبت "تقصد أني وقحة؟"
"يممه نايل تتوقع سمعتنا"
"اي سمعتكم و ترا انت للحين ما تعرفني اقدر ادفنك بس أخاف على الكيوت يخاف مني"
ضحك اللي اظن اسمه نايل و بعدين رجع عادي ... راحو من عندي
وقمت ادور سبنسر لأنهم قالو بالمايك انهم بيقطعون الكيك ناكلها مع بعض و نرجع للبيت .....
انتهى هالتشابتر!!! :)
صوتو:(
و توقعاتكم للجاي-
ليام بيشوف آريا مره ثانية؟
واذا شافها بيتخانقون ولا آريا بتعدل اسلوبها معاه؟
ونايل الكيوت بيكون في اللقاء الثاني ؟
وشكرا.
أنت تقرأ
You Saved Me.
Novela Juvenilآريا، الفتاة الخجولة التي تخشى التعرف على أناس جدد هل سيستطيع ليام باين تغيير ذلك؟ وماذا سيحدث بعدها؟ الاحداث تروي كل شيء.
