سالم انفصل عن ذكرى وعندما اخبرها ان يعلم بخيانته له وتم فضحها في المحكمة وكذالك جود شهدت بما رئت .. ذكرى قررت ان تنتقم منهم بعد ان علمت انهم سيتزوجون لذالك ذهبت الى منزل جود وتكلمت مع والدها ..
كانت جود ترتدي فستان اسود قصير وتنتضر سالم الذي وعدها انه سيأتي اليوم لخطبتها .. كانت تنضر لنفسها في المرايه .. وتنضر لنفسها وتخبر نفسها انه جميلة جدآ واكيد انها ستعجب سالم .. انتضرت طويلآ ولكن لم يأتي سالم وعندما اتصلت عليه لم يجيبها .. اصبحت بعد منتصف الليل ولم يأتي .. في اليوم التالي عندما كانوا على طاولة الافطار
هلال : جود انسي سالم
وقعت المعلقة من يد جود
هلال : جود سالم ميفيدج واكبر منج بالعمر ومستحيل يصير هذا الزواج .. كملي حياتج ويا شخص بعمرج يفهمج وتفهميه.. مااكدر اأمن عليج عندة .. هو خان ثقتي .. واضافة انو اني كنت مخدوعة بيه وعرفت عنه اشياء مستحيل اتخليني اخلي ايدي بيدة .. واحد وصخ .. ليعلمج زوجته بريئة وهو الي دازلها هذا الشخص .. الصبح جانت زوجته وهذا الشخص عندي وفهموني كل شي .. جود تسمعيني
جود : اي هلال
هلال : اني ابوج
جود : اني بس سالم ابويه
هلال : خلي نشوف سالم شنو راح يسوي علمودج
جود : ماكو داعي يسوي شي
هلال : اتمنى تقتنعين
جود : الحمدالله .. نهضت وذهبت لغرفتها واتصلت به وايضا هاتف كان مغلق .. لم تتحمل ان يخذلها لذالك قررت في اليوم التالي ان تسافر وتكمل جامعتها في ماليزيا ووالدها وافق واكمل الاجراءات في غضون يومين ... وبعدها اكملت جامعتها وبدئت تعمل عند فرع في شركة والدها ...
جود : هذا الي صار
رشا: وسالم
جود : من يومها ومااعرف عنه شي
رشا: رحتي لبيته ! لشركته!
جود : اي اسبوع كامل ادور علية وهو مختفي .. بكل سهولة تخلة عني وكل وعودة الي جذب بجذب
رشا: تحبيه
جود : اي احبه بس
رشا: شتبسبسين ولج فرصة وجتج ولتضيعين عمرج بكلام مابيه فايدة .. شوفيه هو احد الان مامتزوج وينتضرج .. لازم اكو شي خلاه هيج يختفي .. لتحكمين بسرعة عليه .. اكعدي واسمعي منه
جود : اخاف
رشا: تخافين بغبائج ضيعتي 7 سنوات .. تخافين لو عندة عذر وانتي ضلمتيه .. جود انتو الاثنين غلطتوا ولازم تسامحون بعض
جود : اكلج تلفونج دقني متجاوبين .. كل شويه يرن اني مليت وهو مامل
رشا حملت الهاتف واخرجت الشريحة ورمتها على الارض
جود : ليش هيج سويتي
رشا : احسن .. ويلا كومي صلي استخارة ركعتين وصفي دماغج ونامي وربي يقدملج الخير
جود : ماشي وانتي شرتح تسوين
رشا: نومة الكهف يرادلي
جود : ههههههه ...
'' أنت عشقي .. ❤أنت حبيبي .. ❤ .. أنت روووحي .❤ أنت هوائي .. ❤ أنت عمري . ❤ أنت كل شيئ يحتويني ..❤ ... ''
عندما انتهت رشا من عملها وكانت تنتضر سيارة اجرة وقفت سيارة حسن
حسن : خليني اوصلج
رشا: شكرآ هسه اخذ سيارة
حسن نزل من السيارة ووقف امامها
رشا : شكو
حسن : اريج تسأل وتكول ليش متجاوبني وزعلانه عليج
رشا : خلي تزعل
حسن : اها
رشا : حسن
حسن : نعم
رشا : ادري انت الي اتصلت وقلدت صوت اريج .. حسن مو عليه
حسن : ههههههه
رشا : يلا حباب لم روحك وروح منا
حسن: خليني اوصلج
رشا: شكرا مااريد
حسن : اوك على راحتج ..
