قدري ونصيبي

قدري ونصيبي الحلقه الثانيه

الحلقة الثانية من رواية #كتابة_قدري_ونصيبي
أصيل:باهي
وولعو الكمبيوتر وخشو ع السجلات
وفجاء ينفتح الباب 😕
عمر:انتهينا
أصيل:رسمي
ويطلع عميد الجامعه قدامهم 😨
عمر:دكتور محمود😳
محمود:في شنو تديرو هنا
أصيل:واضح يعني
محمود:أها أكيد واضح
وصكر الباب وخشلهم.قمعز وعمر واصيل قعدو مصبيين
محمود:انهبلتو أنتو خاشيين تزورو في النتيجه
أصيل:بس.
محمود:بس شنو أنتو الجامعه كلها تعرف بأأخلائكم كيف تديرو حاجة هكي
عمر:يادكتور.
محمود:متقاطعنش..عارفين شن كم فيها حبس هذي ولالا
محمود:سنتين و8 شهور يااستاذه .مش خايفين من حاجة أنتو
عمر واصيل فنصو في بعضهم 😳😳
أصيل:تمام معلش أنت قلت لي عندك
محمود:وعندكم عين تحكو أخرى
عمر:يقصد خلينا نصارحوك الأول وبعدين دير لي تبيه
محمود:اووووف تفضلو قمعزو واحكو
عمر واصيل قمعزو
محمود:ها احكو
عمر:بصراحا نحنا صاح خاشيين نزورو في النتيجه لكن مش لنا نحنا الحق
أصيل:يعني أكيدة تعرف صاحبنا مراد
محمود:أها كنه
عمر:أكيد تعرف أنه من شهرين فاتن خسر باتة وأمه وبصراحا يسقط أخرى واجد
أصيل:مراد محلش بكل وميقرش وفترة الامتحانات كانو هلى ملهمش شي ميتين 😥يعني بالعربي خاشيين نزورو في النتيجه عشان مراد
محمود:الحق منش عارف شن نقوللكم 😕
عمر:مفش حل يعني
محمود:بالنسبة أنه مراد ينجح هذي مستحيل لكن في حل أخرى في يدكم
أصيل:احكي شنو بسرعه
محمود:أنتو مشاءالله نسبكم عالية جدآ يعني تعطو جزء من دراجاتكم لمراد وهكي الحل الوحيد
عمر:أكيد أنا راضي
أصيل:طبعآ خوذ مني حتى أنا المهم مراد ينجح
محمود:تمام
وقعدو هكي ع الكمبيوتر وعلى المنظومه ويديرو في يلي اتفقو عليه لين كملو
محمود:هكي أنتم الثلاثة قعدتو ناجحين جيد جدآ ولو أنها غريبه شويا.المهم توا منبش مخلوق يعرف بالحاجه هذي
عمر:أكيد يااستاذ وشكرآ لكي
أصيل:بارك الله في اصلك
محمود:أنا بصراحا مستغرب كيف في أصدقاء في الزمان هذا هكي
عمر:كان موقفنش مع مراد توا امتى نبو نوقفو معاه
محمود:هيا توا اطلعو وعدو طمنو صاحبكم أنه نجح
أصيل:تم تم
وطلعو أصيل وعمر وقعدو يمشو
أصيل:وأقسم بالله أول مرة نخاف هكي
عمر:تي قبل جتني الجلطة جوا
أصيل:مصارش زي مانبو لكن عادي
عمر:هيا المهم نطلعو كيف ماخشينا
وطلعو الشباب وركبو في السيارة
عمر:خليني نرن على مراد نبشرة
أصيل:انشاءالله غير فتح تليفونن بس
عمر:مازال مقفل 😕
أصيل:اوووف أحسن حل حطني في الكافي ناخذ سيارتي ونمشي لحوشة
عمر:وأنا توا نمشيلة في المحل
أصيل:هيا
حط عمر أصيل عند الكافي وخذا سيارته وعدا أصيل
