ابرة حقنه!! بتتحضر
وبتتحط فوريد امير... عشان يهدى
وبعدها،الدكتور ايمن بيقوم وبيكلم اسماء ومامته برة!
ايمن: هو ايه الى حصل بالظبط
اسماء: يادكتور هو كان بيتكلم فالموبايل ،من بدرى
ايمن: اها
اسماء: وبعدين ..انا كنت فالمطبخ وخالتى هنا
اكلنا وخلصنا وقعدنا
وكل ده وهو بيحكى فالتليفون
وبعدين كنا رايحين ننام
فجأة سمعناه بيصرخ بصوت عالى
زى الاطفال
كأن فيه سلك كهربا عريان ومسك فيه
وبعدين اغمى عليه ومحطش منطق!
ايمن: ممممم
اسماء: استنيت يدوب الصبح يطلع واتصلت بحضرتك تيجى تشوفه
ايمن: امير وصل لمرحلة بشعه من الاكتئاب، انا مش فاهم هو ليه مش عايز يساعدنى فعلاجه
مصمم يفضل تعبان وحالتى تسوء يوم عن يوم
الام: يا دكتور والنبى تشوفه وتساعده ..ومتزعلش منه لما يزعق
هو طيب
بس من ساعه ما ...
ايمن: من ساعه ايه ياحجه ؟ كملى
اسماء: بصراحه بقى يا دكتور من ساعه م ماتت البت خطبيته دى وهو حالته كده
لا اكل ولا شرب
قولنا يومين ويفوق
بس دى بقالها 3 شهور ميته
يعنى خلاص بقى ينسى
بس انا من يومين سألته امتى هيفوق من الى هو فيه
قالى
انه هيفضل كده لحد م يموت ويحصلها
ايمن: (خد نفس وطلع ببطئ) عارف
الام: عارف ازاى يادكتور
ايمن: مش مهم ياحجة..اهم شئ امير دلوقت ..انا عايز دلوقتى استفهم عن شئ معين
منك انتى واسماء
الام: اتفضل يا دكتور
ايمن: انا عايز اعرف فريدة دى شخصيتها ككل ..بعيدآ عن كلام امير عنها
ممكن هو عشان بيحبها شايفها بصورة ملاك ومش فيها غلطة
لكن انتو ممكن توصلولى شوية حلقات مفقودة من كلامى مع امير
اسماء: انا .. انا متعاملتش معاها كتير
بس هقولك ع اد م اعرف
ايمن: وانتى ياحجة ؟ اظن دى كانت خطيبة ابنك
الام: (عوجت شفايفها ) والله يابنى هقول ايه
حسبى الله ونعم الوكيل
ولا كنت عايزاهاا الجوازة دى
بس هقولك برضو يابنى اللى اعرفه عنها
يلا
الله يرحمها مطرح م راحت
-=-=-=-=-=-=-=-=-=-=-=-=-=-=-=-=-
مامت دعاء.. كانت داخلة الاوضه تطمن عليها
الى مش راحت انهاردة الشغل
وميعرفوش ايه السبب؟
مامت دعاء:ايه يادودو؟
دعاء: ايوة ياماما اتفضلى
ماما دعاء: ماروحتيش انهاردة الشغل .. وبردو قافلة الباب ع نفسك
بابا مشغول عليكى
وكل شوية يتصل بيا من شغله ويسألنى عليكى
دعاء: مافيش ياماما شوية ارهاق..بس
الام: طيب تعبانة من حاجة ؟ تحبى نروح الدكتور نشوفك
دعاء: ماما متكبريش الموضوع
كل الحكاية زهقت من الشغل
وعايزة اجازة
الام: طيب م تلبسى وتعالى نخرج نروح المول ولا اى حتة نشم شوية هوا
دعاء: ماليش نفس ياماما
الام: ماهو مش معقول يادعاء؟! انا مش عارفه مالك
وانتى مش بتتكلمى
وشايفاكى بتنطفى كل يوم عن يوم
دعاء: (بصت لها وسكتت )
الام: فريدة الله يرحمها .. مش هيرضيها الى بتعمليه فنفسك ده
وانتى عارفه كانت بتحبك اد ايه
دعاء: فريدة!!