عاد رشا الى الشقة
جود : وينج اتأخرتي
رشا: عندي كم شغلة خلصتهن
جود : ديلا غيري ملابسج وتعالي
رشا : اوك
سمعت جود صوت الباب لذالك فتحته
جود : خير
حسن : رشا موجودة
جود : اي
حسن : اكدر احجي وياها
جود : دقيقة انطيها خبر
حسن : اني ابن عمها
جود : واذا ابن عمها يعني .. انتضر دقيقة لحد مااطيها خبر
عندما دخلت جود لحقها حسن ادارت جود ضهرها : كتلك انتضر
حسن : كتلج ابن عمها
جود : انت تفهم
حسن : انتي الي تفهمين
جود صرخت : رشا عدنا ضيوف لبسي حجابج
جود نضرت له : تكدر تتفضل ياابن عمها
جود : شكرآ الج
خرجت رشا : جود منو
جود : ابن عمج
حسن : تعالي اريد احجي وياج
رشا : خير شعندك
حسن : ممكن تتركينا لوحدنا
رشا اشارت لجود : تعالي كعدني بنصنا
جود جلست بجانب رشا
حسن : جيبي العشيرة هم كلها
رشا: مااعترف بالعشيرة اني
حسن : رشا
رشا: فضني شتريد ترا تعبانه من الشغل واريد ارتاح
حسن : خلي نتفاهم
رشا: وليش حتى نتفاهم
حسن : لان لكيتج ولان وضعي اختلف هسة
رشا: ووضعك ميهمني
حسن : انتي شنو اسمج
جود : جود
حسن : راح اجيليج قصتنا وانتي حكمي واني راضي بحكمج
جود : اوك احجي
حسن : اني ابن عمها واحبها وتحبني .. تقريبا 4 سنوات استمر حبنا ومن قررت اتقدملها امي عارضت وطلبت مني اتزوج بنت اختها بس اني اعترضت وماوافقت وقررت اعوف البيت علمود امي ترجع بقررارها بس امي تخربطت ودخلوها للمستشفى وحالتها كانت كلش خطرة وطلبت مني ان اخطب بين اختها لو تغضب عليه وماراح تسامحني .. وقتها حجيتلها عن الي صار ... تمسكت بيها .. وهي هم كانت متمسكة بيه وماعافتني .. وع الرغم من اصرار امي ووضعها الصعب ان مااهتميت وتمسكت برشا اكثر .. كلهم كانوا ضدنا بس مااهتميت والاهم هو احنا سوة .. امي حالتها زادت خطورة .. صارت بيها جلطة .. ودخلت غيبوبه ... كلهم لاموني .. كمت اشعر بالذنب .. تقريبا 5 اشهر وامي على هاي الحالة .. تندمت لان جنت زعلان عليها وجنت خايف تموت وهي فعلا مو راضيه عني .. جنت ادعي ترجع تتعافى علمود تسامحني وتغفر الي .. واخيرا ربج استجاب دعائي وامي اتشافت .. بس هم كانت مصرة انو لازم تتزوج بنت خالتي وكالت اذا ماوففت راح تتبرى مني لذالك وافقت على الزواج
جود : تزوجت وبعدين .. يعني شتريد من رشا
حسن : لساتني احبها زوجتي انفصلت عنها بعد سنه .. امي وافقت انو انفصل عنها بس بشرط انو مااتزوج رشا واقطع علاقتي بيه .. وافقت وكلت مع مرور الوقت تلين واكدر اقنعها .. ابقى وحدي افضل من ابقى ويا بنيه غير رشا
جود : اممممم
رشا: جنت متمسكة بيه .. عاديت الدنيا كلها علمودة .. اتجاهل الكلام والمغثة والناس لان هو بجانبي وعندي ثقة بيه ..ورة ماامه تعافت بدء يتجاهلني .. ميرد على اتصالاتي .. وفجاءة تجيني بطاقة عرسة .. اني انعزم على عرسة .. اتخيلي اسمع من الغريب وهو ميكولي .. الشماته اكلوا وجهي بس جنت فرحانه لان استاهل الي يصير بيه .. استاهل كل شي لان وثق بوحدة مو رجال وماعندة كلمة وامه تمشيه
حسن : رشا انتي تحبيني
رشا: حتى لو احبك مستحيل ارجعلك .. مستحيل اوكع بالمكان مرتين .. اذا رجعتلك راح اعتبر نفسي غبية
حسن : خلينا ننسى الي صار
رشا: اني مااكدر انسى ان اكثر شخص حبيته جذب عليه وخان ثقتي .. جنت مثل العميه وتمشي وراك وبالنهايه خليتني بطريق وحدي واتعثر .. كل مااشوف ابويه واشوف الحزن بعيونه .. احس بيه يريد يفرح ابنته .. يريد يشوف احفادة بس ميكدر يحجي لو امي الي اشوفة منكسرة والي تسوة والي متسوة تحجي عليها
أنت تقرأ
تناقضات الحب
Romanceاغرب مافي الحب ! انك تجد نفسك في "شخص" وتفقد نفسك "فيه" تصبح قويآ به واضعف ماتكون امامه ونفس " الشخص " الذي تشكلت فيه تناقضاتك له القدرة على تعميرك وتدميرك .
