جود : منو هاي
رشا: بنت عمي
جود : اها
رشا: اي عرفت بية رجعت للعراق وتريد تشوفني
جود : زين لعد
رشا: ماريد اروح ومال خلك بس استحي افشلها .. شنو اسوي
جود : شكلها تحبج لذالك روحي ولتفشليها
رشا : اووف
جود : شبيج مستثقلة الروحة
رشا : لا ماكو شي ..
في اليوم التالي عادت رشا مبكرا الى المنزل ووجدت جود نائمة ولم تذهب الى عملها
رشا: جود كافي نوم شبيج
جود : رشا شرجعج انتي
رشا سحبتها من يدها واخذتها الى الحمام وضعت بعض الماء على وجهها
جود : كعدت كعدت
رشا : زين لعد
جود جلست على الكنبه وبدءت تتصفح في هاتفها ورشا غيرت ملابسها وكانت تنضر لنفسها في المراة
جود : معجبة بروحج اليوم
رشا: ههههه ليش
جود : صارلج ساعة واكفة كبال المراية
رشا: ههههه باي
جود : الله وياج ..
وصلت رشا الى منزل عمها .. عندما فتحت الباب الخارجيه اقبض قلبها .. تلك الذكريات المدفونه نفضت التراب من عليها وبدءت تتراقص في دماغها .. تغير كل شئ ولم يتغير المكان .. كانت تنضر الى كل زاويه في الحديقة وتتذكر موقف لها .. تتذكر تلك اللحظات .. تذكرت ماكانت تحاول ان تنساه .. كانت تريد ان تعود ولكن توقفت عندما رئته امامها .. اكثر شي تتمناه هو عدم رئيته.. كانت تترجى رب العالمين ان لا يجمعها به حتى ولو صدفة .. المكان اصبح يضيق بها .. لا تريد ان تتذكر خيبتها .. لا تريد ان تتذكر ذالك الوجع وتلك الايام .. انها اجازت تلك المرحلة بصعوبه .. لا تريد ان تتذكر او تعيد شي من الماضي .. ماحدث معها سابقا جعل حياتها تختلف ..
حسن : اهلا رشا
رشا : اهلا
حسن : تفضلي .. جلسوا في الحديقة
رشا : اريج وينها
حسن : ربع ساعة وتجي
رشا: ليش هي وينها
حسن : لساعها بالمشفى لان اكو حالة خطرة واضطرت تتعطل
رشا: اروح واجيها غير وقت
حسن : لا راح تزعل اذا رحتي ووصتني مااخليج تروحين
رشا كانت حايرة لكنها فكرت بأن لا بأس اذا انتضرتها قليلآ
حسن : اي شخبارج
رشا: الحمدالله
حسن : شنو تشتغلين
رشا: بشركة برمجة وعن قريب افتح الشركة الخاصة بيه
حسن : وارتبطتي !
رشا : لا
حسن : ليش
رشا نضرت له 😏
حسن : لساعج تحبيني مو 😔
رشا : 😌 ليش شنو سويتلي علمود ابقى احبك
حسن : لعد ليش لحد هسة مامرتبطة
رشا : معرفتي بالرجال واختلاطي بيهم علمتني اشتغل وياهم .. اتعاقد وياهم بس مااربط حياتي بيهم
حسن : ليش كم واحد عرفتي بعدي
رشا : شي ميخصك
حسن : رشا حبيبتي
عندما سمعت رشا حسن وهو ينطق كلمة حبيبتي توقف عندها العالم .. ذالك الشعور الذي كانت تحاول ان تتجاهله وان تعلم قلبها ان ينساه .. تلك المعاهدات الصارمة الذي عقدتها مع نفسها .. تلك الوعود الذي قطعتها .. كل شي تلاشى .. قلبها بدء ينبض مثل السابق .. شعورها عند سماع هذه الكلمة وكأنها عادت الى تلك الايام .. نضرت له وهو كان ينضر الى الباب ويفتح يديه وهناك فتاة صغيرة تركض له وتحتضنه
حسن : اعرفج بنتي رشا
رشا : بابا نفس اسمي
حسن: انتي اخذتي اسمها
رشا : بابا اني مااعرفها حتى اخذ اسمها
رشا لم تتحمل اكثر وتركتهم وغادرت المنزل ..
