شمسے_ديــْســمــبِــر

الحلقه 11

=-=-=-=-=-=-=-=-=-=-=-=-=-=-=-

"شكلك اتغير اوى يا امير.. كأنى شايف واحد تانى.!"

امير: شكلى اتغير ازاى ياشادى ؟

حامد: يقصد بقيت تعبان وشكلك باين عليك الاجهاد

امير:انا هفضل تعبان كده لحد م ابقى معاها ..

شادى: ياعم انا بقيت تضرب زى اخوك ولا ايه ؟تبقى معاها فين

دى واحدة ماتت

يعنى هى فحتة وانت هنا فالدنيا

حامد: بس يا شادى (بيغمزه)

امير: انا مش هرد عليكى ياشادى ..عشان الى زيك معرفش الحب الى بجد

عمرك م حسيت ان ضربات قلب حد انت متعلق بيها كأنها ضربات قلبك انت !

من كتر مانت حاسس انكم واحد.. فكل حاجة

ازاى هقدر انساها

ازاى هحب غيرها بقى واعيش حياتى وكأن شيئآ لم يكن

شادى: يمكن عشان انا معشتش الى بتقوله ده بقولك المنطق والواقع

دى واحدة مااتت

ومش موته عادية

انتحار

يعنى اعوذ بالله كافرة

وانت قال لسه بتحبها

ومش بعيد ابدآ انك تعمل زيها وتنتحر وتحصلها

بس احب اهنيك ع جهنم الى هتعملو زفافكم

فيها

حامد:بالراحة يا شادى مالك نازل عليه كده ليه

شادى: انا بفوقه لانه من اول م حصل الى حصل وهو مبقاش امير الى نعرفه

امير: لا كلامك..ولا كلامه

ولا اى حد كلامه هيدخل دماغى ولا يرجعنى عن الى نويت خلاص اعمله وماشى فيه وهكمله للاخر

حامد: انا بتطمن ع اهل بيتك ياامير ؟

امير: لا ليه

حامد: انت قريت الكتاب فالبيت ..وظهرتلك فريدة فيه

الخوف لا يكون البيت فعلا اتلبس

شادى: ايه!! فريدة ظهرتله!! هاااااااااار اسود

امير: وبتجيلى هنا كمان ! وبتقعد وبتحكى معايا

شادى : (مخضوض وخايف) ايه ياعم انت ..مين دى الى بتحكى معاك

سلامو عليكو

حامد: استنى ياحامد

شادى: استنى مين ياعم بيقولك بتجيله

امير: مش بتظهرلى بالنهار

شادى: لالالا وانا لسه هستنى بعد الكلام ده ..انا امى وابويا عايزينى