Future Diary

Prologue

Sa mundo ng tao, marami tayong pangarap, kahilingan at kaganapang nais nating makamit sa buhay.

"Hija. Pakiayos naman iyong mga gamit ko doon"

"Sige po lola"

Umaabot sa puntong nakakapagdesisyon tayo ng kamalian dahil sa umaapaw na kagustuhang makamit ang ninanais na kinakaharap.

"Ano ba to ang alikabok naman dito" Isa isa niyang niligpit ang mga nagkalat na libro, laruan, mga antique, at kung ano-ano pang bagay na mga makaluma sa loob ng bodega.

Sa bawat galaw, kilos at pangyayari'y may minsan tayong ninais baguhin.

"Sino to? Ang pogi naman nitong nasa picture. Maitabi nga! Para naman may inspirasyon sa buhay" Sabi nito habang tinititigan ang letratong kanyang napulot sa pagaayos.

Kumbaga gusto nating tayo ang magdesisyon sa bawat pangyayari sa ating buhay.

Matatapos na siya sa pagaayos ng gamit dito ng may mapansin siyang isang makapal na aklat.

"Ano to?" Pinagpag niya ito't binasa ang nakasulat.

"Fu-ture Di-a-ry. You can write your own destiny?" Nagtataka niyang sabi habang ineeksaming mabuti ang aklat. Napakaganda ng kulay nito't nakakasilaw. Binuklat niya ito't nakita ang isang klase ng panulat at blankong mga pahina.

"Write your own destiny raw. Mai-try nga" Nakakaloko niyang sabi.

Paano kung sa hindi natin inaasahang bagay ay maging posible ang imposible ...

"Um-order ng pizza si lola ... at ayun ang aming naging ... meryenda. Ayan!" Dahan dahan niyang sinasabi habang isinusulat sa blankong pahina. Unti unti siyang nakaramdam na malakas na pag ihip ng hangin kaya naisara niyang tuluyan ang aklat. Hanggang sa napansin nyang may nanggagaling na liwanag sa harap ng aklat. Manghang mangha sya ng umilaw ang salitang "Future" na maya maya'y nawala rin.

"Ay. Akala ko naman kung ano na. Phew! De ilaw na libro lang pala" Pinagpapawisan nitong sabi.

Katulad na lamang ng pagdikta ng iyong hinaharap ...

Nanlaki ang mata niya matapos marinig ang sinabi ng lola.

"Apo! Mamaya na yan at magmeryenda ka muna rito. May pizza akong inorder dali!"

Na magiging simula ng pagbabago mo sa buhay ...

- P -