تناقضات الحب

part 3

سالم : هوايه تغيرت عليه
جود : يمكن انت تغيرت
سالم : لا هي تغيرت
جود : اني من جيت لهذا البيت وهي نفسها مالاحظت اي تغير بيها
سالم : معقولة
جود : ايييي انت الي صاير حساس
سالم : يعني اني السبب
جود : اي انت مطيها عين
سالم : احبها
جود : والي يحب احد يزعلة
سالم : كل شي مسموح بالحب
جود : لعد ماراح احب
سالم : دروحي نامي بعدج طفل وتفكرين بالحب
وقفت جود امامه وهي تضع يديها على خصرها  وترفع احد حاجبيها : منو الطفل
سالم سحبها  لحضنه وبعثر   شعرها .. قامت جود وهي متضايقة منه : صوجي اني الي احجي وياك ياشايب ياعجوز 😝
سالم : طفلة 😝
جود : مو تصبح على خير
سالم : هههههههه ...  
جود " مع مرور الايام اصبحت علاقة ذكرى بسالم تزدات سوء  ولكنهم كانوا لا يهتمون وكأنهم اعتادو على الوضع اما انا فقد اصبح عمري 18 عاما .. اصبحت كبيرة واحتاج الى اهلي .. نعم كان سالم يعوضني عنهم ولكنني احتاج الى اختي .. احتاج الى فتاة ثانيه لكي تسمع لي .. كانت هناك اشياء لا يمكنني اخبار سالم بها وكذالك ذكرى فهي لا تهتم لي وحتى كنا لا نتكلم مع بعض وحتى وان كنا في غرفة واحد .. اتجاهلها وتتجاهلني .. وسالم كان رافض فكرة ان اعود الى منزلي ولكنني اخبرت اختي واتت لأخذي .. مر اليوم الاول بصعوبه علي لاني تعود عليه .. لا يمكنني ان اتحمل ثانيه واحدة دونه ..  وفي منتصف الليل اتى الى منزلي
جود : خير بابا بيك شي
سالم : سلومة تعبان ليش عفتيه
جود : بابا اني يعني
سالم : جود شنو الي صار احجيلي وليش قررتي ترجعين لبيتكم
جود : اهلي ولازم ارجعلهم
سالم  : اني الي ربيتج لذالك لتجذبين عليه
جود : مامجذبة عليك
سالم : جود احجيلي شنو الي صاير وياج .  ليش تتهربين مني وليش حتى بالفترة الاخيرة تتجاهليني ومتحجين ويايه ولا حتى تفطرين ويايه
جود : ماكو شي بس كتلك لازم ارجع لاهلي
سالم : بس انتي جنتي تكولي اني اهلج
جود : بابا
سالم  امسكتها من كتفها : احجيلي شبيج علمود اكدر احل الموضوع وترجعين تعيشين يمي
جود : بابا اني قررت ونفذت قراري وماعايفتك وكل فترة راح اجي وازورك
سالم : اوك على راحتج .. وتصبحين على خير
جود : وانت من اهلة ..

جود " كنت لا اذهب الى الجامعة وابقى في غرفتي واغلب الوقت انام .. تلك عادتي منذ الصغر .. ان انام اذا حدث شي لي .. حتى هاتفي لا اعلم اين هو وهل فيه شحن ام لا .. انام وانام فقط .. حتى لا اعلم كم مر من الوقت .. في ذالك اليوم الذي تغيرت حياتي بعدها .. استيقظت على صوت سالم
جود : خير
سالم : وينج مختفيه
جود : هياتني موجودة
سالم : تلفونج وين
جود : يمكن هنا او هنا كانت تبحث عنه ولكن سالم امسكها من ذقنها
سالم : جود صار كم يوم وانتي ماطالعة من الغرفة
جود : كم ساعة قصدك
سالم : صارلج سبوع وانتي حابسة روحج .. قلقتيني عليج .. اني مسافر واتصل ومتردين عفت الشغل واحجزت باول طيارة ورجعت .. ليش هيج تسوين بيه .. ليش هيج .. كلتي ارجع لبيتنا ووافقت بس حتى من رجعتي صرتي متحجين ويايه وحتى ع المكالمات متجاوبين
جود : تلفوني مابيه شحن
سالم : ميصير تجذبين على ابوج
جود : مامجذبة
سالم : جود لتخبليني ولازم تحجي علمود افتهم
جود : يعني تريدني احجي
سالم : اي احجي علمود افتهم
جود : اخر سفرة رحتلها
سالم : لدبي
جود : لا لا
سالم : المغرب
جود : اي سفرة المغرب
سالم : اي شبيها
جود : ان تتحمل نتيجة الي راح تسمعة
سالم : جود احجي عاد ترا ماتحمل بعد
جود : اي بابا انت كنت مسافر
سالم : اي شصار ذكرى زعجتج بالحجي
جود : لا
سالم : لعد شنو
جود : انتضر هسة افهمك
سالم : متحجين علمود افتهم
جود : شي صعب عليه احجيه وانت مدتنطيني مجال
سالم : اوك اخذي وقتج بس احجي
جود ؛ بليل كعدت وكنت عطشانه
سالم : هو هذا الموضوع
جود : بابا بس اسكت والله دتصعبها عليه 😡
سالم : ماراح اقاطعج مرة ثانيه
جود : اي اسكت وابد لتحجي
سالم : سكتنا بس كملي
جود : جنت عطشانه فنزلت اشرب مي بس سمعت صوت بالحديقة لذالك من نافذة المطبخ شفت ذكرى تحجي ويا واحد جانوا يحجون بس ماكدرت افهم شي بس ضليت اراقبهم  و و
سالم : ليش  سكتي شصار بعدها
جود : ماكدر احجي
سالم : جود كملي شصار
جود : جان  جان
سالم : جان شنو
جود : يبوسها
سالم : شنووو
جود : مثل ماسمعت ومااكدر اعيد كلامي
سالم وقف وهو يضع يده  على رئسه ويسر ذهابآ وايابآ في الغرفة
جود : اسفة ع الحجي الي كلته بس انت طلبت مني احجي
سالم ينضر لها وهو يبتسم  😊
جود : بابا  اسم الله عليك شبيك
سالم  وهو يمسك يد جود
جود : بابا حبيبي بيك شي .. مصدوم مو انت
سالم : تدرين جود
جود : شنوو
سالم : هذا احلى خبر سمعته
جود : شنووووو
سالم : هسة اكدر اعيش حياتي مثل مااريد واكدر اعوف ذكرى وحتى مااحس بتأنيب الضمير
جود : يعني ماضايج لان هي تخونك
سالم : عادي اني هم جنت اخونها
وقفت جود : شنوووو تخونها .. ويا منوو
سالم : شكرا لانج حجيتي
جود : مو وقت شكر وكلي المن تعرف غير ذكرى

