الحــلقة الـ تاسعة من " #بنت_الأكابر "
- فريدة موبايلها رن ..
فرح " هههههه هو لحــق ! "
فريدة " اية دة .. رقم غريب "
فرح " أكيد هو .. ردي "
فريدة " ألو ؟ "
أول ما سمعت صوت اللى بيكلمها نزلت الموبايل وقالت " أووووف دة شريف "
فريدة " عايز اية ؟ "
شريف " ينفع يعنى اللى عملتية الصبح دة؟ "
فريدة " مش عايز تجيب التهزيق لنفسك متجيش تكلمنى تانى "
شريف " يا فريدة ما إحنا كل مرة بنتخانق و بنرجع تانى عادي "
فريدة " اة انت فاكرنى لعبة في إيدك بقي .. إنسي يا شريف عمرنا ما هنرجع تانى "
شريف " فريدة انا مش قادر اعيش من غيرك "
فريدة " قصدك انت مرتاح من غيري "
شريف " يا فريدة ... "
قاطعتة في الكلام " صدقنى كلامك مش هيفرق معايا ولا هيأثر فيا .. انا اتقفلت منك للأبد خلاص .. مستحيل هرجعلك ومستحيل هثق فيك بعد كدة .. ريحنى وريح نفسك وبطل تكلمنى تانى .. سلام "
قفلت معاه ورمت الموبايل على السرير .. "اوووف"
فرح " جدعة :D "
فريدة " يا شيخة انا ناقصة قرف ! "
فرح " بقولك اية عمك عازمنا عندة النهاردة على الغدا "
فريدة " لا روحوا انتوا "
فرح " مينفعش هيزعل جداً "
فريدة " فكك أنا عايزة أنام .. قوليلهم جت تعبانة من الجامعة ومش قادرة تروح في حتة "
فرح " طيب براحتك .. "
دخلت عليهم مامتهم ..
مامتهم " انتوا لسة ملبستوش باباكوا مستني تحت "
فرح " هقوم البس اهو .. "
مامتهم " طيب يلا بسرعة .. يلا يا فريدة "
فريدة " لا يا ماما انا مش جاية معاكوا "
مامتهم " لية ؟ "
فريدة " تعبانة عايزة انام مش قادرة انزل "
مامتهم " عمك هيزعل منك "
فريدة " فاكس يا ماما بقي قوليلهم تعبانة "
مامتهم " مالك يا فريدة بقالك كام يوم مش مظبوطة "
فريدة " ماليش والله انا كويسة "
مامتهم " متأكدة ؟ "
فريدة " مفيش حاجة والله يا حبيبتى متخافيش "
مامتهم " طيب يا حبيبتى .. هتتغدي اية طيب؟ في أكل في التلاجة لو فكرتى تسخنية يعنى "
فريدة " هجيب أكل من برة وخلاص "
مامتهم " طيب يا حبيبتي "
فرح " انا خلصت .. "
مامتهم " طيب يلا ننزل .. عايزة حاجة يا فريدة؟ خالي بالك من نفسك "
فريدة " حاضر .. سلام "
فرح " سلام يا فوفة "
فريدة " يلا يا فرخة الكلب "
- نزلوا من البيت ، وفريدة فضلت في البيت لوحدها، نايمة على السرير تفكيرها شاغلها ومش عارفة تنام ..
نايمة على جمبها وماسكة الموبايل بتقلب في كلامها هى وشريف مع بعض وبتقلب في صورهم .. مش قادرة تمسحهم ومش قادرة تقراهم ..
كل ما تقرا كلمة من كلامهم مع بعض تفتكر كل حاجة وتعيط .. صوت عياطها بدأ يعلى .. قامت قاعدت على السرير .. وتكلم نفسها وتقول .. " أنا لية بيحصل معايا كدة؟ لية الشخص الوحيد اللى أحبة بجد يعمل فيا كدة !! .. مش قادرة انـساه ومش قـادر أفضل معاه .. "
- رمت الموبايل على السرير بعصبية .. فضلت قاعدة ساكتة وسرحانة ..
واللى قطع حبل أفكارها صوت موبايلها وهو بيرن ..
بصت في الموبايل لاقيت رقم غريب ..
مسحت دموعها وبترد .. وباين من صوتها انة مخنوق
فريدة " ألو؟"
سارة " ايوة يا فريدة أنتى فين ؟ "
فريدة " في البيت "
سارة " مالك ؟ "
فريدة " مفيش حاجة "
سارة " مفيش ازاى صوتك باين علية "
فريدة " عادي يابنتى .. انتى فين كدة لسة مروحتيش؟ "
سارة " لا انا والبنات هتنغدي برة .. كنت بكلمك اقولك تيجي تتغدي معانا "
فريدة " لالا فاكس مش قادرة انزل تانى "
سارة " طيب انتى كويسة ؟ "
فريدة " انا كويسة والله متقلقييش "
سارة " ماشي لما اروح هكلمك "
فريدة " ماشي .. سلام "
سارة " سلام "
