الفصل الثاني😍
داخل مدرج الفرقة الاولي كلية الهندسة
مريم: تعالي نقعد هنا
سلمي: بس دا فيه كتب شكل حد قاعد هنا تعالي ندور علي مكان تاني
مريم "بعناد" : انا مش قاعده غير هنا المكان فاضي
سلمي: بطلي شغل العيال دا بقي
مريم: لو عايزه تمشي امشي انا قاعده هنا
سلمي "باستسلام" : امري لله بس ل فيه ضرب هبيعك واجري
مريم "بغرور" : محدش يقدر يكلمني فكك ابت رأيك في جدول المحاضرات دا
سلمي: هاتي اشوفه
في هذه الاثناء اتجه ثلاث شباب نحوهما قال احدهم: السلام عليكم
لم يأته اي رد منهما
-لو سمحتوا احنا قاعدين هنا
التزما الصمت ولم يجيبا تعصب الأخر وقال: حضراتكم مش شايفين الكتب دي ولا هو استهبال وخلاص
وهنا اتاه الرد من مريم في منتهي العصبية والصرامة : ما تحترم نفسك وتكلم كويس هو كان مكتوب باسمكم كتبكم اهي ومش قايمين
والقت الكتب نحوهم
سلمي: يلا نقوم يامريم بلاش مشاكل
مريم"باصرار" : مش قايمه يمشوا هما
قال احد الشباب: يلا يايوسف مفيش كلام مع الاشكال دي
اتجه الثلاث شباب الي المقعد الخلفي
ادهم: خلاص بقي ياعم يوسف شكلها دفعه غم اساسا
صهيب: بلاش نغتاب حد الله يسهلهم
زفر يوسف بضيق ولم يجيب عليهم
.............................................................................
في كافتيريا الجامعة اجتمع كل من ياسمين وخديجه ومريم وسلمي علي مضض من مريم واصرار من سلمي
ياسمين: احم احم انا جمعتكم النهارده مش عارفه ليه بس رخامه وخلاص 😂
خديجه: دا بجد 😕 دا ايه شغل الهبل دا
ياسمين: ايه ابوت حاولت افك الجو شويه بدل السكوت اللي انتو فيه دا
اكملت مصطنعة الجدية: سلمي انا .. انا هقولك علي حاجه بس متزعليش
سلمي "بترقب" : ربنا يستر قولي
ياسمين "بصوت حزين" :انا كلمت اعضاء الأسرة والأخوة هناك بس ......
سلمي: عادي ياياسمين مفيش حاجه انا كنت بس عايزه اشارك في حاجات تطوعيه وكدا
ياسمين: بس ياسلمي انا قولتهم و...
سلمي: خلاص ياياسمين قدر الله وماشاء فعل
ياسمين:انا عملت اللي عليا وقولتلهم عليكي وهما مرحبين بيكي جدا اهلا بيكي معانا يا سوسو
هتفت سلمي واسرعت تحتضن ياسمين من فرحتها
خديجه: هلا بيكي معانا يافتاتي بجد مش هتندمي هتنبسطي جدا
سلمي: مع انكم وقعتو قلبي بس لله بقي مسامحاكم يلا هي لله😃
ضحكت ياسمين :هديكي بقي استمارة تمليها ببيناتك علشان نطلعلك كارنيه اوعي تزوري في البينات 😃 هوديكي ورا الشمس 😂
كل هذا يحدث ومريم تشاهده في صمت فمن الطبيعي ان تفرح لفرح صديقتها وفي نفس الوقت مستنكره ما يحدث قطع شرودها من يناديها : مريم
التفتت مريم الي مصدر الصوت لتجد احدي زميلاتها من المرحلة الثانوية
مريم:ازيك ياندا عامله ايه
ندا:انا كويسه المهم انتي اخبارك ايه
مريم: الحمد لله
ندا: انتي دخلتي ايه
مريم: هندسه وانتي
ندا: لا انا في اداب
ازيك ياسلمي
سلمي "باقتضاب": الحمد لله
ندا: ماتيجو اعرفكم علي اصحابي
مريم: انتي لحقتي عرفتي اصحاب هنا
ندا: شوية اصحاب من الثانوي علي شويه عرفوني عليهم هنا 😂😂 هتيجوا تتعرفوا عليهم
مريم: سلمي نروح ؟
سلمي "بضيق" لأ معلش اعفوني انا
مريم: خلاص مره تانيه يانادو
ندا: طب تعالي اوريهملك من بعيد
وسارت معها وبعد رحيلهم
خديجه: ايه الطريقة اللي بتتعاملي بيها مع صحبتك دي ياسلمي
سلمي: دي مش صحبتي وكمان مش كويسه
ياسمين: بلاش نغتبها وبعدين لو مش كويسه نصلحها
خديجه مكمله: مش نكرها فينا
سلمي: تصلحوا مين دي عامله زي الاورام الخبيثة لما بتدخل الجسم مش بتخرج منه غير لما تدمره انسوا مش هتعرفوا تصلحوها كان غيركم اشطر
خديجه:للدرجادي ربنا يعافينا
ياسمين: ولما انتي عارفه كدا سايبه مريم تصاحبها ليه
سلمي: من اول مااعرفت حقيقتها وانا بحاول ابعد مريم عنها مريم كويسه وقلبها طيب بس هي بتكابر تعترف انها غلط عقلها مصورلها ان الملتزمين دول معقدين وانها لازم تعيش حياتها علي مزاجها
ياسمين: انا هحاول اقرب منها وبإذن الله اقدر اساعدها انا من اول ماشوفتها حسيت انها قريبه مني اوي كأننا نعرف بعض من زمان مش موضوع شبه بس دا روح كمان!!
