خلاص عامية:') اصلا لما اكتب بالفصحى احس أني بالمدرسة و هالشعور مؤ حلو أبدا:) عامية عامية..
دخل شخص ويده عليها وشم نفس اللي كان بالحفلة الخيرية..
معقولة ليام؟ بس كيف يعرف ايلانور
كنت ضايعة في عالم اخر وسمعت ايلانور تقول وتلوح بيد "هيييلوووو"
"ههههه، اهلا؟"
"من متى نناديك شكلك تفكرين بشي مهم"
"هممم، لا. "
رجع الشاب وكان ليام!
كان ترتيبنا عالكنبة
ايلانور لوي نايل زين هاري انا (كان بيني وبين هاري مساحة) و سبنسر
قعد ليام جنبي من غير ما يشوفني
غمض عيونه وشكله خايف او في باله شي
كنت متنحه و اناظره ما شلت عيني عنه
والباقين يسولفون
فتح عيونه ونزلت دمعه من عيونه..
خففت وبديت ارتجف؟؟ بس ليش جاني هالاحساس
"ل ل لل ليام فيك ش ش شيي؟" قلتها بخوف
لف وشافني ضمني من غير ما يتكلم و بعدين استوعب و بعد عني وراح لغرفة ثانية
كنت حاطه ايدي على راسي و سبنسر سالت " تعرفينه؟"
وبعدها نايل و لوي و زين وكلهم بدو يسألون
"شفيه ليام؟"
"شصاير"
"ليش ضمك شو صار؟"
"تعرفون بعض!"
ما رديت عليهم و تذكرت اندي المفروض انا ما اقعد مع هالناس اكون قد خنت اتفاق اندي أني ما احب غيره بس قمت وسويت عكس اللي كنت افكر فيه .
رحت للغرفة اللي فيها ليام ما دقيت الباب فتحته
وكان ضام المخده ويبكي بقوة
سكرت الباب بشويش وتقدمت فكرت ارجع بس تشجعت واقتربت اكثر
ما لاحظني من كثر الحزن اللي هو فيه...
مسكت كتفه و قلت له "مهما كان السبب لا تحاول تجهد نفسك و تبكي، كل مشكلة ولها حل"
ما رد
وقررت اطلع بس وقف بكي
وقال بصوت خفيف "ممكن أضمك ؟"
"امم"
ما كملت الجملة و جا وضمني بقووة حسيت بالححزن والألم اللي حاس فيه رجع يبكي وانا قلت له و هو ضامني" ليام شو صار؟"
قعدنا عالسرير
تنهد
"خذ راحتك متى ما تكون جاهز تكلم "
خذ نفس طويل وبدا يتكلم
وقال "**********************************************************************************************************************************************************************************************************************************************************************"
خلص سالفته
دمعت عيني و قلت "انا اسفه ليام بس مؤ انت الغلطان وانا بساعدك على انك تتخطى هالازمة❤"
"شكرًا اريا"
"مسحت دموعه و قلت له"مابي اشوف دموعك مره ثانيه طيب؟"
"حاضر اميرتي"
وباس ايدي
استغربت بس طوفتها
ليام رمى نفسه عالسرير و قال "اريا انا مجرم" وبدا يبكي مره ثانيه
ياربيييه اسكته يبكي بسس شو صار بعد!
بعدين استوعبت انه عن السالفة ..
"لا ليام هذا مو خطاك ولازم تصلحه وقلت لك أني بساعدك ليش شايل هموم الدنيا على راسك ؟ "
"بس.."
"لا تكمل خلاص خلينا نرجع للباقين شكلهم خايفين علينا"
رتبت شعره لانه ما كان مضبوط و عطيته مناديل يمسح فيها دموعه و تجهز بس كانت عيونه حمرا
ورجعنا لهم
نايل: وينكم خفت عليكم؟
ليام: كلت اكلي:)؟
نايل ضرب لوي و صرخ : لوووويي قاللييي انه كان اكلي مؤ أكلك وبعدين كيف عرفت :(
ضحكنا عليهم وبعدين ابتسمت وقلت : عادي ليام بيعطيك اكله
ابتسم ليام : طبعا ما اخلي صديقي جوعانن
وحطينا افلام كل ما خلص فيلم حطينا ثاني و على اخر السهرة خربنا البيت وانسحبو الشباب عشان ما يساعدون في التنظيف-_-
نظفنا الغرفة و كنت بطلع نادتني ايلانور
"اريا، ممكن أكلمك في المطبخ شوي"
"كلميني هنا سبنسر نومها ثقيل ما بتسمع شي:)"
ضحكت و قرببت لعندي
"ليام انسان مافيه أطيب منه بس لما ينجرح يتحول انسان ثاني، لا تجرحينه آريا اللي صار له مؤ شويه"
كيف ايلانور عرفت اللي صار لليام اليوم ؟
يمكن قالها صديقته
لا ما اتوقع
حاولت استغبى و سألتها " شصار لليام؟"
"ليام كانت عنده حبيبة اسمها دانييل او داني وكان يحبها اكثر من اي شيء بالعالم و سعادته من سعادتها كان يهتم فيها اكثر من نفسه و يحاول يسويلها كل اللي تبيه بس داني ما كانت مرتاحه معاه وكانت تبكي وتشكيلي في الليل انه هي تحب واحد ثاني و كانت تقول انه هي تحب غيره و مهما سوالها ما بيغير نظرتها له و كانت تدري انها ما بتلقى احد يحبها نفس ليام بس الحب مؤ بايدنا، قبل يومين داني كلمت ليام و قالت له كل اللي انا قلته .. بس ليام ما اهتم و حسّن معاملته معاها الأحسن و خلاها كانها و لكن انفصلو"
مسككينن لليااممم ما يستاهل كل هذا!!
بس ما كانت نفس سالفة ليام قالها غير
"طيب ايلانور ا وليام للحين ... تقدرين تقولين (غرباء) "
"اريا انا أحذرك، لا تجرحين صديقي"
ودعتها ونزلت للسيارة وكان الكلام يتردد في أذني وحسيت بغصة و بدت تنزل دموعي بدون سبب و بدت تنزل اكثر
وقفت بريك قوي وراسي ضرب مقدمة السيارة ومن بعدها ما شفت شي
دراما على نهاية التشابتر=) !
حاولت أطول هالبارت شوي بس طلع كذا😂
Vote+Comment Your Opinion About This Chapter?
(I love long comments:)❤)
و ادري أني نذلة ما قلت لكم شقال ليام لاريا ، بس حاولت المح لما قالت ايلانور وعاد أنتو توقعو ... بكتب اللي صار في الاحداث القادمة ان شاء الله.
وشكرا!
أنت تقرأ
You Saved Me.
Teen Fictionآريا، الفتاة الخجولة التي تخشى التعرف على أناس جدد هل سيستطيع ليام باين تغيير ذلك؟ وماذا سيحدث بعدها؟ الاحداث تروي كل شيء.