دخلت الشقة وانهارت قواها وخرجت تلك الدموع الذي كانت تحبسها .. رمت حقيبتها على الارض وجلست على الارض وبدءت تبكي ... عندما سمعت جود صوت بكائها ذهبت لها مسرعة وجلست بجانبها .. وعندما سألتها عن السبب الذي يبكيها لم تتكلم واكتفت بأحتضانها وجود ايضا لم تسألها مرة ثانيه وفي اليوم التالي ذهبت كل واحدة منهن الى عملها .. لا يمكن للحياة ان تتوقف لاننا ضعفنا لبعض الوقت .. لاننا خذلنا .. لاننا جرحنا .. يجب علينا ان ندع اوجاعنا على جانب ونكمل حياتنا .. عادت جود الى طبيعتها وبدءت تعمل وتجهد نفسها بالعمل اكثر اما رشا فأكملت اجراءات شركتها وبدءت تجهز لها ..
جود كانت واقفة امام المراة وترتدي فستان اسود طويل ذو اكمام طويله وتضع لمساتها الاخيرة
رشا : جود حبيبتي الفيونكة عدلة
جود : وينها الفيونكة
رشا وهي تدير ضهرها لجود : بحجابي من ورة
جود : اها
رشا ناولت جود بعض الدنابيس
جود : اي تمام هسة عدلة
رشا : شلوني طالعة
جود : تخبلين حضرة المديرة
رشا : واخير
جود : ايييي وهاي الحفلة الافتتاحيه للشركة
رشا : ايييي .. كانت رشا ترتدي فستان ذو اكمام طويلة ويضيق عند الخصر ليتسع الى الارض وكان مربوط بشريط ومن الخلف فيونكة .. كان مشبك اسود وتحته قماش وردي والشريط لونه وردي .. كانت جميلة جدآ .. اكملوا الترتيب وذهبوا الى الشركة .. بعد ان تم قص الشريط بدء الاحتفال
جود : حجزيلي مكتب علمود اشتغل عندج
رشا : لاع
جود : ليش ولج
رشا: انتي تصيرين شريكتي مو موظفة عندي
جود ؛ اممممم
رشا : فكري بالموضوع
جود: تتوقعين نتوالم
رشا: اي نتوالم لان اثنينا مهووسات بالشغل
جود : موافقة لعد
رشا : احلا شريكة والله
جود : عوفج مني ويلا روحي رحبي بضيوفج
رشا : اي عيب اعوفهم ..
كانت االشركة تقع في الطابق الثالث وكانت جود تقف بجانب النافذة وتنضر الى السماء قاطعها صوته الذي لاتريد حتى ان تسمعه
سالم : شلونج
جود : الحمدالله
سالم : اتمنى ماازعجج بوجودي
جود : زعجتنا بعد
سالم : جود خلينا ننسى الي صار
جود : ننسى ننسى الي الي صار صار بهاي السهولة
سالم : تعرفين الي صار شي مو بيدي ولا تقصدت اخذلج
جود : صدك توني ادري .. ليش انت صغير لو صغير علمود يصير غصب عنك
سالم : لتحجين وكأنج غريبة ومتعرفيني ولا تعرفين حياتي
جود : المشكلة اعرفك واعرف حياتك
سالم : جود اترجاج
جود رفعت يدها لسالم : مخطوبه اني وكلها ايام واتزوج .. لتتوقع حياتي توكف عليك .. سالم الايام تنسي كل شي
سالم : بس اني مانسيت
جود : تكبر وتنسى
سالم : مستحيل انسى ومستحيل اعوفج بعد مالكيتج
جود : لو ما الصدفة جان انت عادي مكمل حياتك
سالم : هاي الصدفة جنت اتمناه .. هاي الصدفة جنت بعد كل صلاه اطلبها من ربي ..
جود : سالم اكو شي اسمه مستحيل
سالم : ماكو شي اسمه مستحيل وربج موجود
جود : اني مخطوبه واحب خطيبي
سالم : راح اندعي واطلب من رب العالمين تعوفين خطيبج وربج يهديج وترجعيلي
جود : ربي ماراح يسمع الك وعن اذنك ..