وهوا في الطريق رن عليه عمر
أصيل:ها عموري
عمر:المحل متاعه مصكر أنت شن صار معاك
أصيل:شويا ونوصل لحوشهم
عمر:باهي تم
في اللحظة هذي كانن تولين واريج كيف واصلات للحوش
كانت تولين نازلة من سيارتها ومعاها اريج
أصيل:هذي تولين 😕
ودرس سيارته تلاها
أصيل شافها تريح
أصيل:السلام عليكم
تولين:وعليكم السلام
أصيل:معلش مراد قاعد
تولين:توا أنت تشوف في سيارته قدام الحوش
أصيل:لا
تولين:اصبر دقيقة نشوفة جوا ممكن يكون قاعد
برمن اريج وتولين وخشن
اريج:حرام عليك كنك حكيتي معاه هكي
تولين:هذي دوتي أنا-_-
وخشن للحوش
ولقن أم تولين
ابتسام:أهلا أهلا اريج انستي
أريج:الله يأنسك ياعميمه
تولين:ماما مراد روح
ابستام:لالا مازال مجش
تولين:باهي
وطلعت تولين لأصيل مرة أخرى
تولين:زي ماقتلك مراد مش قاعد
أصيل:معلش تعبتك
تولين:لا عادي
ركب أصيل في سيارته وطلع وراقيلة من أسلوب تولين وزي ماقتلكم تولين ناس واجد يتهموها بالتكبر لكن الحقيقة عكس هكي بكل
أصيل قعد يدوي بروحه
اصيل:نعن شكلي أنا ليش ديما منعرفش نرد عليها البنت هذي
أصيل:فعﻵ أنها وحدة متكبرة
وعدا أصيل لعند عمر قدام المحل
عمر :كنك حتى أنت مصكر محلكم
(أصيل عندهم محل تلا محل مراد بالضبط)
أصيل:معندش لاه جو اليوم ،ترا جرب مراد
عمر:واخيرآ رن 😳😳😳
أصيل:الحمدالله يارب
عمر:تي ها يامراد وينك
مراد:خير ياعموري
عمر:وينك بس
مراد:أنا قاعد في مكان
عمر:متستهبلش عليا قولي وين
مراد:أصيل معاك
عمر:أها أهو تلايا
مراد:تعالو بنعرفكم على مكان مهم بكل
عمر:مكان شنو عطيني عنوانه باهي
مراد:اركبو في السيارة وكلموني بس توا نوصفلكم
وصكر الخط
أصيل:شن قالك
عمر:اركب بسرعه بس
أصيل:دقائق نصكر سيارتي
وركبو في السيارة ووصفلهم المكان
ووصلو ولقو المكان زي الجبل هكي وقدامه بحر
أصيل:غريب شنو المكان هذا
عمر:أنزل أنزل توا نعرفو
مراد:اهﻵ وسهﻵ بيكم ياحبايب
أصيل:أوي يالحب
عمر:خير ياطير
أصيل:مش ناوي تعرفنا على المكان
مراد:لا طبعآ بنعرفكم كيف
(معلومه لكم فقط أب وأم مراد ماتو في حادثة غرق سفينه)
مراد:طبعآ زي ماتعرفو أنه باتي وأمي كان حلمهم يلفو البحر بالباخرة وطلعو في الرحله وصار يلي صار بعدها
عمر:أكيد الكلام هذا كله نعرفوه
مراد:من حوالي 950 كيلو من المكان يلي مصبيين فيه نحنا غرقت السفينة وهذا أقرب مكان من الحادث
عمر واصيل معش عرفو شن يحكو
مراد:وطبعآ زي ماتعرفو أنه هلي معندهمش قبر يعني المكان هذا نعتبرة قبر باتي وأمي
أصيل وعمر قعدو ساكتين وقلبهم متقطع
عمر:أنا مش عارف شن نقول
أصيل:حتى أنا ربي يصبرك على فراقهم وخلاص
مراد:مالاحظتوش المده الأولى مرات نروح بدري
