تغيرت كثيرا

الحلقة 40

حورية:طيب خلاص انا غلطانة اصلا

حسين:لأا يا ستي انا كيوت ولا تدايقي دا كفاية ضحكتك

ليلى:يا خبتي القوية اخويا كيوت طب والله هذلك بيها العمر كله يا حسين

حسين:ابقي اعمليها يا ليلى ومش هسيبك حتى لو حامل

ليلى:طيب انا هخلع انا بقا اروح ارتاح علشان تعبت وربنا يستر علي سارة

خرجت ليلى وراحت قعدت في اوضتها وسارة كانت واقفة قدام باب الشقة خايفة كانت هتمشي بس لقت سيف فتح الباب بيخرج الزبالة

سيف:سارة

سارة(بدموع):سيف انا عارفة اني غلطت بس متسبنيش انت حب عمري كله ولا حبيت ولا هحب حد غيرك وربنا عاقبني بانه حرمني من اللي كان في بطني كفاية يا سيف انا من غيرك مقدرش اعيش

طلعت شهقة منها من وسط عيطها وجسمها كله كان بيترعش سيف مقدرش يشوف منظرها خدها في حضنه وحاول يهديها وفجأه سمعو صوت عيل صغير سارة بعدت عنه وبصتله

سيف:تعالي وانا هفهمك

خدها من ايدها ودخلو ولقت واحدة كبيرة في السن وشايلة طفله سارة قلبها دق جامد وبتحاول تستوعب اللي بيحصل سيف راح خد البنت وشالها وقرب من سارة

سيف:اه يا سارة ديه بنتك

سارة خدتها منه وبصتلها وبصتله بلوم

سيف:متبصيش كدا ديه كانت اقل حاجة المفروض تحصل انا لما سمعتك اتصدمت حسيت ان مخدوع في الانسانة اللي حبيتها واول ما الممرضة خرجتلي بيها خوفت عليها منك خوفت عليها من شرك خدتها وطبعا بحكم ان ضابط سمعو كلامي وقالولك ان الجنين اتوفى

سارة اتصدمت وراحت حطت بنتها علي السرير وخرجت سيف لحقها قبل ما تخرج من الشقة وقفل الباب

سيف:انتي خارجة راحه فين طب مش هتتكلمي

سارة:انت اه اتصدمت فيا واه انا غلطانة بس بعد اللي عملته دا انا اللي مش عاوزاك وطلقني يا سيف وحتى مش هطلب منك البنت وبرغم ان دا من حقي واني حضنة

خرجت سارة ورزعت الباب وراها سيف واقف في حالة زهول وسارة قعدت تلف بالعربية لقت نفسها وقفت قدام بيت ليلى رنت الجرس وفتحتلها صفاء ودخلتها وطلعت بلغت ليلى وليلى نزلت

ليلى:ايه اللي حصل

سارة انهارت من العياط وليلى خدتها في حضنها وسارة حكتلها كل حاجة وليلى طبطبت عليها

ليلى:طب ليه عملتي كدا يا سارة ليه

سارة:حسيت اني اتوجعت منه اوي يا ليلى واتصدمت فيه ازاي قدر يعمل فيا كدا

ليلى:بس دا مستحملش يشوفك دموعك يبقا بيحبك

سارة:يعمل ايه الحب وهو وجعني وصدمني بالمنظر دا