كوني مريم😍
الفصل السادس والعشرون
محمد: انا ممكن افهم في ايه
المحقق: في ان اخو حضرتك تسبب في اصابات ممكن تؤدي الي قتل ارواح مالهاش ذنب غير انها وثقت فيكم
مصطفي: انا مش فاهم حاجه انا لايمكن اقتل حد ماتكلم يامحمد
محمد: اهدي بس يامصطفي اتفضل حضرتك كمل
المحقق: في لعب في الخرصانة بتاعة مشروع حضرتك واللي تحريتنا اثبتته انك المسؤل عنه واللي بردوا الشهود اكدت انه كان بامرك ودا اتسبب في انهيار المبني كله
مصطفي: انا !! ايه اللي انت بتقوله دا
المحقق: متحاولش تنكر في اثباتات وشهود تقدر تفهمني مين اللي عمل كدا
محمد: حضرتك اكيد في سوء تفاهم في الموضوع مصطفي مستحيل يكون عمل كدا
المحقق: معني كدا ان حضرتك بتتهم حد تاني
مصطفي: مين ممكن يكون عمل كدا
معاذ: انا
بعد ان طال صمته اخيرا جاء الوقت ليتحدث بعدما استطاع ان يفهم ويستنتج ماحدث فقاطعهم صادما الجميع بقوله
التفتت الانظار له فأكمل: انا اللي كنت مسؤل عن المشروع مش عمي وانا المسؤل عن كل كبيره وصغيره للأسف باحضرة الظابط تحرياتك مش مظبوطه
........................................................................
-لازم تكون أقوي من كدا
قالتها مريم ليوسف الجالس بوجه عبوس في حديقة منزلهم
يوسف: ياسمين عامله ايه
مريم: متلقش عليها دخلت ترتاح شويه
يوسف: وماما
مريم: ماما قاعده معاها جوا
عاد الي صمته ربتت مريم علي يده وهي تقول: انا معرفكش كدا انا اعرف يوسف القوي مش لازم تكون ضعيف علشان والدتك وأختك عمو بإذن الله هيخرج بالسلامه هو انسان قوي ومش هييأس بإذن الله
يوسف: انا حاسس اني متكتف مش عارف اعمل ايه
مريم: صدقني لن يضيعنا الله
يوسف"بتنهيده" : ونعم بالله
.......................................................................
مصطفي: ايه اللي انت بتقوله دا يامعاذ
معاذ: هي دي الحقيقه انا المسؤل
المحقق: معني كدا انك معترف علي نفسك
معاذ: انا قولت انا المسؤل عن المشروع مش انا اللي عملت كدا
المحقق: الكلام دا كله هيبان في التحقيق
محمد صامت تمام ينظر لابنه في فخر وعزة ضحي بنفسه من أجل غيره ليس لعمه فقط وانما لوالده الذي يموت من اجل اخاه وزوجته حياتها والدها وخالته وعائلته كامله فخر انت يامعاذ
المحقق: يحبس 4 ايام علي زمة التحقيق ويراعي التجديد له ويتم الافراج عن المدعو مصطفي محمود توفيق مالم يكن مطلوب علي ذمة قضايا اخري
.....................................................................
كان الصمت حليفهم كل في همومه حتي قطعه من قال: السلام عليكم
رفعوا صوتهم تجاه الصوت فإذا به محمد بصحبة مصطفي سائرين في اتجاههم
نهض يوسف واسرع نحوه يحتضنه وهو يقول: حمد لله علي سلامتك يابابا
مريم:حمد لله علي سلامة حضرتك ياعمو
مصطفي"بارهاق شديد" : الله يسلمكم
دخل الجميع الي الداخل حيث يجلس البقيه اسرعوا نحوهم ما ان سمعوا صوته
ياسمين: حمد لله علي سلامتك يابابا وحشتني😢
مصطفي"محتضنا اياها" : بطلي عياط بقي يابابا ما انا معاكي اهو
ملك: امال فين معاذ
محمد: ......
يوسف: هو مش كان مع حضرتك ياعمي
مريم"الام" : هو ايه اللي حصل وليه اخدوك كدا
مصطفي: بيتهموني اني لعبت في الخرصانه واني كنت قاصد كدا والمشروع باكمله وقع
ملك: في داعيه المشروع المهم انتو والاولاد يعني معاذ راح للمشروع ولا ايه
ياسمين: هما طلعوك علشان اتأكدوا انك متعملش كدا صم يابابا
محمد"بحزن" : معاذ اعترف علي نفسه
اعتلت الصدمه وجوه الجميع قالت مريم غير مستوعبه : يعني ايه يابابا
محمد: اعترف انه هو المسؤل علشان يخرج عمه
صمت عام من الجميع لم يسمع سوي صوت ارتطام جسد ياسمين بالارض مغشيا عليها
هرول الجميع تجاهها حملها يوسف الي داهل الغرفه والكل يحاول اسعافها يقفون في قلق ورحزن وخوف من المستقبل وما يخفيه لهم القدر