سلمي: عندك حق احنا اول ماشوفناكي استغربنا الشبه بينكم اوي
خديجه: بس يارب نقدر نصلحها
رددت سلمي وياسمين: يااااارب
.............................................................................
مريم: دول فيهم شباب انتي مصحباهم؟
ندا: اه وفيها ايه عادي كلنا اصحابي
مريم: بس دا ماينفعش
ندا: ليه بقي احنا بقينا في الجامعة اكبري بقي تعالي اعرفك عليهم
مريم: لأ مش دلوقتي لسملي تخنقني
ندا: دي معقده اوي انتي ازاي مصحباها
مريم: دي كميله خااالص يلا سلام ابقي كلميني
ندا: سلام
"وراكي يامريم مش هسيبك😈" قالتها ندا في نفسها
...............................................................................
اثناء عودتها اصطدمت بأحد الشباب
مريم "بغضب مش تفتح يابني ادم انت
الشاب "وهو غاضض بصره" : انا اسف ياختي بس حضرتك اللي غلطانه
نظرت له باحتقار ثم اكملت طريقها منفعلة
صهيب: مش دي البت بتاعة المدرج
ادهم: شكلها هي هو مره يوسف ومره انا
صهيب: الدور عليا بقي المره الجايه
نظر يوسف في الاتجاه الذي ذهبت منه ثم قال لهم: يلا نمشي
......................................................................................
في منزل مريم
مريم: ماما كلمي بابا بقي انا هموت من الجوع
معاذ "وهو يخرج من غرفته" : هو اتأخر كدا ليه
ملك: ثواني كدا برن عليه
اجاب محمد قائلا: السلام عليكم
ملك: وعليكم السلام اتأخرت ليه يابو معاذ انت فين
محمد: انا علي الصحراوي
ملك: هو انت مش هتينسي بقي!!
محمد: مش قادر انسي ومش هنساه لازم اوصله
ملك: ربنا يفرج كربك متتأخرش في رعاية الله
محمد: يارب مع السلامة
انهت ملك المكالمة ونظرت لأولادها: يلا كلو انتو بابا هيتأخر
مريم:مااااما انتي بتقولي مش هينسي ايه هو في حاجه!!
ملك "بتوتر" : هه.. اصل... قصدي يعني مش هينسي الشغل شويه
معاذ: ربنا يعينه ويحفظه لينا يارب
ملك ومريم: يارب
......................
ركن سيارته علي جانب الطريق ثم دلف منها يتأمل قطعة ارض صحراوية وهو شارد
فلاااااااااااااش بااااااك
-عارف انا نفسي في ايه
-نفسك في ايه بقي😃
-نفسي نبني بيت كبير لينا زي البيت القديم ويجمع ولادنا مع بعض وولاد ولادنا كمان
-انا كمان نفسي ولادنا يبقو روح واحده زينا كدا ويحافظوا علي بعض
-تبقي عيلتنا متحدة ميجيش حد يفرقنا نكبر شغلنا ونعمل الامبراطوريه اللي بنحلم بيها ونجوز ولادنا من بعض علشان يحافظوا علي بعض
-احنا بنحلم دلوقتي بس ياتري ولادنا رأيهم ايه لما يكبروا ودي احلامهم ولا لأ
-نقدر نوحد احلامنا معاهم لو زرعنا فيهم الحب والألفة من صغرهم
-بإذن الله طول ما احنا مع بعض محدش هيقدر يفرقنا
-بإذن الله ايه رأيك في المكان دا نبني عليه احلامنا
صدي صوت: ايه رأيك في المكان دا نبني عليه احلامنا
صدي صوت: ابه رأيك في المكان دا نبني عليه احلامنا
فاق من شروده علي صدي هذا الصوت الذي يؤلمه كلما تذكره وقد دمعت عيناه ركب سيارته ورحل بعيدا عن ذكرياته!!