الام: يا دعاء من يوم وفاة فريدة وانتى كده ..
ي قاعده وحدك
ي عند اختك
ومش بتكلمى حد
وكل م اكلمك تردى من غير نفس
دعاء: (عضت ع شفتها) ماما دى كانت صاحبتى
ولازم اكون زعلانة عشانها
الام: طيب الله يرحمها
واحدة وماتت كافرة ..هنزعل العمر عشانها
فريدة: ماما خلاص اقفلى عالموضوع (قامت من ع سريرها )
الام: رايحه فين
دعاء: هاخد دوش
الام: طب استنى اجهزلك الحمام..وبعد الدوش تيجى تاكلى معايا
وتفكى بقى لانى بجد صبرت عليكى كتير
دعاء: خلاص اوك
-=-=-=-=-=-=-=-=-=-=-=-=-=-=-=-=-=-=-=-=-
يعنى عمرها م عملت حاجة وحشة معاكى ؟"
الام: الشهادة لله ..لا
بس انا مبحبهاش وخلاص
ايمن: وانتى يااسماء
اسماء: زى م قولتلك يا دكتور هى كانت غلبانة اوى
وبتحب امير بصراحه
بس مجنونة بالتمثيل واحنا مش من طبعنا الحجات دى
كانت كتير تتكلم عن موتة كليوباترا
اد ايه روامنسية لما انتحرت عشان حبيبها
ايمن: تقصدى ممكن تكون قلدت كليوباترا؟ وانتحرت زيها عشان امير
طيب وهى هتنتحر ليه
رغم ان هى كانت مستعجلة ع جوازهم وكانت عايزة يبقو مع بعض فاقرب وقت
اسماء: انا بصراحه ..الى اعرفه قولته
لكن هى قلدت ولا
الله اعلم
بس هى ماتت منتحرة
والشرطة اثبتت ده
وملاقوش اى بصمات فالبيت غير بصماتها
ده انا حتى سمعت ان مامتها سابت الشقه بتاعتهم وسابت كل حاجة زى ماهى العفش والحجات
ومشالتش قشايه من مكانها
من يوم الحادثة
ايمن: .. طيب انا هدخل لامير دلوقتى، لانى الحقنة دى مهدئة بس
يعنى شويه ويفوق
لازم اكون جمبه عشان اراقب ردود افعاله
الام: اتفضل يا دكتور
ايمن دخل الاوضه .. وقعد جمب امير
بس لاحظ حاجة غريبة!
ايمن: (لقى كتاب شمس المعارف جمب سريره وكان متعلم ع صفحة معينه بورقه)
انسة اسماء!!
اسماء: ايوة يا دكتور؟
ايمن: مين الى جاب ال كتاب ده هنا؟؟!
-=-=-=-=-=-=-=-=-=-=-=-=-=-=-=-=-
دعاء...
نازله البانيو الى مامتها حضرتهولها ، وبدأ تسترخى فالمية السخنة
واعصابها ترتاح شوية
وهى فالبانيو والمية مغطياها... بتفتح عنيها تاخد الشاور من جمبها
بتبص لاقت صورة فريدة معاكسه فالسيراميك جمبها !!
دعاء: (اتخضت تحت الميه ) ف..فريدة!
وبصت قدامها ملاقتهاش ولاحاجة
وبعدين ظهرت صورتها فمية البانيو عند رجلها!!
دعاء: ايه ده (هتبتدى تقوم )
ياماماااااا
كانت فيه حاجة اقوى من قوتها بتغطسها لتحت فالبانيو
ودعاء بتحاول تطلع
ومش عارفه
فيه حاجة كانت بتخنقها وبتنزلها لتحت فالميه
وهى مش عارفه تتنفس
وبتحاول تصرخ وصوتها مش مسموع
وبعدين حاولت تفلت من الخنقه
وسحبت السدادة بتاعت البانيو
انصرفت المية كلها
ونادت ع مامتها بصوت عالى
واول م مامتها فتحت ودخلت ... كانت هى غابت عن الوعى من الخضة!!