عمر:يعني أنت كنت تجي هنا
مراد:صاح في الليل ولا في الصبح ديما نجي
أصيل حب يغير الموضوع شويا
أصيل:المهم نبو البشارة راهو نحنا الثلاثة نجحنا
مراد:تكذبo_O
عمر:والله نجحنا كلنا جيد جدآ
مراد:باهي تمام ألف مبرووك
عمر :الله يبارك فيك
أصيل:مبرووك لنا جميع
مراد:بالمناسبة هذي ياشباب بنخبركم خبر
عمر:خير احكي
مراد:أنا بكرا مسافر أمريكا
أصيل:شنوo_O
عمر:غير بطل بصارة
مراد :والله زياد حجز تذاكر ويرجو فيا ننجح عشان نثبتو السفرة والحمدالله بيضة وجوهم
عمر :باهي تمام
أصيل:تمشي وتجي طيب
مراد:زعلتو صاح
عمر:أكيد بس نحنا عارفين أنه هذا قرار صاح
أصيل:أكيد بتكون أمريكا خير من هنا وممكن تنسى شويا
مراد:منورين ياخوتي والله نعني مانفقدكم
أصيل:هيا عدي طمن هلك بالنتيجه بس
مراد :أصيل نبيك تشوفلي حد يمسك المحل والمحل في امانتك
أصيل :تمام عندي الموضوع
مراد:أها تمام نتلاقو بعدين بنشبع منكم قبل مانسافر
عمر:خلاص تم
عدا مراد وعدو أصيل وعمر
أصيل:قصدك مراد بيسافر خلاص
عمر:أنا قريب زقبت من فوق الجبل غير مبيتش نبين أني زعلت
أصيل:تي شنو الدنيا هذي ياربي
عمر:اروح اتغدا معايا
أصيل :لا حطني عند سيارتي بنروح
*مراد وهوا مروح رن على حبيبته هديل
مراد:أهلين هدولتي
هديل:خير ياحبيبي شن صار معاك
مراد :نجحت جيد جدآ
هديل:باهي مبرووووك ياحياتي العقبال للتخرج
مراد:المهم أنا بكرا مسافر
هديل:كيفo_O
وشرحلها الموضوع
هديل:والله هكي خير لكم كلكم يعني
مراد :خلاص توا وصلت أنا نحكو بعدين
هديل:باي
وصل مراد ونزل من سيارته وخش للحوش
مراد:خير عليكم
تولين:خيرات
ابتسام:أهلين ياوليدي
أريج:خير يامراد
مراد:خير يااريج كيف حالك
أريج:الحمدالله تمام
تولين:تي قولنا كيف صار في النتيجه
مراد :نجحت جيد جدآ
ابتسام:ألف ألف مبروووك
تولين:يييييي مبرووووك يامراد والله فرحتني
أريج:ألف مبروك
مراد:الله يبارك فيكم تسلمو
وفجأ زياد وباته كمال
زياد:شن في كلكم فرحانين
تولين:مراد نجح
زياد:اوووو تعال بالحضن تعال ألف مبروك
مراد:الله يبارك فيك والله
كمال:مبروك مراد
مراد:الله يبارك فيك ياعمي
زياد:مش قلتلكم مراد قدها وكنت واثق فيه أنه ناجح
(طبعآ خلونا نردو شويا على قروب البنات)مرام البطلة وصاحبتها نور وقفنا لعند لما كانت نور تبي تجي لمرام وجتها
مرام:اهﻵ وسهﻵ ياحبيبه
نور:خير ياجارتي كيف حالك
مرام:تمام وانتي شن دايرة
نور:قاعده والله ضيق علم
طبعآ نور أمها ميته من زمان بكل وعايشة مع مرات باتها وخوها متزوج معاهم وباتها محبوس من زمان في قضية قتل ووضعها مزري البنت😢
