ما نسيتك وعلى قلبي دفن أليم (عشقتك يا أنسية )

part 1

هذه بداية قصتي........قصتي اللي دايما ما راح اقدر أنساها لأنها كان جزء مني واللي غيرت حياتي بختصر لكم الموضوع واقولكم قصتي

أنا أسمي سمر وعمري 16 سنة أنا أصولي عربية و أعيش مع جدتي بالريف أساعدها بالزراعة و أشغال البيت  وكان مدرستي قريب من بيت جدتي يعني بالمختصر من المدرسة للبيت ومن البيت للمدرسة و ما كان عندي أصحاب وكانت جدتي تخاف علي حيل من بعد امي وأبوي توفوا بحادث سيارة وكنت جميلة حيل لا تقولون اني شايفة نفسي بصراحة كنت جميلة وكان شعري اسود مثل سواد الليل و واصل لظهري  وعيوني كبار و لونها بني وكان جسمي لا هو ضعيف و لا متين يعني عادي وكنت لا بيضا ولا سمرا كنت بالنص وهذه بدايه التعرف على نفسي ويوم من  الأيام وانا جايه من المدرسة على طريق البيت كنت أسمع عيال صغار يتكلمون و الأول قال (شوف شوف الجبل أمس لقوا فيه واحد ميت) والثاني يقول (أي سمعت يقولون أن كان مقتول )  والثالث قال ( أي ويقولون اللي ذبح هذا الرجال جني......جني عايش بالجبل)
وكنت اسمع سوالف العيال فقلت لنفسي (ليش ما اروح الجبل واشوف السالفة بعيني) كان وقته فضولي ذابحني كنت وقته صغيرة مثل ما يقولون ما كنت فاهمة الدنيا صح  ف بدال ما اروح البيت رحت الجبل اللي قالوا عنه العيال الصغار ورحت الجبل  وكان الجبل كله ضباب ما اقدر اشوف الطريق وكملت الطريق على الجبل و على حظي ضيعت بالجبل و ما اعرف من أي طريق بروح  ف مافي حل غير أني امشي لين ما الاقي طريق البيت ومشيت و مشيت لين تعبت و جا الليل و قلت (خلاص ما راح اقدر اتحمل أكثر بقعد بالأرض وأرتاح ) و قعدت بالأرض و طبعا ليل وكنت اسمع صوت الذياب واسمع صوت البوم وكان المكان حيل يخوف وانا ألوم نفسي على فضولي (انا غبية ليش طلعت الجبل كان المفروض ما اسمع كلام العيال يا ريتني ما كنت بالجبل ليش سمعت كلامهم شنو هل الغ.........) ما كملت كلامي لأني سمعت  صوت شخص كان صوته خشن و هو يهمس بأذني وهو يقول ( ليش الجبل؟)