نسمة(دخلت وقعدت جنبه علي السرير):الياس انت اخويا وانا لو كنت شايفه ان دا ضرر ليك كنت وقفت قدامهم بس هما عندهم حق ويا سيدي لو ضميرك وجعك اوي اقولك تعمل ايه
الياس:اعمل ايه
نسمة:تجيبلها حقها من ابوك وتحافظ عليه وتكبره كمان وصدقني يا الياس سارة كويسة وانا واثقه انك لو قربت منها هتحبها
الياس:طب سبيني لوحدي يلا
نسمة:مش هتاكل
الياس:مليش نفس
نسمة:طب تصبح علي خير
خرجت نسمة وامها شدتها
والدة نسمة:هاه عملتي ايه يا بت انتي
نسمة:عيب عليكي عملت زي ما قولتي بالظبط بس ايدك بقا علي ال2000 جنيه
والدة نسمة(وهي بتديها الفلوس):مادية طول عمرك
وتاني يوم سارة صحيت ونزلت راحت الجامعة وجدتها اتصلت بالياس والياس جالها
الجدة:اقعد يا الياس
الياس:خير يا تيتا
الجدة:انت فعلا عاوز تتجوز سارة
الياس سكت شوية
الجدة:يعني اللي توقعنها صح
الياس:هاه
الجدة:شوف يا الياس سارة وحيدة وملهاش حد يا بني ولما تتجوزها انت هتبقي سندها فلو مش هتقدر تكون راجل يبقا بلاش منها يا بني
الياس كان هيقولها علي كل حاجة بس اتفاجئ لما قالت
الجدة:انا عارفة ان ابوك هددك بمستقبلك وبالفلوس وانت مجبر
الياس:وحضرتك عرفتي ازاي
الجدة:انا عارفة ابني وبعدين انا معشتش السنين ديه كلها وبفهم في البني ادمين ومحدش قال انا توقعت وعارفة ان امك هي الي بتوسوسله
الياس:طب اعمل ايه يا تيتا انصحيني انتي الوحيدة اللي مش هتتمني الاذية لسارة
الجدة(اتنهدت):بص يا بني انا مش هعيش لسارة كتير وهي محتاجه ضهر تتسند عليه اتجوزها يا ابني بس اوعى تعاملها وحش واوعي تعمل حاجة تئذيها وبكدا اتقيت شر ابوك ومخلفتش ضميرك
الياس:ماشي يا تيتا بلغيها اننا هنيجي النهاردة نتقدملها عن اذنك
نزل الياس واتصل بوالده وبلغه وسارة رجعت وبلغتها وسارة اتنهدت ودخلت اوضتها وعيطت وقالت(يارب انا ولا ليا صحبة قريبة ولا اخت ولا اخ ولا اب ولا ام ولا اي حد يارب قويني وصبرني وابعد عني الشر)
قامت غسلت وشها ولبست فستان ولفت طرحتها ومحطتش حاجة وهما وصلو ودخلو
نسمة:امال سارة فين يا تيتا
أنت تقرأ
تغيرت كثيرا
Romansaسارة ملامح وشها زادت في البرود بس من جواها كانت محتارة سارة:الياس انت شارب حاجة الياس:لا والله ابدا انا مبشربش سارة:امال مالك سخن ولا حاجة الياس(مسك ايدها وبصلها):بقولك تتجوزيني يا سارة
