فوت&كومنت عند القراءه ❤️
.
.
.
اكرم:يمه اعرفج ب رهف وروز
سعاد:ما شاء الله انتو تؤام
رهف:اي خاله
اكرم:بنات امي واختي خوله
رهف&روز:تشرفنه
سعاد:النه الشرف
خوله:يلا همزين جنت محتاجه صديقات وحتصيرون صديقاتي اذا ماعدكم مانع طبعا 😄
رهف:لا اكيد نتشرف بيج حبي 😃
روز:اي اكيد😒
اكرم:يلا حتكضوها تعارف امشو بالسياره احجو
سعاد:يلا بنات
في الطريق
سعاد:انتي مخطوبه
روز:اي ابن خالتي واليوم سافر يكمل ماستر بره
سعاد:حبيبتي الله يهنيكم ويسعدكم
روز:تسلمين خاله 😄
سعاد:وانتي رهف
رهف:اني شنو خاله ☺
سعاد:يعني مخطوبه مرتبطه
رهف:(نضرت ل أكرم):لا ههههه بعد نصيبي ما اجه وك ارتباط ما افكر ارتبط
سعاد:اي الحمدلله😄
رهف:نعم خاله
سعاد:اكول الله يقسملج النصيب الزين
رهف:ان شاء الله
خوله:كلش تتشابهون ممعقول هيج ماكو اختلاف
رهف:هههه اي بس تكدرين تفرقينه روز متخلي مكياج واني اخلي ههههه
خوله:ههههه ماكو فرق ما شاء الله حلوات
اكرم:وهاي وصلنه
سعاد:بنات نزلو ويانه شويه
روز:لا خاله تسلمين امي تنتضرنه
سعاد:خلص على راحتكم
خوله:انطوني ارقامكم حتى اكدر اتواصل وياكم
رهف:ها
روز:هاج رقمي
خوله:اي كتبيليا لعد ورهف
روز:لا احنه ثنينه بنفس الجهاز
خوله:معقوله
روز:اي مو تدرين دراسه وهيج بابا جابلنيا علمود المحاضرات
خوله:ماشي عموما اذا اريد احجي وياكم اخابركم على هذا الرقم وهاي دكيتلج خزني رقمي يمج.
روز:اوك خزنته يلا تأخرنه هسه ماما يضل بالها
سعاد:حبيباتي ننتضركم فد يوم زورونه
روز&رهف:ان شاء الله مع السلامه
سعاد&خوله:الله وياكم
اثناء الطريق
اكرم:رهف انتي مو عندج فون
رهف:ها لا ماعندي
روز:😒
اكرم:لعد شلون جنتي تتواصلين ويايه ع الفيس
رهف:مو كالت روز كدامك اثنينه نستخدم نفس الجهاز
اكرم:رهف هذا الجهاز حتى كاميرا مابي شلون تفتحين نت 😒
رهف:ههه بالابتوب افتح
اكرم:اها 😒
روز:شنو فاتح تحقيق ويه اختي
رهف:روز
اكرم:لا بس حب فضول و سؤال ابالي ضل
روز: اها 😏
رهف:يلا وهاي وصلنه ههه شكرا اكرم تعبناك يلا روز
روز:يلا
اكرم:رهف انتضري ممكن شويه احجي وياج
رهف:اوك
روز:انتضرج خمس دقايق لاتتأخرين 😒
اكرم:شبيها روز ليش هيج تعاملني
رهف:لا ما بيها شي سبق وكتلك اختي وتخاف عليه
اكرم:مني شمسوي قابل اني
رهف:اكرم سبق وحجينه بالموضوع ما اريد اعيد كلامي
اكرم:يعني مشتاقيتيلي طول هالفتره
رهف:ههه وليش اشتاقلك يعني ماكو شي بينه 😔
اكرم:هذا اخر كلام رهف
رهف:اي آخر كلام وهسه لازم اروح
اكرم:اوك بيباي
رهف:باي 😔
اكرم(ماشي يارهف ماشي)
روز:تعالي شكلج
رهف:اششش نصي صوتج يعني شحيكول نفس الكلام ولا تخافين منطيته مجال ابد
روز:اي زين تسوين طبعا ولا ارتاحيتله ما ادري شلون مستضرفته يمه حبيبي حمود تاج راسه
رهف:اهووو راح تبدي تحجي بحبيب القلب ومميزاته شحيخلصنه
روز:هفف مو صوجج صوج اليحجيلح اني بالي يمه ياترى بعد شكد ويوصل
رهف:لا تخافين اول ميوصل يخابرج وتكعدين تحجين فوك راسي هوه جان هنا ومخلصانه اني من تلفوناتكم انوب سافر
روز:حاقده ولي
رهف:اممم 😝
كوثر:ها اجيتو سافر احمد بالسلامه
روز:اي 😣
كوثر:سنتين يعدن بلمح البصر ومتلكي اله يمج وبعدين احسن خليج هالسنه سادس حتى متلتهين
روز:😞
كوثر:ماما رهف اريدج بموضوع
رهف:ها اني خير يمه
كوثر:خير ان شاء الله عمتج اقبال قبل. شويه خابرتني وكالت حيجون باجر
رهف:ياساتر عمتي اقبال 😳عموما هله بيهم
كوثر:مو همه جايين يخطبوج لابنها سعد كالت مثل منطيتي وحده من بنات لاختج انطيني الثانيه لابني
رهف:شنوو لا ماما لا الله يخليج
روز:شكد غياره
كوثر:لا ماما عيب مهما تكون عمتج
رهف:ماما هالسنه اني سادس وبعدين همه بالديوانيه شيوديني اني وين اكدر ابعد عنكم
كوثر:شسوي ما اريد مشاكل هسه عمتج تكوم تحجي وتكول ليش متنطونه
رهف:يعني واذا تكوم تحجي لان تخافون منها تضحون بيه ليش هيجي 😰
روز:رهف اوكفي اوف ياماما شلون تكوليلها هيج
كوثر:لعد اني مضحيه ابنتي بس تدرين بعمتج وشتسوي
روز:اي اعرفها كلش صعبه لهذا رفضوا الموضوع رهف متتحمل تعيش وياها
كوثر:اخلي ابوج يحجي وياها اوف لو محاجيه ومكايله انخطبتي ومبقيتها لحد ما راجع احمد
روز:خلص ماما لاتضلين تلومين بروحج احجي ويه بابا وهو يتصرف
كوثر:ان شاء الله
