ابتديت ادوخ ياامير...
متخافيش يافريدة انا ماسكك اهو وبعيدن الشراع مفرود يعنى مش هنغرق !
كنت مبسوط اوى اوى ، انا وفريدة
فمركب شراعية
لوحدنا
ده حتى المركبى ادتيله قرشين عشان يسيبنا لوحدنا بقى .. :)
هى كل م تخاف ، كانت تحضننى اووووووى .. وانا كنت بمشى بالمقداف اكتر فالمية عشان هى تمسكنى اكتر
فريدة: امير بجد انت بتستهبل .. امشى براحه فالمية والله بجد بخاف منها
امير: حبيبتى والله م هيحصل حاجة ..طول م الشراع ده مفرود والهوا بيزقه يبقى احنا فامااااااان
وعدو طيور البحر من فوقينا باصواتهم الجميلة ^_^
فريدة: الله !! شكلهم حلو اوى (بتشاور لفوق )
امير: تيجى ننام فنص المركب ونبص لفوق ونستمتع بصوت الموج وهو بيخبط فالمركبه ونبص للسما والطيور دى
فريدة: لا ياخويا انا اخاف !
امير: تخافى من ايه بس ؟ كل حاجة خوافه منها كده !
فريدة: اولا انت هتسيب المقداف والمركب هتمشى ع هواها ..فالمية وممكن ياخدنا السرحان نلاقى نفسنا ف اثيوبيا
امير: متخافيش اثيوبيا بنولها سد! هنخبط فالسد متقلقيش
فريدة: ههههههههههه يااخى بطل هزار
امير: بطلى انتى غلاسة وتعالى بس.. الوقت بيعدى
وفعلا نمت ع ضهرى فنص المركب وبصيت للسما وفضلت هى قاعده من بعيد بتبصلى ..
وانا قاعد شغال اغيظها واقول
ياسلاااااااااام!
احساااس فوق الخيااال
الله الله الله
فريدة: ايه يعنى بتحمسينى اجى اعمل زيك
امير: والله انا قولتلك وانتى حرة !
بس هى مقدرتش وجت ! جت فحضنى واحنا الاتنين بنبص للسما وبنشاور عالنجوم
وعالطيور
وصوت الميا
وريحه الهوا
ياااااااااااااه
امير: ياريت نفضل طول عمرنا قاعيدن كده فحضن بعض، ناسيين العالم
والساعه توقف ومتمشيش..
والساعه توقف ومتمشيش
توقف ومتشيييش..
امير ... امير!!
فوقت !! لاقته كان حلم :)
بس ياريته كان طول وفضلت حاسس انه حقيقة ..وكان سابنى الدكتور ايمن جايب سيرتك يافريدة مع قلبي <3
أنت تقرأ
شمسے_ديــْســمــبِــر
Horror10.. رقم 10,,بيفكرنى بحجات كتير ، يوم 10/10 كنت اول مرة افكر استقل بنفسى وا شتغل اشتغل حاجة بحبها وانا عندى 10 سنين..لاقيت جنية دهب فالارض ،فرحت بيه اوى وروحت شيلته مع والدتى وكنت حاسس انى لاقيت كنز بحالة ! وفشهر 10 اتولدت هى ... هى! حبيبتى ، فريدة ...
