اكرم:هَــلو
رهف(نضرت له بحزن):هَـلو
اكرم:تريكتي
رهف:اي
اكرم:خوش،،اي شتحبين وين نتغده
رهف:بكيفك
اكرم:اممم ماشي اكو مطعم قريب ع الفندق حلو واكله طيب يعني قبل فتره رحتله ويه شخص عزيز عليه اذا تحبين نروحله
رهف:مثل متريد
اكرم:اها زين تحضري لعد
رهف:😔
في المطعم
اكرم:ها شنو رأيج
رهف:حلو
اكرم:شو مو على بعضج
رهف:لا مابيه شي
اكرم:خوش لعد خلي نطلب الاكل
مرام:صباح الخير ع العرسان 😏
اكرم:مرام
رهف:(ونضرة العتاب لاكرم)
مرام:الضاهر ازعجتكم مو
اكرم:ههه لا بالعكس ثواني رهف هسه اجي
رهف:😔
مرام:شتسوي هاي هنا هااا كلي محمد انت ده تنتضرني اجي الكيك كاعد ويه الخانم تتغده وياها
اكرم:ههههه حياتي اعتبريها مموجوده
مرام:شوكت تخطبني خوما حتبقيني هيج معلكه انت مو كتلي انت معجب بيه مثل ما اني معجبه بيك اكرم اني احبك من الاول وانت تدري بيه حرام عليك
اكرم:اسمعيني بس يحتاجلي وقت علما اقنع امي
مرام:اوك يا اكرم حصدكك بس ياويلك اذا طلعت تكذب عليه
اكرم:هههه اكيد حبيبتي قابل اكذب عليج
مرام:ماشي نشوف
اكرم:يلا ارجع اني هسه وبعدين نتفاهم
مرام:مستعجل ع الحلوه مراح تطير عيني
اكرم:كافي مرام خلص فهمتج ميحتاج هيج تسوين😠
مرام:شسوي ياحبيبي اغار عليك ما اتحمل
اكرم:لاتغارين ميحتاج
مرام:اوك اخابرك بالليل عود ماشي 😉
اكرم:اوك
اكرم:خوما تأخرت عليج
رهف:منو هاي البنيه
اكرم:كتلج البارحه زميلتي بالكليه جانت
رهف:بس
اكرم:ههه اي قابل شنو
رهف:اوك
اكرم:شتطلبين
رهف:الي يعجبك
اكرم:ماشي حطلبلج مثل طلبي
رهف:اريد نرجع للبيت
اكرم:ليش مستعجله
رهف:ارجوك اني ممرتاحه هنا
اكرم:خلص باجر نرجع تدللين
في الليل
اكرم:اني طالع تحتاجين شي
رهف:بهالليل
اكرم:اي حاب اتمشى شويه
رهف:اوك واني حنام
اكرم:ماشي تردين اطفيلج الاضويه
رهف:ياريت
(ببكاء):هيه هاي السعاده الي وعدتني بيها هوه هذا الحب الي جنت تحجي عنه كله طلع وهم الحب كذبه عشتها وحسيتها وحدي ياريتني سمعت كلام روز من البدايه وشفتك بعيونها ليش هيج يا اكرم ليش لهسه مدا اكدر اتقبل الصدمه حموت بحسرتي ياربي صبرني وميبين عليه كدام اهلي ما اريد ينقهرون ويتأذون بسببي😢
محمد:هههههه نور العريس
اكرم:عريسيش محنه طبخيها سوى هههههه
محمد:ها اجتي مرام
اكرم:اي عاشت ايدك اجتي بالوقت
محمد:وشسوت رهف
اكرم:كلشي مسوت تعاملت ويه الموضوع بهدوء بس سألتني منو مرام
محمد:عجيب وحده غيرها جان كامت كطعتها
اكرم:لك اني حتخبل معقوله هيه هاي رهف الي محد يخلص من لسانها وخوب ع ايدك الي سوته بيه بحفلة التخرج انكلبت١٨٠ درجه احاول اغيضها بأي طريقه تفاجئني بسكوتها وهدوئها
محمد:اخاف هذا الهدوء الي يسبق العاصفه
اكرم:يعني شلون
محمد:يعني تكول لاهلها او اهلك اول مترجعون وتخلي الشغله تنكلب عليك لان اذا هسه حجت مراح تحصل شي وخوفها منك مسكتها
اكرم:تتوقع
محمد:ليش لا انت تكول هذا مو طبعها
اكرم:يجوز هيه تريد تترك الفندق تكول خلي نروح للبيت
محمد:اذا ناويتها
اكرم:شحدها
محمد:اكول اكرم هسه انت شلك بهالحرب
اكرم:ما ادري بداخلي متخبل منها من يوم الحفله ورفضها اليه كدام الكل
محمد:لا ووراها خسرت الرهان ومكدرتلها وانطيتني الدراجه ههههههه
اكرم:هههه بايخه
محمد:ههههه شحتسوي هسه
اكرم:نرجع للبيت باجر ونشوف شنسوي ويه ست رهف
