روح

خيوط

سلام ي جميليني أخباركم ؟

سوري ع التأخير بس جدياً هالبارت استهلك مني طاقه ههههههه صراحة

على قد ما كتبت و مسحت فيه لأني ابي أوصل اللي ابيه من الرواية و القصة

بشكل مبسط م أبي احد يقول لي وش هالتعقيد : ( لأنها رواية خيالية و دامجه

كل شي فيها لذا اللي رأسه يصدع لا يقرأها ههههههههه

و قراءة ممتعة : (

ـ

نيار دق قلبه وبعد يدين سند عنده وبدا يتنفس بسرعة قاعدة ألف فكرة تطير

في باله في هالثواني و هالكلمات من سند.

سند رفع عيونه وشاف الناس تطلع وتمشي : اركب السيارة ..

نيار : م .. م أبي ..

سند : بكلمك .. بفهمك كل شي .

نيار بحدة : م أأأبي ..

سند بيمسك يده بس نيار بعد عنه و مشى شوي بعدها ركض بسرعة وتجاهل

صوت سند اللي يناديه ، كان يركض بسرعة و م يشوف أي شي قدامه

بس يبي يبتعد لين أنقطعت أنفاسه و سند نفسه في باب محل وجلس ع الأرض.

ليش فهم غلط ! كذا كان يفكر بينه وبين نفسه .. اكيد كلام سند انه حس بفقدان ولده

يبي يبتدي شي جديد معاه .. حتى لما عرف أن مو ولده يضل ولد ورد اللي حبها

بس... بس لاا المفروض يكرهه أمي مستحيل يدري ان جني هو اللي سوا فيها

كذا .. لا لا ..

رأسه بدا يوجعه و دموعه تتطايح بصوت مقطوع قام يناديه .. نياف..نياف

نيااف..

عيونه تشوف السيارات اللي رايحه و جايه لين وقفت سيارة قباله على طول

وقف : نيااف..

طلع هندي من السيارة و تجاهله و دخل المحل وهو قبضه قلبه .. تحرك بصعوبة

وهو يمشي و بالعافية وصل الفندق فتح شنطته و طلع جواله فيه اتصالات كثيرة من

سند طفى جواله و فتح اول درج طلع الحبوب المنوم و أخذ ثنتين و على طول

طيح نفسه فوق السرير .. الأفكار دخلت ببعض لين غفى ..