الام: مالك يادعاء؟
-=-=-=-=-=-=-=-=-=-=-=-=-=-=-=-=-=-
اسماء: انا معرفش يا دكتور والله..هو فيه ايه الكتاب ده
ايمن: ده كتاب خطير جدآ ومؤذى، والوزارة منعت نزوله
ازاى وصل لامير
اسماء: بص يا دكتور انا هقولك..امير عنده 2 صحاب
اسراره كلها معاهم
انا ممكن اقولك عليهم
وحضرتك طلع ارقامهم من موبايل امير.. وهتعرف منهم كل حاجة
هما
اقرب ليه مننا
ايمن: اوك ياريت..
اتصل ايمن بشادى وحامد
كان شادى ميقدرش يسيب شغله وييجى.. لكن حامد استأذن وع وجه السرعه
كان فبيت امير..
حامد: انا الى اتدهوله
ايمن: هو انت متعرفش ان ده كتاب بشع ، انتو ايه بتستهينو بالحاجة ببساطة كده
حامد: انا يادكتور ادتلو الايات الى ممكن يحصن بيها نفسه
ونصحته ميقراهوش كله
بس هو اصر
وكويس ان حضرتك بتعالجه لاننا بجد عايزين نعرف اخره الى هو فيه ده ايه
ايمن: وشكله قرا جزء كبير فالباب ده (بيقلب فالكتاب) انت شوفت حصله ايه امبارح
والسبب فمجيي هنا دلوقتى
صاحبكم هيموت نفسه بنفسه
حامد: يعنى ممكن فعلا تكون حضرت .. روح فريدة اللهم احفظنا
ايمن: وممكن روح فريدة تكون دخلت سكنت جسمه كمان
حامد: يا نهار اسود (حط ايده ع بقه)
ايمن: انا معرفش فعلم الارواح اوى ..بس هحاول اجمع المعلومات الكافيه
لانى امير دخلنى فكذا دوامه لعلاجه بسبب عناده
حامد: مش لازم اى حد من اهله هنا يعرفو باللى حصل وتحليلك ده يادكتور.. دول ممكن يموتو من الرعب
ايمن: انا حاولت اخده عندى فالمصحه بس هو رفض
حامد: طب وحضرتك ناوى ع ايه دلوقت
ايمن: انت هتاخد الكتاب ده حالا.. وتحرقه
لان مش عايزين يرجع يقرا فيه تانى
وانا بقى هستخدم القوة لان الهدوء مش جايب نتيجه معاه
حامد: اوك يادكتور ولو حضرتك احتاجت اى حاجة انا تحت امرك فاى وقت
بس هو يبقى كويس
ايمن: ماشى ياحامد (قام وسلم عليه)
حامد: اتفضل يادكتور (بيوصله بعض لبرة)
اسماء: انت هتسيبه كده يادكتور ؟
ايمن: (بص لحامد) هو هيقوم ويبقى كويس..بس محدش فيكم يدخل عنده او يستفزه
الام: يعنى نقعد نتفرج عليه يادكتور؟
ايمن: معلش ده جزء من علاجه
اسماء: حاضر... شرفت يا دكتور
#بقلم_نوراسماعيل
-=-=-=-=-=-=-=-=-=-=-=-=-=-=-=-=-=-=-=-=-=-=-
دعاء فوقى ياماما ..فوقى انا مامتك ياحبيبتى
دعاء بتفتح عيونها .. وبعدين فاقت لاقت نفسها فحضن مامتها ، وغرقت فالعياط
الام: ايه ياحبيبتى .. مالك
يادعاء بتقلقينى علييكى
حرام عليكى
دعاء: (بتعيط) ماما متسبنيش..متسبنيش
الام: لالا وبترتعشى كمان .. انا هتصل باباكى نوديكى لدكتور حالا
وفالوقت الى كانت فيه دعاء عند الدكتور الى كشف عليها وقال ان مش فيها ولا اى حاجة عضوية وان صحتها سليمة ..
كانت فيه مفجأة عالباب البيت عند امير
واسماء اول م تلقتها!!
حازم!!