مرام:الحقيرة مرات باتك كالعاده
نور:ايوا بالضبط مزعمتلي كبدي هيا ومرات خويا الباردة
مرام:أنا مش عارف خوك ليش مايوفقهن عند حدهن
نور:هههههههههه تي هوا وياهن زي السمن ع العسل
مرام:نورتي أنا نبيك قوية وتقعدي تواجهيهن ديما هذا حوش باتك راه متخليهنش يتحكمن فيه
نور:أها أكيد وطبعآ لكن الله غالب مرات باتي هذي يهوديه
مرام:خاطري نمشي نقتلها عارقة
(خليني نقوللكم أنه مرام شخصية قوية بكل)
نور:أنا اشر منك والله
مرام:بس أنا مستغربه في حاجة فيك
نور:الي هيا شنو
مرام:أنا أكثر وحدة عارفه أنه ستين الف واحد معجبين بيك ويتمنو نظرة منك ليش ماعطيتي نفسك فرصة مع أيه حد
نور:الموضوع هذا منحبش لكن ح نحكي معاك فيه طبعآ أنتي زي أختي وعارفة عليا كل حاجة أنا يامرام رافضة الحاجه هذي لسببين
مرام:ألي هنا شنو قوليلي
نور:أول سبب أنه توا مستحيل نوثق في شاب منبش قلبي ينكسر أكثر من هكي
مرام:والسبب الثاني
نور:يامرام يجيني شاب ونحكي معاه ويحبني ونحبه وبعدين يقرر يجي يخطبني ويسألو على باتي يلقوه محبوس في قضية قتل
مرام:تي أنتي كنه تفكيرك هكي يابنت شن دخلك أنتي بلي صار
نور:دخلني طبعآ أنتي عارفه مجتمعنا كيف مسوس في النهاية أمه تقوله تاخذها نغضب عليك وتنتهي علاقتنا يعني أنا منبش نخش في الدوامه هذي من اساسه
مرام:خليها ع النصيب والقدر وين تندري ممكن قدرك يكون مع ولد حلال ينسيك كل حاجة
نور:ايوا حتى أنا مخليتها ع النصيب
عمر روح لحوشهم وخبرهم أنهم نجح وطبعآ كلهم زعلو ميحسابوش عمر جيد جدآ
وكاين مقمعز وجا ولد عمه مازن (وزي ماقلتلكم هوا وعمر مش واحد بكل)
مازن:معقولة عمر مختار ينجح جيد جدآ
عمر:هاهاهاها متخلينش ننكت سجلك الأسود في الثانوية
مازن:هههههههههه مستحيل تكون شاطر كيفي يعني
عمر:خطاني يامازن راهو مش وقتك بكل
مشا باقي اليوم عادي مراد واصيل فاتحين محلاتهم وهكي ومفش جديد ألا أنه مراد بكرا بيسافر
مراد كاين في محلة ورن تليفونه
مراد:ألو تولين
تولين:وين فتحت المحل ولا مازال
مراد:أها قاعد فاتح
تولين:باهي بنجيك توا أنا واريج
مراد:تمام نرجا فيك
تولين:ييي مفش خدمة توصيل 😪
مراد:فاتحلك محل حلويات أنا-_-
تولين:صامط-_-هيا مسافة السكة 😂
مراد:تم😂
جت تولين واريج وقعدن في المحل
مراد:الله يربحك هذي كل حاجة قدامك متنفخيلش راسي زي ديما😒
اريج:بصراحا صدقت فيها ساعه بيش تشري
مراد:بكككككل تمزطك
تولين :باهي حاضر 😒
وقعدت تولين واريج شويا وخذن حاجات
تولين:مراد الكويش هذا(سبيدرو)مفش منه ع اللون هذا38😭
مراد :عندي منه لكن اللون هذا و38 مضنش نحصل
وفجأ يخش أصيل
أصيل:يامراد.....