في المنزل
جود: رشا رشا
رشا: اممممممم
جود: تلفونج موتني كعدي جاوبي
رشا استيقظت واخذت الهاتف من يد جود ونضرت الى اسم المتصل وبعدها وضعته صامت ثم دخلت الحمام اغسلت وجهها وجلست على الكنبه وبدءت تشاهد التلفاز
جود: منو هاي وليش ماجاوبتي
رشا: وحدة ماوراها غير الوجع
جود: خلي تولي لعد
رشا: اييييي
جود: شغلنا شخبارة
رشا: بالقمة
جود : الحمدالله
رشا: اذا بقينا على هذا المستوى راح بفترة قليلة نحقق انجاز عظيم
جود : ان شاءالله ...
في الشركة
جود : رشا مالي خلك للاجتماع
رشا: مو شكال عندي موعد روحي انتي بدالي
جود : ماشي بس وين العنوان
رشا: هسة ارسلة برسالة الج
جود : اوك بس بخصوص شنو
رشا: مشروع اطلعي عليه
جود : وانتي عاجبج هذا المشروع
رشا: لحد الان ماشايفته
جود : اها زين لعد
رشا: روحي لتتأخرين
جود حملت حقيبتها وبين ماصعدت الى السيارة وصلتها الرسالة الذي تحتوي على العنون وذهبت له .. كان تجلس وتنتضر وبعدها وجدت سالم امامها
جود : شتسوي هنا
سالم : عندي موعد ويا رشا بس انتي الي شتسوين هنا
جود : بدال رشا لان عدها اجتماع
سالم : حلو الصدف الي تجمعنا
جود : اكرهك واكره هاي الصدف
سالم : بس اني احبج
جود : بخصوص الشغل
سالم : مااكدر اركز بشي وانتي كبالي .. يعني حسي بيه بعد كل هاي الاسنين وتريديني من اشوفج احجي بالشغل
جود رفعت يدها امام سالم
سالم : اوك افتهمت انتي مخطوبه لا كل شويه تذكريني
جود : عن اذنك
سالم بترجي : جود خلينا نحجي ونتفاهم
جود: ماعندي شي علمود اتفاهم بيه وياك
سالم : جود حالنا مالازم يبقى هيج .. اني داتعذب ويمكن انتي هم مثل حالتي
جود : مشكلتك
سالم : انتي شبيج ... ليش هيج باردة .. مالي دخل ليش متفهمين مالي دخل وشي غصب عني .. لحد وين اضل افهم بيج
جود : وشسويلك اني
سالم : حياتي هسة اختلفت ونكدر نكون مع بعض
جود : ياانسان افهم اني مخطوبه
سالم سحب يدها وانتزع الخاتم منه : اني سالم لتنسين نفسج .. ممكن تكذبين عن الدنيا كلها بس مو عليه .. اني احس بيج وانتي باخر الدنيا ومن عيونج اعرف شنو الي بيج وشنو تردين .. سالم اني .. سالم الي رباج .. سالم الي جنتي تصيحيلة بابا .. سالم الي فتحتي عينج عليه .. سالم الي جان صديقج المقرب .. سالم الي جان كل شي بحياتج .. الي جنتي الخطوة متخطيها الا اعرف بيها اني .. سالم مو بس حافظج .. حتى قرر يكتب منهج بيج .. لتتوقعين اذا سافرتي راح تصيرين بعيدة عني .. وحتى لو انتي بالغرب واني بالشرق ماراح تنسيني .. حبنا مستحيل ينسي .. عوفي هذا الكلام عنج .. لتكوليلي كبرياء وكرامتي .. انتي هوايه ذليتيني .. انتي حتى ماتحملتي وسافرتي .. ادري وقتها جنت ضعيف وجان تكدرين تستنديني بس اختاريتي الاسهل وعفتيني .. عفتيني بحجة ماكدرت اسوي شي .. انتي لو تحبيني جان سامحتيني .. نسيتي الي صار .. تجاوزتي الموضوع .. الايام ليش مانستج الج .. وليش ترديها تنسيني الي .. حياتنا قبل انتهت .. معاناتنا هم انتهت خلينا نبدي صفحة جديدة ونعيش السعادة الي نحرمنا منها .. جود اترجاج يكفي حزن .. مليت من الحزن .. مليت من الانتضار .. اريد تفهميني ولو لمرة وحدة
جود : خلصت
سالم : لو الكلام يفيد وتقتنعين اضل احجي بس اذا مابيه فايدة ماكو داعي اكمل
جود قامت وسحبت الخاتم من يده وارتديته : اني الي صار نسيتا وانت هم انساه وبعدين افكاري تغيرت ومااتزوج واحد كبر ابويه .. وبعدين خطيبي شاب ويحبني واحبه ومتوالمين
سالم : ههههههه
جود : ليش تضحك
سالم : لان حلو الواحد يجذب الجذبه ويصدكهة
جود : اني مااجذب
سالم فتحت حقيبته واخرج منها ملف ووضعه امام جود : هذا المشروع اتناقشوا بيه
جود اخذت الملف وعادت الى الشقة ..
