قدري ونصيبي

قدري ونصيبي الحلقه الثالته

1 الحلقة الثالثة من رواية #كتابة_قدري_ونصيبي
تولين:مراااااد مراااد
تولين:كنه هذا ميردشo_O
تولين خبطت على الباب مردش وفجأ فتحت البابo_O
وملقتش مراد في داره 😳
تولين:غريبه وينه هذا😨
ونزلت تجري..
تولين:يابابا يابابا مراد مش قاعد فوق
كمال:شنو مش قاعد هذي
زياد:بس سيارته قاعده
ابتسام:وين بيكون عدا العيل هذا
تولين :دورت عليه في الحوش كله ملقيتش
زياد:رني عليه باهي
ركب زياد فوق يجري
تولين مسكت تليفونها وجربت ترن عليه
كمال:شن صار ياتولين
تولين:أهو الحمدالله يرن
وبعدين زياد نزل يجري
زياد:متحاولش ياتولين مسيب تليفونه فوق
كمال:عال عال الفرخ هذا وين عدا توا
ابتسام:وسع بالك ياراجل
زياد:وين بيمشي يعني
تولين:رن على اصحابة شوفهم
زياد:صاح ممكن عمر واصيل يعرفو حاجة
ورن زياد على أصيل..أصيل كاين راقد وطبعآ توا عطلة يعني هوا وعمر مينوضوش بدري
أصيل:تؤتؤتؤؤ شنو الازعاج هذا ع الصبح بكل-_-
أصيل:غريبه زياد يرن😕
أصيل:خير يازياد
زياد:أصيل بسرعه وبأختصار مراد قاعد عندك
أصيل:مرادo_O ليش هوا وينه أصلا
زياد:اليوم ملقينش قاعد
أصيل:لا يازياد أمس حطيناه في الحوش أصلا
زياد:عارف ماهو سيارته هنا
أصيل:اصبر نكلم عمر ونجوكم بلكي نلقوه
زياد:اسرع بس
أصيل:تم
أصيل صكر ورن على عمر بسرعه
وعمر كاين في سابع نومه 💤وتليفونت يرن
عمر:اوووووف صبح-_-
عمر:شن تبي يازفت ع الصبح
أصيل:نوض البس بسرعه مراد مختفي
عمر:مختفيo_O في شنو تحكي أنت
أصيل:مش وقت الأسئلة توا المهم البس بسرعه وهيا
ناض عمر بسرعه ولبس دبشة وخذا مفاتيحه وطلع بسرعه
وهوا طالع قابلاته هاجر(بنت عمه) وطبعآ عارفين أنتم انهم ديما يبصرو مع بعضهم 😹بس هاجر جت في وقت مش وقتها بكل😿
هاجر:تعال تعال تعال وين طالع تجري هكي
عمر:مستعجل ياهاجر
هاجر:مستحيل تطلع قبل ماتذوق الكيكه هذي من صنع يديا
عمر:تي هاجر مش وقتك قتلك
هاجر صبت وجابتلة كيكه
هاجر:افتح فمك افتح هيا
عمر وبصوت عالي :تي قتلك فوتيني تواااااا
وخبط الصحن من يدها وطاح تكسر 😳
عمر:تريحتي هكي ..وطلع يجري
هاجر قعدت تبكي طبعآ لأنها مش متوقعه هكي يصير😣
عمر وهوا طالع رن على أصيل
عمر:وينك أنت
أصيل:أسمع تعال الحقني ع المكان يلي يقعد فيه ع البحر نشوفوه بلكي غادي
عمر:حتى أنا كانت في راسي الفكرة هذي
أصيل:تم
ومشو بسرعه الشباب لعند المكان وملقوش حد ومراد كاين مش قاعد 😪
عمر:أحسن حل نمشو لحوشه نشوفوهم
أصيل:هيا وخلاص
وبسرعه مشو الشباب لعند حوش مراد
كمال:تعال يازياد خلي الشباب يخشو
وخشو عمر واصيل ولقوهم مشغولين على مراد وتولين تبكي 😢أصيل بحت فيها وزعل 💔
كمال:ياشباب كان عارفين مراد وينه قولونه بس
أصيل:أكيد لا حتى نحنا مشغولين عليه
زياد:يانعن شكلك يامراد مش وقتك بكل
كمال:طولنا ع المطار
تولين:تنحرق الطيارة أهم حاجة مراد توا😭
أصيل:شفتوه في حوشهمo_O
(طبعآ زي ماقلنا في السابق مراد حوشهم الأصلي نقصد حوش باته وأمه في جنب حوش عمه ومن أول ماماتو معش خشلة)
كمال:مستحيل يكون فيه
تولين:والله صاح احتمال يكون قاعد فيه
عمر:كيف مخطرتش علينا الفكرة هذي بس
زياد:هيا ياشباب نشوفوه بسرعه
وطلعو بسرعه وخشو للحوش وقعدو في الجنان
زياد:ياباتي الباب الرئيسي مصكر
عمر:تعالو نشوفو باب المطبخ
