عشقت ايليا

ومرت الايام

بعد مرور ثلاث ايام ع خطف ايليا
ومحد من اهلها يعرفون عنها شي
وخايفين عليها حيل وماكدرو يوصلون
ال اي شي يخليهم يعرفون وين ومنوو خاطفها

يزن:-
صار 3 ايام ع خطف ايليا بس مااعرف نهاية هاي العبه شلون
هاي اخطر لعبه بحياتي كلهاا ومااعرف شنو اسوي مرت الايام
بسرعه ووكانت ايليا حيل طيوبه وحبابه بس اتعبني هوايه تتأمر
ومحبيت ارفضلها طلب محسستها هواي هيه مخطوفه لانو اعرف
هيه طفله واكيد بداخلها خايفه بس متحب تبين هل شي ....

ايلياا :-
صار 3 ايام اني مخطوفه شنو معقوله اهلي نسوني لو صار بيهم شي
يمه اسم الله ياربي ان شالله مابيهم شي يارب كون يدرون اني زينه اووف
شلون احاجيهم اكيد هسه خايفين عليه حيل ... بس يزن كلش زين وياي
معبالك خاطفني لو بس اعرف ليش هو يسوي هيج جانت ارتاحيت

ايليا :- يزن

يزن :- ها

ايليا:- ممكن طلب

يزن :- تفضلي

ايليا :- حباب خابر اهلي اكيد هسه همه خايفين عليه
حباب والله هسه اكيد صاير بيهم شي فدوه

يزن :- ماكدر

ايليا :- حباب شبيك والله ماما وبابا يصيرلهم شي اكيد خايفين عليه
شبيك حس بيهم شويه والله حرام (وبدت تبجي )

يزن:- كتلج مااكدر

ايليا :- زين خلي روحك بمكانهم وشوف اذا بنتك ماكو صارلها 3 ايام
مخطوفه شتتوقع شيصير بيك مو تموت افهم شبيك يزن انته هسه لو مخطوف
بدالي اهلك ميخافون عليك وامك وابوك مو احتمال يموتون من وره خوفهم
عليك شييك فدوه اني مكتلك ساعدني بس خابرهم اني اذا صار باامي
وابوي شي امووت والله

يزن :- اووف اكو بهل راس عقل لو شنو بس فهميني كتلج مااكدر اذا اخابرهم
راح يجون الشرطه يعرفون وين مكانج واني اروح بيها انسجنن

ايليا :- خايف تنسجن ومخايف اذا يموتون ناس بسببك يله هسه انته خاطفنني شمستفاد ها

يزن :- ايليا كافي فدوه مااتحمل بعد راسي حينفجر كافي تعبت حيل يارب اخذ عمري
وخلصني من هاي الورطه الي اني بيها

ايليا :- 😐😕 هيج جان شكلها من حجه يزن

سكتت ايليا وسكت يزن وعم الهدوء بالمحزن الي كاعدين بي وره شويه

يزن :-

سكتت ايليا واني راسي حيل يوجعني نمت ع اريكه افكر بلي حيصير وبعد
القدر شنو ضاملي من مفاجأة  وره شويه ايليا ضلت تعيط وطفرت من الاريكه الي كاعده عليه
ع الاريكه الي نايم اني عليها وصعدت فوكاها ...

ايليا :- عااااااا مااامااااا (وطفرت يم يزن وصعدت فوك الاريكه الي نايم عليها )

يزن :- شكو شبيج