عندما عادت رشا الى الشقة وجدت جود نائمة ولانها لا تريد ان تزعجها تركتها تنام وفي اليوم التالي ايضا لم تستيقظ جود ولم تذهب الى العمل وعندما عاد رشا كانت جود تجلس امام التلفاز
رشا: شسالفتج انتي ويا النوم .. تجي فترات تنامين اسبوع كامل وتجي فترات بس تشتغلين
جود : اتمنى شي مرة انام وبعد مااكعد .. دائما اكول ماراح اصبح باجر بس ماادري شلون اكعد واكمل حياتي
رشا: جود ليش هيج تحجين
جود : ماراح تحسين بيه
رشا: بشنو احس
جود : اني حياتي واكفة .. لا هي جنة ولا هي نار .. اني متعلكة ماداعرف نهايتي شنو
رشا: اممممم
جود : تعبت من انصاف الحلول
رشا: خليج بالنوم والشغل لان ماراح نلكي شي احسن منهن
جود : مليت رشا مليت .. النوم هم صار مابيه فايدة .. صرت حتى بأحلامي اشوفه .. اتهرب من الواقع علمود ابتعد عنه بس حتى بأحلامي ديلاحقني
رشا: اممممم جود
جود : امممم
رشا: منو هذا
جود : سالم
رشا: سالم سالم
جود : سالم نفسة
رشا: وبن تعرفيه
جود : صديق العائلة
رشا: مافهمت شنو مشكلتج وياه
جود : مشكلتي مشكلتي انو لساتني احبه
رشا: تحبين سالم
جود : اي ليش مستغربه
رشا: لان اكبر منج
جود : رشا الحب ميعرف عمر .. مشكلتنا العمر وكلها تحكم على العمر
رشا: مادري
جود : مو مهم عمرنا والاهم حبنا
رشا: بس حسب كلامج جنتوا تحبون بعض وانتي هسة مخطوبه لازم تتجازين الموضوع
جود : رشا مامخطوبه اني وهذا الخاتم حجة خالتة بيدي علمود اخلص من كلام اهلي
رشا: شنو يعني
جود : مامخطوبه وخطيبي شخصية وهميه اني مخترعتها علمود يعوفوني بحالي
رشا: اهلج يدرون بيج
جود : محد يدري وكلهم جذبت عليهم
رشا: زين وميسألونج عليه
جود : لا اكيد يسألوني واجاوبهم مثل ماجاوبتج قبل
رشا: ومشت عليهم السالفة
جود : اي مشت ومهما يكون بابا يختلف شويه وعايفني على حريتي اما اختي فملتهية ويا زوجها واطفالها واخويه مسافر وبالسنه مرة اسمع عنه خبر
رشا: جود ماادري شكلج
جود : اووف اووف
رشا: جود ووضعج سهل كلش بس انتي مصعبتها .. روحي عليه وكملوا حياتكم وين ماوكفت وانسو الي صار .. كافي تعذببن روحج ... انتي اخترعتي جذبه الخطوبه لانج تحبيه .. لانج متريدين غيره .. ليش تعذبين روحج
جود : بس هو وجعني
رشا: ليش شنو سوة الج
جود : تخلى عني بكل بساطة
رشا: اي شلون
جود : الج خلك تسمعين قصتي !
