بعثرة روح..~❄

إعتذار..~❄

أغلبية الناس تنتهي علاقاتهم بسبب كلمه..
'' آسف ''

كلمه بسيطه ولكن لها معنى كبير،
لما تصير مشكله بينك و بين شخص عزيز عليك تنتظره يجي يعتذر و متأكد انه بيجي، بس م يجي ليش ؟!!
لأنه منتظر منك المثل، منتظرك تروح و تقوله ''آسف''.

بس ياليت لو كان سهولة ذي الكلمه مثل حروفها.

أصعب كلمه وأثقل كلمه على لسانك و لساني
''أسف''.

لما يجي وقتها تخونا و توقف بحناجرنا،
ممكن بوقتها كبريائنا م يسمح لها تطلع أو يمنعنا نحاول
من جديد لكن الندم م ينفع اذا صار بينك و بين هذا
الشخص حاجز كبير م تقدر تتخطاه ولا تقدر تكسره.

المهم هو أن الاعتذار م يوقف بينك وبينه حاول تجيبها بطريقه ثانيه..
ممكن تكتبها،
تحاول تتكلم معه و كأن شي م صار،
جيب له هديهه،
فاجئه بشي يحبه،
لا تخلون ''آسف'' تبعد أغلى الناس عننا و لا تخلون
الكبرياء يتحكم بعلاقاتنا.

انا اعرف ان ''آسف'' مستحيل تطلع معي عشان كذا لا
تنتظر من أحد يقولك ''آسف''.

إذا انت بكل سهوله تطلعها حس بالي يموت ألف مرا لما يحاول ينطقها لك و تخونه.

''حاول تتفهم و تسامح و تتغاضى و لا تخلي
كلمه توقف بيننا''
لأن انا م أتخلى بسهوله و لا انت تقدر تنسى شخص
كان معك بيوم وكأنه م كان . 

لا تنتظر '' أسف'' لكن أقرأ الأسف بعيونه
أعرف أنه م يقدر يقولها أعرف أنه عاجز
بالإعتذار.

السالفه مو سالفة كبرياء
ولا سالفة غلا ومعزهه
السالفه سالفة شخص محتار، نادم، عااجز.

أفهم ولا تكبرها لأن ثلاث حروف م تسوى تصنع
بيننا حدود و حواجز.

#كتاباتي_القديمه