سيف:لااا هو انتي متعرفيش انا ناوي اعمل ايه
سارة:ناوي علي ايه
سيف:هخطفك
سارة:سيف هو انت مبتزهقش
سيف(مسك ايدها وباسها):تعرفي عني اني بزهق منك
سارة:سيف انا حتى لو مبحبش سليم مش هخونه وديه خيانة وليلى متستهلش مني كدا
سيف:سارة هما يومين ارجوكي بلاش الكلام دا ممكن
سارة:مينفعش يا سيف ارجوك انت بلاش اليومين دوول
سيف:علي العموم انا مش بستأذنك
مشي سيف وسارة راحت الشالية بتعها وفجأة لقت حد مسكها وخدرها وصحيت لقت نفسها متكلبشة من ايدها الشمال في السرير سارة مدت ايدها التانية في جيبها علشان تطلع المطوة لقت الباب بيتفتح
سارة:سيف وقعت قلبي يا اخي
سيف:سلامة قلبك يا روحي انا قولت اني هخطفك
سارة:ومكلبشني ليه
سيف:لا علشان لو فوقتي بدري ولا حاجة متهربيش
سارة:طب فكني بدل ما انا متكلبشة زي المجرمين كدا
سيف:ماشي بس بشروط
سارة:شروط ايه يا سيف انجز ايدي وجعتني
سيف:اولا متجبيش سيرة سليم ولا ليلى قدامي ثانيا متمشيش من هنا غير لما يخلص اليومين ثالثا هتسمعي كلامي
سارة:موافقة بس يلا فكني بقولك ايدي وجعتني يا اخي
سيف قرب منها وفكها وهي مسكت ايدها من الوجع
سيف:هي بتوجع اوي كدا
سارة:اه يا سيف متعملهاش تاني
سيف:ماشي تحبي نعمل ايه بقا
سارة:لو قلتلك احب ايه هتزعل وهخالف شروطك خليني ساكته
سيف:طب مش عاوزة تعرفي احنا فين
سارة:فين
سيف:علي جزيرة مافيش غيرنا احنا الاتنين
سارة:يا نهار اسود ومنيل يا سيف
سيف:هو انا قولت ايه يلا بينا نتمشي شوية علي البحر
سارة:طب فين هدومي
سيف:جبتهالك وانا بخطفك
سارة:طيب
سيف:البسي مايوه علشان هننزل البحر كمان
سارة:ماشي يا سيف اطلع بقا اغير
سيف:مش محتاجة مساعدة
سارة(بجدية):سيف
سيف:خلاص ماشي يا ستي
سيف خرج وسارة كانت مبسوطة من جواها وقررت تنسى كل حاجة اليومين دوول وفتحت شنطتها وطلعت بيكيني اسود ولبست عليه فستان شفاف وخرجت وسيف اول ما شافها صفر
أنت تقرأ
تغيرت كثيرا
Romanceسارة ملامح وشها زادت في البرود بس من جواها كانت محتارة سارة:الياس انت شارب حاجة الياس:لا والله ابدا انا مبشربش سارة:امال مالك سخن ولا حاجة الياس(مسك ايدها وبصلها):بقولك تتجوزيني يا سارة