سالم : مو شرط تعرفين .. وشحني جهازج ومن اتصل عليج جاوبي 😏
...كان سالم يريد ان يخرج من الغرفة ولكن امسكت جود بذراعه واوقغته
سالم : شكو
جود : منو هي
سالم : منو
جود : الي تخون ذكرى علمودها
سالم : عود اعرفج عليها
جود : اي هسة تعرفني عليها
سالم : بهذا شكلج تتعرفين عليها
جود : 5 دقايق واجهز
سالم : انتضرج بالسيارة لعد
جود : اسبقني واجي وراك
سالم : اوووووك ..
جود " غيرت ملابسي بسرعة وغسلت وجهي ونزلت الى سالم وبعدها اخذني الى احد المطاعم
جود : وينها اتأخرت .. كانت جود تتكلم معه ولكنه لم يجببها لذالك امسكت يده
جود : بابا وينها 😡 ليش اتأخرت
سالم وهو يمسك يد جود : ليش تردين تشوفيها
جود : اا اا ابوبه ولازم اطمن عليك
سالم : اها
جود : اي اي اريد اشوفها خاف تطلع مثل ذكرى وتعذبك
سالم : لا اطمني هي متشبها وكلش تحبني وتهتم بيه
جود : وانت تحبها
سالم : اعشقها
جود سحبت يدها : وينها  .. اتصل عليها خلي تجي دشوفها شلونها
سالم : داحسج تغارين منها
جود : واني وين اعرفها علمود اغار منها
سالم : اذا شفتيها راح تغارين منها لان ماكو مثلها بنيه
جود : اها
سالم : اييي
جود : اييييي ديلا  وينها
سالم : ههههههه
جود : اني دمي فاير وهو يضحك
سالم :جود
جود : نعم
سالم : اني منو
جود : مااعرفك
سالم : اني ابوج .. اني الي ربيتج .. حافظج وفاهمج
جود : اي وشنو
سالم : ذكرى تخوني بس انتي ليش عفتي البيت
جود : لان لان
سالم : لان شنو
جود ؛ ماادري
سالم : جوود
جود : ماارتاحيت للوضع وماريد ابقى بذاك البيت بذالك رجعت للبيتنا
سالم : ههههههه
جود : لتضحك
سالم : لتجذبين عليه
جود : يعني مسوي نفسك حافظني وفاهمني .. يلا بالله فسرلي ليش رجعت لبيتنا
سالم : اي افسرلج
جود : اي بالله فسر فسر
سالم : انتي من دخلتي جامعة وانتي تغيرتي وحالج تغير .. يمكن اصدقاء جدد او اصدقاء فتحوا عينج على اشياء ماجنتي تعرفين تفسريها .. يمكن جنتي تحسين بشي بس متعرفين شنو هذا الاحساس ولا شنو اسمه .. مشكلتج تخافين .. وبعد ماعرفتي بذكرى وخيانتها الي زاد خوفج .. جود اذا تحبيني لتهتمين لاحد .. اذا فعلا تحبيني اني مستعد اوجه الدنيا كلها علمودج .. لتخلين ابالج الفرق بالعمر الي بينا ولا تخلين ابالج فكرة اني اخون صديقي الي هو ابوج .. اذا جنتي فعلا تحبيني كل هاي الاشياء نكدر نتجاوزها واحنا سوة
جود : شنو هذا الحجي وبعدين وين هاي حبيبتك
سالم : اني ماعندي حبيبة غيرج .. انتي امي وحبيبتي وصديقتي وبنتي  وان شاءالله تصيرين زوجتي 
جود :  بابا بيك شي
سالم : حتى كلمة بابا منج احساسها غير ... عمري ماحسيتج بنتي .. اهتمامج وخوفج عليه خلاني يوم بعد يوم اتعلق بيج
جود التزمت الصمت
سالم : جود فكري زين وخلي في بالج اواجه الدنيا كلها علمودج .. وماراح اتخلى عنج
جود ؛ وذكرى !
سالم : انفصل عنها
جود : وهلال
سالم : انتي وافقي علمود افكر بحلول مناسبة
جود : خايفة
سالم : لتخافين واني موجود
جود : سالم اكيد ماراح تعوفني
سالم : لاخر نفس بيه راح ابقى احبج
جود : اوك لعد فكر بحلول .. اخذت حقيبتها وخرجت مسرعة ...