فوت&كومنت عند القراءه ❤️
سعاد:ياهلا ياهلا اجيتو بوقتكم توني طفيت الجدر
كرم:واحنه رجعنه علمودها
محمد:يلا عمتي لحكينه جوعانيين
سعاد:ههههه تدللون ليفا يلا لحكيني ع المطبخ نصب الاكل
محمد:متكلي امك شتسوي بالخدامه شو كلشي هيه تسوي
كرم:هههههه لا الامانه البنيه تنضف وترتب بس امي تحب المطبخ متكدر تستغنى عنه لازم تحط لمساتها بالاكل
محمد:ياعمي هوه الاكل من ايديها مينشبع منه نيالك
كرم:هههههه
محمد:اكول شحتسوي
كرم:بشنو
محمد:الخطوه الجايه ويه رهف
كرم:ههههه نفوت للغرفه واكلك
محمد:لاتنسى عندك بس اسبوع
كرم:ما ناسي وسد الموضوع امي اجتي
محمد:ها وهسه طبينه للغرفه مكتلي شحتسوي
كرم:كلتلي اسم الفيس مالتها شنو
محمد:اهااا فهمتك 😉
كرم:اممم 😌
روز:ممكن تفهميني ليش اخذتي الرقم
رهف:شبيج روز قابل حتصل كلت اخلي يمي خاف يوم احتاجه
روز:اها يعني مناويه تتصلين
رهف:لا شبيه تخبلت
روز:ماشي حصدكج ،،،اكول رهف تتوقعين الساعه تعجب احمد
رهف:طبعا الهديه مو بقيمتها الماديه اهم شي انو هالشغله منج وراح يتذكرج كلما يلبسها هناك
روز:فرحتيني ان شاء الله من يجون انطيهيا
رهف:ان شاء الله صدك مكلج شوكت يجون
روز:يكول ع اسبوع اليجي
رهف:يلا هله بيهم
روز:نعست حطفي الضوه
رهف:ماشي حكلب اني شويه بالتلفون واني
روز:تصبحين على خير
رهف:وانتي من اهله
سعاد:محتاج شي حبيبي اني رايحه انام
اكرم:لا امي تسلمين،،، وهسه خلي نشوف حسابج يا رهف اممم هذا اكثر من حساب بنفس الاسم خلي اشوف ياهو منهم حسابج
روز:رهف
رهف:هممم
روز:سوي جهازج سايلنت لو طلعي بره اريد انام تره
رهف:ماشي بس لا تصيحين
رهف(قامت من الفراش واستعدلت بكعدتها):هذا نفسه الولد منين جاب حسابي
روز:ده تحجين ويايه
رهف:ها لا لا ههههه دا احجي ويه نفسي دا اكول شلون بينه ويه السادس هالسنه
روز:صدك باجر الصبح من نكعد ذكريني اخابر البنات علمود اسألهم ع الدورس نشوف ويامن نسجل
رهف:اوك(شحسوي هسه افتح الرساله لولا اخاف يشوفني قاريتها اممم )
اكرم الاسدي/مرحبا رهف اني اكرم عرفتيني بالصدفه شفت صفحتج شلونج
رهف:هسه شحسوي ياربي
اكرم:اها ردت ههههه
رهف البياتي/اهلا اكرم اي طبعا تذكرتك خير خوما اكو شي
اكرم/لا ماكو شي بس من شفت صفحتج ضفتج يعني عادي ما اقصد شي اسف ع تطفلي
رهف/لا مصار شي اتشرف بصداقتك
اكرم/شكرا 😊
رهف/اي شّـہلَہوُنك
اكرم/زين وانتي
رهف/زينه
اكرم/انتي طالبة سادس هالسنه
رهف/اي منين عرفت
اكرم/بنفس الطريقه من عرفت مكان بيتكم
رهف/اها زين شنو هي الطريقه
اكرم/اكول بديتي اتدرسين او سجلتي دروس اكيد بدو الاساتذه يسوون مجاميع اذا تحبين اسألج
رهف:هههه يعني تهربت من سؤالي
اكرم/شنوه سؤالج
رهف/لا هيج وشكرا علمود الدروس حنخابر صديقاتنه نشوف شمسجلين وندخل وياهم
اكرم/يعني انتي واختج التؤام تدرين من شفتكم اثنينكم لنصدمت
رهف/هههه ليش
اكرم/يعني الشبه بينكم كلش قوي انوب اريد انزل اعتذر منج وما اعرف منو بيكم الي تعاركت وياها بالحفلهً
رهف/ههههههه اكول ليش مانزلت وبقيت بالسياره تراقب من بعيد
اكرم/اسف اخاف حرجتج كدام اختج
رهف/لا اني واختي روح وحده صح مختلفات بالطبع بس تبقى تؤامي ما اضم عنها شي
اكرم/يعني حتكليلها حجيتي ويايه
رهف/ليش واذا حجيت وياك قابل شكو بيها زميل
اكرم/لا مابيها شي
رهف/مكتلي وانت شنو ناوي تسوي بعد ماتخرجت
اكرم/والله هاي بعد ما اعرف بس يجوز اشتغل ويه الوالد
رهف/ليش والدك شيشتغل
اكرم/عنده مكتب محاسبه قريب على بيتكم اتوقع تعرفي
رهف/اي عرفته وما شاء الله شغله زين وماشي
اكرم/اي الحمدلله
رهف/اني اروح لان نعست
اكرم:اوك دوختج وياي
رهف/لا بالعكس