مراد:ها أصيل
أصيل:لا خلاص فوت توا نجيك بعدين
مراد: تعال بالمرة عندك من اللون هذا 38
أصيل:توا نشوفلك ممكن نلقة
وعدا أصيل لمحلة
أصيل:عليك باردة انشاءالله مانلقالها-_-
أصيل:في عليك قصة
وردلهم أصيل
وخش
أصيل:هاك يامراد
مراد:منور
أصيل:بوجودك
وطلع وقعد يبحت في سيارة تولين من محلة
وطلعت وقعد يبحت فيها لين عدت(شكلة بدأ يحبها ياناس😥)
وبعدين خش عليه مراد
مراد:كيف صار ياطير لقيت واحد يمسك المحل
أصيل:تم تم قتلك المحل في امانتي
مراد:اصلي يااصلي .قتلك الكويش(سبيدرو) يلي توا كان عندك من المقاس هذا عطيني منه
أصيل:لا والله أخر واحد خذاته بنت عمك
طبعآ تولين تقريبآ برمت ع السوق كله وجاء الليل وجاء وقت الوداع وصلت اريج قدام حوشها وكانت بتودعها
تولين:لاااا بطلي بكاء عاد مش منحبش لحظة الوداع روجتي
اريج:تمشي وتجينا طيبه ياحياتي نرجا فيك ديما 😥
تولين:صامطه بكيتيني معاك😢
اريج:اوعديني تحكي معايا ديما باهي وعطيني أخبارك أول بأول
تولين:حاضر والله نوعدك
وطبعآ ودعن بعضهن بالبكاء عارفين حركات البنات أنتم😂
الشباب جاهم عمر وقعدو مكسدين في حوش أصيل يديرو في حفلة وداع وطبعآ مشا الوقت بسرعه بكل وجاء وقت الوداع 😣
أصيل:اه شن نبي نقول بس ربي يوفقك ويصبرك وخلاص
مراد:تسلم يااصلي
عمر:شدلنا حيلك نبوك تردلنا أقوى من هكي
مراد:انشاءالله ياعموري والله
عمر:تعال بالحضن ياطير خليني نودعك سريع سريع ونروح أنتم عارفين أنا منحبش الجو هذا
مراد:اووو أكيد
وحضنو بعضهم وركب عمر راقيلة بكل في سيارته وعدا 😪
مراد:تعال يااصيل نعطيك شوية حاجات ونعطيك مفاتيح المحل
أصيل:أها هيا
مراد:اركب باهي
وقعدو يحسبو في شوية حاجات وهكي
أصيل:اصبر خليني نحط هذينا جوا ونجي نودعك
خش أصيل قريب 5 دقائق وجاء لقا مراد حالته انقلبت 😢ومضااااايق وراقد في السيارة هكي
أصيل:بسم الله توا سيبتك مافيك شي
أصيل:مراد 😕
مراد:والله لحظة الوداع منحبهش رقالي هكي لما ودعت عمر وتوا بنودعك أنت خلطت عليا مرة وحدة خليني نروح أحسن
أصيل:لا مفش نروحك أنا منش مسيبك
عدا أصيل يروح بمراد ورن على عمر يلحقة غادي ووصلو وجاء عمر
مراد:مع السلامه ياشباب
أصيل:رد بالك على روحك
مراد:حاضر
عمر :تم يامراد خش هيا
وخش مراد وهوا زعلان ومضايق لين خلاص 😰
عمر واصيل ركبو في السيارة
عمر:تي شن صارله كنه
أصيل:والله ماني عارف حاجة انقلبت نفسيته مرة وحدة
عمر:لا حول الله وخلاص
أصيل:روح بيا عليا ااطلاق الأيام هذينا متمزط بكل
روحو الشباب ورقدو وطبعآ كل واحد في راسة موضوع 💤
ثاني يوم جاء وقت السفر 😢
كانو كلهم قاعدين في الصالة وكانت ساعه 10 في الصبح
كمال:هيا ياشباب وينكم طولنا الطيارة ساعه 1
ابتسام:اهي تولين جت
تولين :جيت يابابا وسع بالك بس زياد وين
كمال:قاعد يحط في الشناطي في السيارة
ابتسام:مشاءالله دبشنا واجد
كمال:كالعاده تولين أكثر شناطي 😂
تولين :الله غالب😂
ابتسام:اركبي كلمي مراد يابنيتي
تولين:هيا حاصر
ركبت تولين تكلم في مراد ووصلت قدام دارة
تولين:مرااااااد مراااااد
تولين :كنه هذا ميردشo_O
تولين خبطت على الباب مردش وفجأ فتحت الباب o_O
ولقت.......o_Oيتبع الحلقة الثالثة
هذي هيا الحلقة الثانيه وطبعآ التشويق معايا لا نهاية له😚وفي حاجات مجهولة وااجد في الرواية ح نعرفوهن مع بعضنا بأذن الله كان ربي عطانا عمر😘