.........................................................................
يجلس اعضاء الفريق في مقرهم يبعد الشباب الي حد ما عن الفتيات
معاذ: بسم الله نبدأ اولا ياجماعة احب ارحب بأختنا سلمي كامل اولي هندسه واخونا احمد سمير اولي طب بانهم اول المنضمين معانا في السنه الجديدة ربنا ينفع بيهم وبينا جميعا يارب
تمتم الجميع يارب وضج المكان بالترحيب
معاذ: الهدوء ياجماعة لو سمحتم طبعا حضراتكم عارفين ان انتخابات اتحاد الكلية اتحدد ميعادها بعد شهر من دلوقتي وطبعا عارفين المنافسين لينا
اسامه: يعني لازم السنادي بإذن الله نكسبها لتصدي اي حاجه ممكن تعملها الفرق المنافسة
سأل احدهم: بس دول ليهم ضهر هنا في الجامعة وممكن يكسبوها بسهوله
معاذ: بس احنا معانا ربنا مش هيضيعنا ابدا
اسامه: بالظبط كدا وبما ان النهارده اول اجتماع لينا السنادي لازم نجدد العهد مع الله
رأفت: ونعم بالله طب ايه هي الخطة الجديدة للأنتخابات
جمال: ايوه لازم نبدأ بقي شهر واحد مش كفاية دول بيعجزونا
اسامه: علشان كدا لازم نبدأ صح
معاذ: وبعد ما جددنا النية الخطة اللي هعرضها علي حضراتكم دي هنتبعها وربنا معانا بإذن الله
قص عليهم معاذ برنامجهم الانتخابي وبعد ان انتهي : اي استفسار ياجماعة
الجميع: كله تمام
اسامه:علي خيره الله ياجماعة
معاذ: اي حاجه هتحتجوها انا واسامه موجودين بإذن الله ومع البنات اختنا ياسمين وهتساعدها اختنا خديجه
بعد انتهاء الجميع يقف معاذ مع اسامه
معاذ: هي خديجه مجتش النهارده دي معاها ورق مهم دي لو محضرتش الا...
اسامه: ان بعض الظن اثم ع فكره هي حضرت بس انتقبت
معاذ "بمكر: وانت اتحمقت كدا ليه وبعدين تعالي هنا انت عرفت منين انها انتقبت اساسا😉
اسامه"بحرج" : عادي يعني ماهي قاعده جنب ياسمين
معاذ "ضاحكا" : بس كدا ؟ عادي خالص 😂
اسامه: بس يافضيحه جاين علينا
ياسمين: السلام عليكم
اسامه ومعاذ: وعليكم السلام
خديجه: دا الورق اللي حضرتك طلبته مننا
يأخذ معاذ الورق ويتطلع اليه قائلا :ممتاز نكمل بقي ع الطريقة دي
ياسمين:ان شاء الله
معاذ: بالتوفيق
................................................................
-مش هينفع ياندا
ندا: ليه بس يامريم تعالي اقعدي معانا عادي يعني
مريم: انتو بتقعدو مع شباب لأ مش هاجي
ندا "بسخريه" : طب ودي فيها ايه انتي اتعديتي من سلمي ولا ايه
مريم:مش موضوع كدا بس معاذ لو شافني هيزعل مني وانا مبحبهوش يزعل
"عجبا من بني آدم يخاف من عبد ويخشاه ولا يخشي رب العباد وخالقهم"
ندا: يابنتي متعقديهاش مش هيشوفك يلا بقي
وجذبتها الي حيث يجلسون: اقدملكم ياجماعة مريم صديقة الثانوية في هندسه
سالي:اهلا بالهندسة والناس المجتهدة
حسام: نورتينا يامريومه
مريم "باستنكار" : اسمي مريم
حسام "بحرج" : اسف يامريم بس احنا كلنا هنا اصحاب في بعض
ندا "تحاول تلطيف الجو" : كلنا اصحاب ياجماعة مفيش حاجه
هشام: هو كل اصحابك حلوين كدا ياندوش ولا ايه
ندا: هشام لم الدور تعالي يامريم اقعدي هنا
وفي اثناء جلوسها معهم ترفع نظرها لتلتقي عيناها بأحدهم ثم يذهب بعيدا عنها فتعود سريعا تكمل معهم الحوار شارده ويذهب هو بعيدا غاضضا بصره حتي يصطدم بصاحبيه
ادهم: ايه ياعم اتأخرت ليه
يوسف: ها.. مفيش يلا علشان المحاضرة
............................................................................
الخطر يحاوطها في كل مكان تصرخ وتجري بعيدا وتستغيث ولكن ما من جدوي........
#يتبع
#تواقعاتكوا😍
#كوني_مريم
#بقلم
#عزه_احمد_حسني
#قصة_التزام😍