ومشو بسرعه يشوفو باب المطبخ ولقوه مفتوحo_O
أصيل:خلونا نخشو نشوفوه
خشو وكان الوضع طبيعي بكل والحوش عادي
بس قعدو يسمعو في صوت واحد يبكي 😭😭ويبكي وصوته عالي
كمال:الصوت جاي من فوق
وركبو فوق وفتحو دار باته وأمه ولقو مراد مقمعز على السرير وماسك صورت باته وأمه ويبكي 😭😭
زياد:مراااد أنت كويس
أصيل:صايرتلك حاجة
عمر:الحمدالله لقيناك
كمال:وين مشيت يافرخ ساعه ونحنا ندورو عليك (كمال عم مراد كاين شخصيته عصبي صاح لكن طيب)
ومراد حاط يديه على وجه ويبكي 😭😭
زياد:هيييس ياباتي مش وقت الكلام هذا توا
كمال:طلعوه جيبوه غادي عشان نعرفو نتفاهمو معاه
وطلع.
أصيل:نوض يابرو اغسل وجك واشرب اميه بس
عمر:ياشباب مش قادر يتنفس
زياد:أصيل افتح الروشن شويا
أصيل:هيا نطلعوه بس
وجاء مسكه عمر واصيل يبو يصبوه
مراد رفع يديه وقال:نمشي بروحي
وطلعو وصكرو الحوش ومراد خش لحوش عمه أول واحد وزياد وراه
أصيل مسك يد زياد
أصيل:يازيزو الموضوع لعند هنا قاعد عائلي
عمر:يعني نستأذنو نحنا توا
زياد:تمام منورين ياشباب صبيتو معانا تسلمو والله
أصيل:لا عيب مراد زي خونا يالهبل
عمر:رد بالك منه بس
زياد:حاضر ماتوصو بشي من غادي
أصيل:سلامتك
عمر:تم
وخش زياد واصيل وعمر بحتو في بعضهم
أصيل:يوم باين من أولة صاح
عمر:وأقسم بالله كنت بنقولها لكي
أصيل:وشن الحل
عمر:نعدو نفتحو محلك ونكسدو فيه وخلاص
أصيل:هذا يلي بيصير
وكل واحد ركب في سيارته ومشو عند المحل وقمعزو وقعدو عند ساعه 1
عمر:أكيدة طلعت طيارتهم
أصيل:اكيد😪
عمر:بس شفت مراد اليوم منظرة يقطع القلب والله
أصيل:مراد أنا وياك عارفينا ميحبش يبكي قدام حد ولقة هذي انسب طريقة أنه يودع باته وأمه
عمر:منندرش بس مضنش هذا وداع مراد في عقلة حاجة أخرى
أصيل:زي شنو
عمر صبى :ميهمش توا المهم سافر وخلاص
أصيل:وشن ماشي
عمر:عندي مشوار عند الشركه بنديرة
أصيل:خلاص تم بيناتنا الو
عمر:تم
ركب عمر في سيارته وطلع ومشا لعند شركتهم عشان يراضي هاجر 😢 درس قدامها
عمر:الحمدالله سيارتها قاعده
ونزل وخش جوا ووصل عند مكتبها وخبط ع الباب
هاجر:تفضل
عمر فتح الباب
عمر:عادي نخش 😔
هاجر:اوووووف
عمر:اسمعيني بس
هاجر:يعني أنت راضي ع اللقطه لي درتها ليا مبدري 😒
عمر:اوﻵ امسكي جبتلك الشوكولاتة يلي تحبيها 😍
هاجر:منش واخذتها
عمر:اوووف خليني نجيها بعقلية المحاميين شويا-_-
هاجر:مش وقتك حتى أنت توا
عمر:باهي المتهم لازم يدافع على نفسه صاح
هاجر:أها
عمر:خلاص لازم نعطيك اقوالي
هاجر:احكي
عمر حكالها قصة مراد يلي صارت اليوم
هاجر:ياحرااام والله وجعني وقطعلي قلبي 😭باهي ليش ماقتلي هكي من البداية
عمر:تي كان قتلك تسمعها أمي ولا أمك وتقعد قصة
هاجر:هات الشوكولاتة باهي 😒
عمر:يعني رضيتي خلاص
هاجر:أكيد 😍
عمر:نعاااليا معقولة أنا نزعل أختي الكبيرة أصﻵ.هيا نستأذن أنا
هاجر:اقعد نشربو حاجة
عمر:لا منورة مستعجل تم
هاجر:باي
طلع عمر وروح لحوشهم وكان تفكير الشباب كله في مراد 😥اتفقو عمر واصيل يتلاقو في المحل وفعﻵ تقابلو وجت ساعه 5 وكانو في المحل جوا
عمر:كيف بنعرفو أنه مراد وصل
أصيل:توا أكيد يفتح نت وبعدين ماشيين امريكا يعني ياما مازال
وفجأ ينفتح الباب متاع المحل
عمر :مراد !!!!o_O
أصيل:مرااااد o_O مستحيل
ألي صار لما خش مراد وخش زياد...
