يتوجه حازم بعد ساعة لغرفة مريضته التي جاء بها من الظلمات وهو يفكر طلعتلي منين وازاي ماشوفتهاش
يطرق الباب طرقا خفيفا ثم يدلف الى الغرفة ليجدها مازالت نائمة وقد ترك الحادث على وجهها اثارا وخدوشا بسيطة لم تنجح في تعكير صفو جمالها الظاهر للعيان يتأملها حازم بدقة فوجهها طفولي برئ يدها صغيرة نظيفة اظافرها مقلمة بعناية غير مطلية ووجهها شاحب قليلا .
فجأه فتحت عينيها الرماديتين وحركت رأسها قليلا انتبه حازم في الحال وسألها:انتي كويسه,حمدلله على السلامه
ردت الفتاه: الله يسلمك
حازم:ايه اللي خلاكي ترمي نفسك تحت العربيه كده,كنتي عاوزه تنتحري
لاء انا بس كنت ماشيه ومش عارفه انا رايحه فين وبجد اتفاجأت بالعربيه وكنت متخيله اني هوقفها
حازم:معقول توقفيه,انتي اسمك ايه
الفتاه:سيرين
حازم:سيرين ,اسم غريب
سيرين بمراره:الدنيا كلها غريبه
تقاطعه دكتورة جيهان حيث تدخل الغرفة على غفله
جيهان:معقول يادكتور لسه ماروحتش
حازم حبيت اطمن عليها
جيهان:هاه عامله ايه دلوقتي حاسه بوجع
سيرين:ااه شوية بس بسيط في جنبي اكتر حاجة
جيهان:اسمك ايه بأه
سيرين:اسمي سيرين
جيهان:احنا عايزين اسمك الثلاثي ومكان سكنك كمان حد من اهلك عشان نتصل بيهم
سيرين:انا ماليش حد والي انتو عاوزينه اي فلوس انا تحت امركم
حازم:اظن مش وقته يادكتورة اما ترتاح شوية كمان هيا لسه في حاله صدمه اما تهدى تبقى تدينا التفاصيل دي
جيهان تنظر الى الفتاه الصامتة:انتي عارفة انك كنتي حامل
سيرين تطرق رأسها وتجيب بمراره:عارفه
جيهان:طيب على الاقل نعرف ابوه مين نبلغه
سيرين وقد عقدت حاجبيها بشده واتبعت بقسوه:مالوش اب
تنظر سيرين للطبيبه متحديه اياها ان تجرؤ على فتح فمها مرة اخرى ثم تابعت:من فضلكم سيبوني دلوقتي انا عايزه ارتاح
حازم يشعر بالضيق فهو يكره ذلك الصنف من النساء ذلك الصنف اللعوب ويغادر دون ان ينبت كلمه
اما دكتوره جيهان:طيب انا هسيبك ترتاحي وعامة انا عملتلك تنضيف للرحم بس انتي محتاجه تغذية وشويه فيتامينات بكره ان شاء الله هتاخديهم
خرجت من الغرفة وهي تفكر ياترى حازم ليه علاقه بالبنت دي ومخبي
يغادر حازم المشفى وقد توقف المطر عن الهطول واشرقت الشمس بشعاع دافئ يقاوم الغيوم المتلاحمة
عاد الى منزله ليجد والدته نجوى في انتظاره
نجوى:انت جيت ياحازم اتأخرت كده ليه يابني حازم:ازيك يا امي ,ايه الي مصحيكي انا مش قولتلك اني هتأخر
نجوى:يابني صحيت اصلي الفجر مالقيتكش جيت قعدت اسبح واذكر الله عبال ماتيجي
حازم:انا الحمدلله جيت بالسلامه ادخلي انتي عشان تنامي يا امي
نجوى:طيب احضرلك حاجة تاكلها
حازم:لاء ماتعمليش حاجة يا امي انا هدخل انام مش عاوزه حاجة مني
نجوى:عاوزه سلامتك ياضنايا
حازم:ازي منى صحيح
نجوى:اختك دي مغلباني اتخانقت مع خطيبها على حاجه تافها وكانت عاوزه تقلع الدبله ربنا يهديهم
حازم:هههههه كل مرة بتقول هسيبه ومابتقدرش سيبك انتي منها ده لعب عيال
نجوى:ربنا يهديهم ويفرحني بيك يا حبيبي نفسي اشوفك مع عروستك في الكوشه قبل ما اموت
حازم:بعد الشر عليكي ياست الكل ان شاء الله تفرحي بيا وبنهى وولادنا كمان يتنططوا على حجرك
نجوى:يسمع منك ربنا ادخل انت يابني عشان ترتاح
****************************
شنو رأيكم بالبارت وتوقعاتكم للي جاي وشنو تتوقعون قصة سيرين
فوت + كومنت بليز