حازم: ازيك يااسماء (داخل ع طول )
اسماء: كنت فين يا حازم المدة دى كلها، شغلت امك عليك
حازم: (بيهرش فدماغه وبيعمل حركات المدمنين وتحت عنيه اسود وخاسس النص ) فين امى
اسماء: امك نايمة ياحازم..متمشيش رد عليا هنا
انت كنت كل ده فين وبتعمل ايه
حازم : مش شغلك وفكك من الاسئلة دوووقتى ! امى فييييين
اسماء: طب مش هتشوف اخوك امير الى تعبان جوه ده
حازم: بلا امير ..بلا بتاع
انا عايز امى
خرجت الام ع صوته ...
الام: حازم !! توك م افتكرت ان ليك ام تسأل عليها ؟!
حازم: امى !! فكك من حوارات ست الحبايب يا حنينة دى وشوفيلى فلوس
الام: انت كل م تشوف وشى تقول عايز فلوس
هو ده ال راجع عشانه ياخلفه الندامة
حازم: بقولك ايه ..بوقين حماضنين بتوع كل مرة
مش طالبة
هاتى فلوس عشان لو مرجعتش بفلوس هروح السجن
الام: م تتسجن ولا تحل عنى .. غور فداهية حسبى الله ونعم الوكيل فيك
حازم: كده!! طب متزعليش بقى من الى هيحصل
دخل دور فاوضتها وبتحاول اسماء توقفه .. وبيزقها وقلب الدنيا فوقانى تحتناى يدور ع فلوس ومش لاقى
وكسر السرير ..
حازم: فين الفلوووووووووووووس!! انطقى يا وليه
اسماء: ياحازم عيب دى امك
الام: مافيش فلوس ياشمام ..ياحشاش
حازم: طب والله لولعلك ف ام البيت
اسماء: (بتحاول تحوشه بايده ) ياحاازم بس... والنبى عشان خاطرى
حازم اخد باله من الغوشتين الدهب الى فايد اسماء وهى بتحوشه
اتدور ولف مسك دراعها وبيخلعهم من ايدها بالعافيه !!
اسماء: اااااه ياحزم انت بتعمل ايه انت اتجننت
حازم: معلش بقى .. (خلعهم وبيفتح الباب) لما نتجوز هجبلك محل بحالة
الام: دهب بنت خالتك ياحراااااامى (مش قادرة تقوم من مكانها) خد يا واد الهى ربنا ينتقم منك
(فتحت فالعياط هى واسماء بعد م ايدها انجرحت عشان اخدهم بالعافيه )
اسماء: سيبيه ياخالتى .. ربنا يسامحه
-=-=-=-=-=-=-=-=-=-=-=-=-=-=-=-=-=-=
مامات فريدة نايمة وجمبها الاء..
وبعدين شافت حلم غريب
اللهم اجعله خييير
الام: فريدة !! ازيك يابنتى وعاملة ايه
انتى عايشة يابنتى
الحمدلله يارب
ربنا مرضيش يكوى قلبى اكتر من كده عليكى
فريدة: (ساكته وادتها ورقه )
الام: ايه ده يابنتى ؟ انتى عارفه انى مبعرفش اقرا
فريدة: (جابت من وراها واقفه الاء ومسكتها الورقه)
الام: اقرى ياالاء.. اختك بتقول ايه
الاء..: بتقولك
خديلى
حقى
الام: اخد حقها ؟؟! من مين يابنتى
الاء: (بتقرا بالرحة) من .. من ابويا!!
ونكمل بكرة
=-=-=-=-=-=-=-=-=-=-=-=-=-=-
ツ شــبــاكـ الحـكــاوى والحــواديـت لنور إسماعيل
أنت تقرأ
شمسے_ديــْســمــبِــر
Horror10.. رقم 10,,بيفكرنى بحجات كتير ، يوم 10/10 كنت اول مرة افكر استقل بنفسى وا شتغل اشتغل حاجة بحبها وانا عندى 10 سنين..لاقيت جنية دهب فالارض ،فرحت بيه اوى وروحت شيلته مع والدتى وكنت حاسس انى لاقيت كنز بحالة ! وفشهر 10 اتولدت هى ... هى! حبيبتى ، فريدة ...
