الحـلقة الـ سابعة من " بنت الأكابر "
وفي يوم فرح راجعة من الجامعة ..
موبايــلهـا بيرن ..
فرح " ألـو"
سلمي " فرووحتى "
فرح " أنتى فين يا جزمة .. مجيتيش لية الجامعة النهاردة وبكلمك كتير مردتيش "
سلمي " معلش يا حبيبتى كنت نايمة والله .. سهرانة طول الليل :] "
فرح " ايوة بقي سهرانة مع مين ؟ "
سلمي " ما انا مكلماكى علشان كدة "
فرح " خير "
سلمي " أحمد اخويا خلاص هيتجوز "
فرح " بتهزري .. أخيراً .. ألف مبروك امتى حصل الكلام دة "
سلمي " امبارح كنا عندهم واتفقنا على كل حاجة .. والفرح يوم الأربع اللى جاى "
فرح " ياة دة كمان اسبوع "
سلمي " إنتى و فريدة طبعاً مش محتاجين عزومات ، انتوا صحاب الفرح اصلاً .."
فرح " أكيد انتى بتتكلمي في اية يابنتي ، وانتى ظبتطى نفسك ولا اية ؟؟ "
سلمي " لا ناقصني حاجات كتير لسة "
فرح " لو عوزتى اى حاجة قوليلي انزل معاكى "
فرح " أكيد من غير ما تقولى .. يلا بقي هروح اكلم ماريا علشان اقولها على الفرح، هتكون فكت الجبس ومالهاش حجة بقي"
فرح " ههههه طيب يا حبيبتي الف مبروك وعقبالك"
سلمي " يارب ياختى .. يلا سلام "
فرح " سلام .. "
___
وبعد ما قالت لفريدة طبعاً فريدة بتموت في الأفراح و راشقة في اى فرح ..
وهما بيقيسوا الفساتين ..
فرح " والله يابنتى شكلة حلو "
فريدة " لا واسع جدا "
فرح " خسيتي شوية عن الأول بس مش واسع اوفر يعنى مظبوط "
فريدة " لالا لازم انزل اضيقة "
فرح " طيب .. ننزل بكرة بقي "
فريدة " لية بكرة؟ ما ننزل دلوقتي "
- دخلت عليهم مامتهم ..
" تنزلوا فين يا بت انتى وهى .. مالكوش اهل ولا اية "
فرح " ماما ، فرح أحمد اخو سلمي يوم الأربع اللى جاى "
"والله؟ الف مبروك عقبال ما اخلص منكوا "
فريدة " ماما بصي الفستان دة واسع صح؟ "
فرح " والله مظبوط "
" لالا شكلة واسع ومهطل عليكي عايز يضيق شوية "
فريدة " شوفتي "
فرح " طيب براحتك .. هتنزلى امتى ؟ "
" طيب اتغدوا الاول وبعدين انزلوا "
فريدة " بابا جية؟ "
" لا بابا هيتأخر النهاردة في الشغل "
فرح " طب يلا يا ماما عشان انا ميتة من الجوع "
" طيب يلا تعالى معايا زى الشاطرة كدة نحضر الغدا .. وانتى يا شعنونة غيري هدومك وتعاليلنا تحت "
فريدة " حاضر
__
وهما بيتغدوا ...
" وفين بقي الفرح دة "
فرح " في نفس القاعة اللى كان فيها فرح خالو"
"ومين اللى هيوديكوا؟"
فريدة " إحنا هنروح لوحدنا ، هو احنا صغيرين؟ "
" لا طبعا مش هتروحوا لوحدكوا "
فريدة " لية يعنى "
فرح " طيب بابا يودينا "
" و ابوكى فاضيلك ولا اية "
فرح " شكلك كدة بترسمي علشان تيجي معانا الفرح ;) "
فريدةة " ايوة يا لئيمة باين عليكي "
" هاهاها يابنتى انا لو جيت معاكوا الفرح دة هاجى اوقفاكوا الفرح دة كلة على رجل واحدة "
فرح " اييييوة بقي "
فريدة " شوفي الثقة .. وانا اقول انا طالعة لمين "
" متستهونوش بيا انا كنت مدوباهم ، امال ابوكوا وقع من شوية؟ "
فرح " هاهاهها كل اللي يشوفك اصلاً يفتكرك اختنا :D"
فريدة " طيب يعنى هتيجي انتى معانا الفرح ؟"
" لا طبعاً ورايا شغل "
فريدة " امال عايزة اية بقي ما تسيبينا نروح لوحدنا "
" لازم يكون معاكو حد يا ماما متمشوش لوحدكوا "
فرح " مين يعنى، احنا لاقيين حد وقولنا لا "
مامتهم وهى بتقوم من على السفرة " الحمدلله ، ابقوا شيلوا الاكل مكانوا علشان رايحة العيادة ومتأخرة ، هبقي اكلم ابن عمك يروح معاكوا الفرح دة عشان متكونوش لوحدكوا..."
فرح وفريدة بصوا لبعض.. فرح ماتت على نفسها من الضحك ..
فريدة " نعم؟ لا طبعاً"
"لية؟؟"
فريدة" من غير لية .. ييجي يعمل اية هو اتعزم !!! "
" مش لازم ياستى يدخل الفرح ييجي يوصلكوا وييجي ياخدكوا وبعدين هو يتمنى مش هيقول حاجة "
فريدة " لا يا ماما مش هيحصل "
" خلاص متروحوش الفرح خالص"
فرح " ماما في اية ؟؟ انتى عارفة فريدة مبتحبش احمد ومينفعش ييجي معانا "
فريدة " بقولك اية يا ست انتى ، هروح الفرح ومش هناخد احمد معانا ، خلصت "
" طيب لما اجي نبقي نكمل كلامنا في الموضوع دة .. سلام "
فريدة " ماما متكلميهوووش فاهمة ! "
خرجت مامتها من البيت وفريدة متعصبة .. "ازاى احمد ييجي معانا مش فاهمة والله ابهدل امة لو فكر انة ييجي "
فرح " يعنى هو بمزاجة ما امك اللى عايزاة "
فريدة " طب يلا خلصي اكل عشان ننزل"