قمعز مراد وجاته تولين
تولين:معقولة هكي تشغلنا عليك 😭😭😭
زياد:مش وقتك توا ياتولين سيبيه وامشي جيبي كباية اميه
تولين:هيا حاضر
جابولة اميه وكانت حالته صفر بكل وكانو كلهم مقمعزين قدامه
كمال:هيا طولنا ع المطار
مراد:عمي
كمال:نعم
مراد:أنا مش ح نقدر نسافر معاكم
طبعآ الكل انذهل من يلي قالة مراد 😳
زياد:شنو شنو
تولين:مستحيل لالا
ابتسام:عليش هكي
مراد:أنا أمس مرقدتش بكل وفكرت أنه البعد مش حل بالنسبة ليا أنا بنقعد هنا
كمال:مستحيل نسيبك بروحك أنت امانه من المحروم
مراد:كان مشيت غادي حالتي تسوء أكثر واخرى أنا بنعيش في حوش باتي وامي ومنقدرش نسافر حوشنا في ريحتهم وأنا بصراحا منقدرش نسيبها
تولين :تي شنو الكلام هذا(وركبت تجري)
زياد:مراد كيف بنسافرو ونسيبوك
مراد:أنا والله مانقدر نمشي معاكم كان تبو مصلحتي خلوني هنا وسافرو شوفو حياتكم
ابتسام:خلاص معناها نلغو السفرة من اساسه
مراد:لا والله هكي نزعل منكم لازم تسافرو
كمال:مراد توعدني
مراد :على شنو
كمال:توعدني السنه الجاية تقرأ وترد من الأوائل وتحافظ على محل باتك!كان متقدرش تديرهن معناها تمشي معانا
مراد:حااااضر والله وعد نوعدك وعد شرف
وقعدو شويا هكي عشان بيعدو ونزل زياد
زياد:هيا كملت الاستاذة تولين متبش تسافر حتى هيا
مراد :تولين خليها عليا
وركب مراد واقنعها تمشي وطبعآ سافرو وهما زعلانين وخلاص😢
نردو للشباب في المحل
أصيل:مش أنت سافرت
مراد:منقدرش نسيب شلتي الواطيه 😌
عمر:نعاااليا والله أنك اصلي تعال بالحضن تعال
أصيل:تي نحنا كنا نقولو أكيد مراد سافر وتوا قاعد في الطيارة تي فعﻵ أحلى مفاجأ
مراد:لنقني قمعزت مع عمي وقتلة منقدرش واقنعتهم وسافرو وحدهم
عمر:خير مادرت أحسن حاجة
أصيل:لاكن ضروري من سهرة اليوم ع الخبر هذا
مراد :أكيد هذي تعالو عندي
عمر:لا والله ماهي صايرة الليلة عندي أنا
أصيل:عليا الطلاق ماهي طالعه من عندي
عمر:أنا حلفت قبل خلاص
أصيل:بس وين كنت هذا كلة
مراد:طبعآ وين بنكون قعدت في مكاني المفضل ع البحر
عمر:اهااا قصدك الساعات هذينا كلهن كنت غادي
مراد:نعممم أكيد
أصيل:باهي ياطير كويس أنك مسافرتش
مراد:نستأذن أنا توا ياشباب بنعدي نغير دبشي ونتلاقو بعدين
عمر:نرجو فيك عندي
مراد:تم انشاءالله ياطيور
أصيل:تم ياحبها
وطلع مراد وركب في سيارته وعدا..