رشا : اي احجي اكيد اسمعج
جود : شوفي هو جان من اصدقاء بابا ودائما يزورونا اني كان عمري وقتها 12سنوات .. (هلال 👈ابو جود )
في الشركة
سالم : هلال شبيك ضايج
هلال : لازم باجر اسافر
سالم : اي سافر
هلال : اطفالي وين اخليهم
سالم : اخذهم وياك
هلال : هنا المشكلة
سالم : شنو المشكلة
هلال : جود صغيرة وتخاف من الطيارة
سالم : خليها عندي
هلال: لا سالم مااريد ازعجك
سالم : هلال يلا روح حضر ملابسها ودزها لبيتنا وهناك زوجتي راح تهتم بيها ولتخاف عليها بعيوني اخليها
هلال : سالم جود وكيحة وراح اتعبكم
سالم : ع الاقل تملي علينا البيت ملينا من الهدوء
هلال : والله انت وزوجتك بطرانين
سالم : ليش
هلال : صدكني مااكو شي احلى من الطفال ويملون البيت عليك حتى هوستهم تحبوها
سالم : بعد وقت على الاطفال وماصارلنا 5 سنوات من متزوجين
هلال : يلا بعدكم صغار
سالم : ايييي كل عمري 24 سنه والحياة كدامنا
هلال ؛ شكرآ سالم
سالم : هلال عيب عليك والله.. ع شنو تشكرني
هلال : الي تسوي الي ميسويه اخ لاخوه
سالم : هلال انت هوايه ساعدتني وتستاهل
هلال : انت لي تستاهل ..
عندما عاد سالم من عمله وجود جود في المنزل ولكن زوجته كانت منزعة وهي تنتضره
سالم : ذكرى شبيج
ذكرى : شنو هاي البنيه وشتسوي يمنا
سالم : هاي بنت هلال وطلبت منه يخليها يمنا لان عند سفر وميكدر ياخذها
ذكرى: سالم مااريدها بالبيت
سالم : ذكرى شنو هذا الحجي وبعدين زعجتج بشي
ذكرى: لا مازعجتني بس مااخذ راحتي واكره الاطفال اني
سالم : حياتي لخاطر هلال وتعرفين بيه شكد ساعدنا ولازم نردلة الجميل
ذكرى : ونردلة الجميل ونبقي بنته يمنا
سالم : ذكرى كافي كلام واذا ماعاجبج روحي يم اهلج واني اعتني بيها ولدوخيني
ذكرى : ان تعتني بطفل هو اني زوجتك ماتحملتني وطردتني من البيت
سالم : لغوة هوايه مااحب
ذكرى : رايحة يم اهلي اصلا
سالم : بعد احسن ..
في الصباح كان سالم نائم وجود على السرير وتضرب على وجهه
سالم : شكوو
جود : شعندك نايم ويلا كوم
سالم : اليوم عطلة خليني انام شويه
جود قامت من على السرير وهي تسحب اكمام سالم
سالم : وين تاخذيني
جود : غسل علمود تصحصح
سالم : جوووود
جود : يلا عاد كوم
سالم : ذكرى وينها
جود : الطاووس من الصبح طلع
سالم : طاووس ههههههه
جود : اي راحت هي وجنطتها
سالم : اها
جود : لتضوج هو احنا رايحين نصالحها
سالم : خليني ارجع انام احسن
جود : اهووووو عاد كوم يلا
سالم : كمنا وامرنا لله
جود : عفيه بالحباب وهسة اسويلك فطور
سالم : يمة فديت النادرة
جود : يلا اسبقني للمطبخ😉 ..
أنت تقرأ
تناقضات الحب
Romanceاغرب مافي الحب ! انك تجد نفسك في "شخص" وتفقد نفسك "فيه" تصبح قويآ به واضعف ماتكون امامه ونفس " الشخص " الذي تشكلت فيه تناقضاتك له القدرة على تعميرك وتدميرك .
