عشكتج

Part 5

.
.
.
انتِي تزهُرِين عُمراً كُلّما تكبُرين ،
أصْبحتِي إمرأه يطُوق
الورْد على عاتِقها 🌸🍒

.....

#عمر

صعدت بلسياره ويه عمر

مشت السياره بس انتبهت الطريق مو نفسه طريق المدرسه
ياسمين : شنو متندل مدرستي ؟هذا مو طريق المدرسه .

عمر : رايحين نتريگ جوعان .
ياسمين : بس اني ما جوعانه و راح اتاخر .
عمر : بعد وكت منتأخر ومرة اللخ لتعاندين من اگول كلمه تسكتين .

محجيت شي ضحكت بدون مااخلي ينتبه عليه

عمر : اشو تضحكين گلت شي يضحك ??
ياسمين : لا مگلت بس اني اليوم مرتاحه ومالي واهس اتعارك وياك .

عمر : خير ان شاء الله .

#عمر

فاجأني تصرفها ليش هيچ هادئه وساكته واني چنت رايد اتحارش بيها لان آحـبُ:* شكلها و اسلوبها من تصير عصبيه لو من تجادل معقوله حست عليه من بسته ؟

#ياسمين

وصلنا للمطعم مو بعيد قريب ع المدرسه وطبعا ريحة الاكل تشهي نزلت شفت المطعم الكل طلاب دياكلون بي و مشغلين فيروز صاير جوو حلوو النوب ريحة الاكل جعت لاا اراديا رحنه
گعدنه واجه ولد علمود يشوف طلباتنه

عمر حجه وياه و حجاله طلبنه انه اريد مخلمه وفطاير بلجبنه وكاهي وگيمر وچاي
راح الولد واخذ الطلب

ياسمين : لعد واني مااطلب شو مسألتني .?
عمر : انتي مرتي والي آكله انتي هم تاكلي ..عندچ اعتراض؟
باوعلي وعيونه تتحداني بس اني بقيت صافنه ع عيونه شلون نظره يعنيي حت اذاا جنت نااويه اتعارك نسيت

جاوبته گتله

ياسمين: لا ماعندي اعتراض لان كل الاكل الي طلبته احبه .

عمر : اها اوك..

#عمر

دافكر بيني و بين نفسي شنوو قصتها هلكد هادئه ابدد موو منن عوايدها ...
اتذكرت البارحه شصار كلت اسألها

عمر : ياسمين انتي من تنامي نومچ ثگيل يعني متحسين بأحد ?
ياسمين : لا مااحس.
وتضحك
عمر : زين ليش تضحكين ?
ياسمين : هيچ الضحك حرام ؟
عمر : لا حلال.. يلا كملي اكلچ خاف نتأخر .
ياسمين : اوككي .

خلصنه الاكل وتمشينه للمدرسه لان قريب المطعم
من بعيد شفت صديقتي هاي الحاطه عينه ع عمر واگفه ويه بنيه ثانيه فأني استغليت الموقف
وصلنا للشارع الي مقابيل المدرسه وعمر راد يودعني ويروح كبل حجيت ..

ياسمين : عمر تعال عبرني الشارع اخاف لان ذاك اليوم صار حادث وبنيه اندعمت .

باوعلي وهو متعجب