أصيل:تعرف أنا مش مصدق مازلت
عمر:لنقنه أحلى خبر سمعته
أصيل:باهي تمام
مراد وهوا يسوق حب يرن على هديل
هديل:بسم الله مراد شنو هذا مش سافر😳
وردت عليه
هديل:مراد
مراد:معلش هذا تليفون الانسة هديل
هديل:تي مش أنت سافرت
مراد:مقدرتش نبعد على حياتي وقررت نقعد
هديل:تي كيييف هكي وعليش
مراد:اصبري اصبري كنك مفرحتش أنتي!
هديل:مش هكي بس كنت لازم تسافر عشان تطلع من الجو هذا
مراد:فكرت وقررت أنه البعد مش حل
هديل:باهي تمام
مراد:تي عمر واصيل فرحو أكثر منك
هديل:مش هكي يامراد طبعآ نبيك تقعد قريب مني بس نبيك تنسى
مراد:في واحد ينسى باته وأمه؟
هديل:أكيد لا
مراد:خلاص تم ياهديل توا وصلت للحوش وبننزل
هديل:باهي باي
مراد رقالة من هديل 😒
جت ساعه 7 تقريبآ وعمر واصيل مازالو في المحل
عمر:بنعدي نجيب قهوة نجيبلك معايا
أصيل:باهي
عمر مشا ورد
عمر:أمسك ☕
أصيل:منور
عمر:أسمع من مبدري منبش نسألك لكي قريب ساعه ساكت وأنا فاتح نت
أصيل:أها صاح مالاحضتش
عمر:في حاجة كنك مازلت قالب وجك ماهو مراد مسافرش خلاص
أصيل:خليني ساكت أحسن
عمر:تي شن في احكي
أصيل:أنا صارلي شكلي
عمر:يعني كبدت!
أصيل:أها
عمر:ومن تعسيت الحظ هذي😂
أصيل:منقدرش نقولك من ي عمر
عمر :معقولة أنا تدس عليا😕باهي منور ياطير
أصيل:تي غير فكنا من الزعل ياراجل
عمر:لا مش زعﻻن لاكن نحنا عمرة ماكان بيناتنا أسرار
أصيل:مش هكي قصدي يامسوس
عمر:تم أنا خليني نروح ونرجا فيكم بعدين
عمر صبى بيمشي
أصيل:ياعليك قصة يزعل هذا-_-تعال باهي توا نقولك من
عمر برم وابتسم 😃
عمر:نعاااليا منو😍
أصيل:وأنت تزعل زي الصبايا😒
عمر:تي هيا أحكي
أصيل:الكلام ألي بنقوله بيناتنا تمام يعني حتى مراد ميسمعش بيه
عمر:وعليش مراد ميسمعش😕
أصيل:لأن.........
عمر:لأن شنو ادوي
أصيل:ياراجل أنا اكتشفت أني انحب تولين
عمر انصدم 😳
عمر:تولين تولين مش غيرها
أصيل:هيا تولين بنت عم مراد
عمر:ومن امتى صارت هذي
أصيل:منندرش أنا البنت عاجبتني وخلاص كل حاجة فيها ولما سافرت اكتشفت الحاجه هذي
عمر:وأنت فتحتلها الموضوع هذا
أصيل:مستحيل منش هبل أنا
عمر:اكيد أنت مش دايرلها شي
أصيل:ياراجل اهدأ شويا راك تحكي مع أصيل مستحيل نخون مراد أنا
عمر:باهي طمنتني
أصيل:الحل الوحيد أنها بعد تروح نخطبها وخلاص عشان تقعد كل حاجة رسميه ومفش حاجة من وراء حد
عمر:أحسن حاجة ومتحاولش تدير حاجة هكي ولا هكي عشان متخسرش مراد اخطبها والقرار عند البنت
أصيل:أكيد انشاءالله مش ح ندير شي
عمر:أصيل الموضوع خطير ومراد يتعبر فيها أكثر من أخت
أصيل:اووووف ياعمر الله يربحك بلا سكنان عارف هذا كله أنا-_-
عمر:خلاص خليني انروح أنا ونرجا فيكم
أصيل:باهي تم ياعموري
ركب عمر في سيارته ومشا لحوشهم
أصيل قعد في المحل ويفكر في تولين 😣
اما مراد ف روح لحوشهم ورقد لأن الليل كلة مرقدش 😪
عمر روح لحوشهم وقعد مكسد بروحه في الجنينه متاع حوشهم ويرجا في الشباب ويفكر
ومرة وحدة يطلع عليه مازن(ولد عمه)وزي ماقلتلكم هوا وعمر ميحبوش بعضهم
مازن:او مكسد بروحك وأنا ندور عليك
عمر:شن تبي؟
