عشقت ايليا

جزء بسيط من حياتي

قبل لا ابدي احب اكوللكم هاي الصوره الي فوك صوري من جنت طفله

اليوم ماكو بارت اريد اعرفكم عن نفسي اكثر واكثر
كل الي تعرفونه عني يمكن نقطة في بحر راح اعرفكم
اني من. وشنو وشلون  بديت اكتب ومن شوكت بديت
والاحداث الي تخصني واول بدايتي بالكتابه شنو. واتمنى
تستمتعون ونتو تتعرفون ع شخصيتي ومثل متعرفون اني
اسمي تبارك ... عمري 16 سنه ... اغلب الي يعرفون اني بهذا
العمر واكتب يستغربون  بس الاعمار متحكم ع شي العقل هو اليحكم
.................................................................................

اني اول منولدت مريضه بمرض القلب (فتحه بالقلب )
واعتقد الاغلبيه منكم يعرفون شنو يعني الفتحه بالقلب
والي ميعرف اني اكوله يعني قلبي جان مفتوح

باول سنين من عمري اهلي مكتشفو اني مريضه بسرعه
وره فتره امي بدت تلاحض عليه تغير بدت شفتي تصير
زركه ومالي خلك وابقه بس نايمه فرحت للدكتور وعرفو اني مريضه
ويحتاجلي عمليه بس قبل جان الاوضع شوي مخربطه هيج شي

وكالو الامي هاي الفتحه الي بكلبي تنسد من اكبر بس مع العلاج
عادي علاج اخذ بس لا ركض ولا اي شي يأثر عليه لان اقل شي
مو زين عليه

مرت السنين وبعدها لا انسدت ولا ابد بدت حالتي تدهور اكثر
تمرضت حيل رجودوني الدكتور شافت حالتي وكال هيه ضعيفه
اذا تسمن يجوز تنسد الفتحه يالله وانطاني دوه ع امل انو حتنسد

شربت الدوه وسمنت بس هم منسدت الفتحه شي طبيعي وعادي
مئيسو اهلي وبقو يراجعون بيه للدكاتره والمستشفيات واني اخذ
الادويه والابره وعسى ولعلى تنسد

جنت اروح للمدرسه يرجعوني المدرسات بنص الدوام للبيت
مغمى عليه مجنت اكدر اتحمل ضغط المدرسه والواجبات
جنت يوميه اروح وارجع مغمى عليه وهم عادي مستمره ادرس

جنت من اروح للمستشفى البس جنطه صغيره هاي الجنطه شبيها
بيها دفتر صغير لونه وردي مال ذكريات وقلم وعطر جان عمري
9 سنين وجنت بالطريقه من اروح للمستفى اكتب

بالبدايه اكتب اليوم والشهر والسنه وجنت اكتب شنو صار قبل لا اطلع
من البيت الحد مااوصل للمستشفى ادخل للدكتور وجومن اطلع هم بالسياره
اكتب شنو كال عليه الدكتور واكتب حالتي وشنو الشفت بالمستشفى وشنو الي
تمنيت يصير بوكتها  كل شي اكتبه بهل دفتر

مره كتبت شعر من جان عمري 9 اسنين والحد هسه ابلي بس يضحك
اذا اكتبلكم ياه تضحكون عليه ويمكن بعد محد يقرالي ههههه

واجه اليوم الي اسوي بيه العمليه كعدت الصبح واصلاً مجنت نايمه
زين نمت متأخر وافكر شنو باجر اسوي عمليه شلون اذا متت وشلون وشلون
كل الافكار الي تخوف اجتي ابالي وجنت نايمه ع ايد امي وحضنتني امي ونمت
راح للمستشفى ارجف ادري بروحي مراح اعيش اباوع ع الي وياي يدخلوهم