I.
Dahil sa iyo ako ay parang nagbigti
Noong tinanong kita't sinabi mong hindi
Puso ko ngayo'y puno ng pighati
Tila ito nabasag at nagkahatihati
II.
Tanda mo pa ba noong tayo ay paslit pa
Pinagtapat ko sa'yong minamahal kita
Ngunit ang tugon mo tayo'y mga bata pa
Kaya't nagtiis hanggang sa tayo'y pwede na
III.
Ngayon tayo ay binata at dalaga na
Akala ko may pag-asang maging akin ka
Ngunit mayron ka na palang ibang sinisinta
Pag-ibig ko ngayo'y tila balewala na
IV.
Masakit mang iniwan mong puso kong bitin
Walang magagawa kundi ika'y limutin
Siguro'y ang pinakamainam kong gawin
Tanggaping ika'y hindi nakatakda sa'kin
-FIN-