مازن:توا معقولة عمر مختار ينجح جيد جدآ
عمر:ياعليك قصة بتقعد تدوي في نفس السيرة أنت
مازن:خزي عليك عار فضحت بينا
عمر:لا أنت تماديت واجد
وصبى عمر وضربه بوني 😳
مازن:اووو يدك رايحه ثقيلة
ومازن يرد البوني لعمر 😓
عمر:طول عمرك عقلك صغير ياكلب
وعمر يضربه أخرى ومازن طاح
وفجأ يجي محمد(خو عمر الكبير)
جاهم يجري من بعيد
محمد:هي هي أنت وياه في شنو تديرو
عمر:شوفة هوا التافه
مازن:متقولش تافه خيرلك
عمر:وشن تبي تديرلي يعني
محمد:صكرو ع الموضوع أنت وياه خيرلكم را نضربكم
مازن:شوفة هوا
عمر:مازال عندك عين تدوي
محمد:عمر صكر فمك وأنت هيا خش جوا
مازن خش جوا
محمد:قمعزلي هنا أنت وصلت بيكم الوقاحه تضاربو مع بعضكم
عمر:أنت عارفني أنا وياه من زمان جونا مش واحد
محمد:شن صار قول
عمر:يسخف عليا يقولي عار علينا واحد منه ينجح جيد جدآ
محمد:اوو أنا معش فضيت بنحكي معاك في الموضوع هذا
عمر:أين موضوع
محمد:كيف أنت تنجح جيد جدآ
عمر:ياعليك قصة ردينا لموضوع الزفت مازن
محمد:أنا متأكد أنه الموضوع في حاجة ف قولها أنت خير مانعرفها بروحي
عمر:السؤال هذا تحكي معايا بصفتك محقق ولا بصفتك محمد
محمد:لا بصفتي محمد غير احكي
عمر:بصراحا أنا واصيل لبزنا شويا😁
محمد:يعني شنو
عمر حكالة القصة
محمد:هبل أنت وياه ولا شنو عارفين لو مطلعتش عميد الجامعه اصلي معاكم را انحبستو
عمر:وقتها فكرنا أنه ينجح مراد وبس
محمد:صاح أنتو خالفتو القانون بس خير مادرتو
عمر:هههههههههههههههههههه يعني مفش كلبشات توا وتخليني نبات في الحبس
محمد:لا المرة هذي نمشيها لكي الجاية مش ح نرحمك 😂هلك وين
عمر:قاعدين جوا
محمد:وأنت كنك قاعد هنا
عمر:ألمحققين اسألتهم واجده-_-نرجا في الشباب بيجوني
محمد:باهي خليني نخش أنا تعبان من الصبح
عمر:تم
خلونا نمشو مع بعضنا لجانب البنات شويا
كانت مرام قاعده عند نور
مرام:بصراحا من أول ماجيت مرات باتك ومرات خوك وهنا يفنصن-_-
(زي ماقلتلكم في السابق نور باتها محبوس من زمان وامها ميته وخوها متزوج وعايش معاهم وعايشة مع مرات باتها)
نور:متعدلش عليهن متخلفات عقليآ-_-
مرام:مرات باتك خاطري نعطيها طريحه
نور:اسكتي لها كم يوم كويسة معايا أكيد في وراها حاجة
مرام:أكيدة تبي منك حاجة
وبعدين الباب يدق
نور:من؟
وفاء(مرات بات نور)
وفاء:أنا
نور:خشي يامرات باتي
وفاء خشت
وفاء:شن اخبارك يامرام
مرام:الحمدالله
وفاء:نور يابنيتي نبيك في موضوع
نور:أحكي شنو
وفاء:ياريت يكون على انفراد
مرام:خلاص خليني نمشي أنا
نور:قمعزي يامرام،،،بتحكي حاجة قوليها قدام مرام
وفاء:باهي ع راحتك
نور:شن في
وفاء:أنتي تقدملك عريس وخوكي وافق عليهo_O
نور:......o_O
مرام......o_O يتبع الحلقة الرابعه
القصة مازال فيها أسرار واسرار واااجد بكل وتشويق أكثر في الحلقة القادمه ح نتعرفو على الشخص ألي جاي يخطب في نور و ح تكون مفأجاة نوعآ ما😁زي ماقلتلكم في أحداث واجد مازلنا ماعرفناهن
مش مسامحه أيه حد يقرأ وميعلقش مازلت في بداية الرواية ونبي تحفيز عشان نكملها-_-عطوني رأيكم في الحلقة