Tara-tara is Inlove with an Artista

Kabanata 1

ANGELA'S POINT-OF-VIEW

"ANO? MAABOT sa Dumarao si Jerome?" nagsilinggitan ang tanan ko nga classmates sang ginbalita ni Mikay nga may maabot nga artista sa August 1. Sa Sports Complex kuno i-hold ang concert. Pero sa akun daw indi man exciting. Indi ako fan sang bisan sin-o nga artista kag indi ako mahilig maglantaw sang mga concert.

"Ambot sa inyo ah! Pasaliga nyo kaugalingon nyo!" hambal ko kag dayun nagpungko sa pulungkuan.

"Bitter kanimo day, ah! Andam ka lang sunod-sunod ka bala hay sipaon ka guid ka pabalik sa balay nyo kag," hambal ni Mikay.

"Ambot ah! Artista lang dya daw ginakuti guid ya mga ano nyo. Kag 'hello' ano guid ya makuha nyo to? Magkarapaos lang kamo kasinggitan, maubos pa kwarta nyo," hambal ko.

"Ahay tagkwarenta malang ya ticket, bug-at guid dya nga presyo sa imo haw?" si Mikay.

"Indi man sa amo ka dya, Miks, ah. Tara-tara man ko pero indi ko mahilig magkadto sa mga concert-concert nga day-a.

Waay ko kamaan kung sin-o nga artista ya maabot sa sunod nga semana, basta indi guid ko magsunod. May exam pa abi kami pagkatapos fiesta, periodic exam pa. Amo gudman dya permi ang sistema, pagkatapos fiesta ang exam.

"Good morning, Ma'am!" dululungan nga greet sang akon mga classmates. Ara na gali si Ma'am, nagsulod sa klase.

"Okay, class, please pass your assignments."

Daw binasyahan ako sg malamig nga tubig sang nabal-an ko kung ano ako ka malipaton. Waay naman ako kaubra ka assignment ko. Kag bal-an ko na kung ano ya himuon ko sa mga sitwasyon nga ini.

"Ma'am, may I go out?", hambal ko.

"Diin ya assignment mo, Angela?" si Ma'am.

"Ma'am, may I go out?" waay ko ginsabat ang pamangkot ni Ma'am kag nagpawala nga waay ko kaintindi ka pamangkot nya.

"Diin ya assignment mo?" sulit nya.

"May I go out, Ma'am?" ginsulit ko man ang akon hambal.

Nakita ko ang kaingit sa itsura ni Ma'am. Asta sa naglinong ang palibot kag nabuy-an ni Ma'am ang kaakig.

"Go out and do not go back anymore, Miss Angelaaaa!"

Sa sobra ko ka kakibot naglukso ako kag nagdalagan ako pagwa sa amon room. Akig na si Ma'am. Basi kung magtinir pa ako kag madulaan lang sya sang ginhawa. Dalagan ako panaug sa hagdan kag nagkadto sa usual ko dun nga kaladtuan kung waay ako it klase... Kag kung waay ako it assignment. Top 46, pinakaulihi sa amon klase. Ambot gatuon man gani ko pero daw mabudlay guid pasudlon sa gabok ko nga utok ang amon nga ginatun-an.

Ginkuha ko ang akun cellphone kag nagtawag ako sa ako kay Jerome, ang migo ko nga Grade 11. Isa lang ka tuig ang kinamagulang nya sa akun kag manug isa na ka tuig ang amon nga relasyon.

"Hello, Jerome!" wala pa nasabat ang tawag pero nagpa-hello na ako.

"Hello, si Marian Rivera po ito. Bbusy po ang inatawagan mo, sabihin mo nalang ang message mo after the beep," ang caller ringback ni Jerome.

"Echosera ka marian. Si Jerome kinahanglan ko! Hipusa sungad mo!" singgit ko.

Kapila ako nagtawag, pero si Marian man sa guihapon nagsabat kag sulit-sulit ang iya ginalitanya. Tatlo na ko ka oras nga tinambay likod sg library. Wala sang Jerome nga nagsabat sg akun tawag.

Nag-abot ang alas quatro kag nagpalauli na kami. Pero bag-o ko magpauli sa balay, naghapit anay ako sa plaza ka Dumarao. Duro guid tawo basta paabot ya fiesta. Duro ya mga balaklon sa kilid-kilid. May nagabaligya ka mga hampangan, mga bayo kag mga pagkaon. Ya peryahan tuya sa kilid ka Sports Complex kag dukaron nga tuig bongga kay may ferris wheel kag horror train. Ako lang isa kag wala ako imaw. Sin-o man bi nga classmate ko ya imawon ko hay hambal ko gani 'sanay naman akong mag-isa, bes'.
Bisan babayi ako nga tawo pero nagataya man ako sa peryahan. Ginkuot ko ang akon bulsa kag may lima pa ako ka piso nga mabilin.