Tara-tara is Inlove with an Artista

Kabanata 4

ANGELA'S POINT OF VIEW

Nagbalik ako sa backstage sang nakita ko nga handa na si Mikay nga buslan ako. Pero ang sa huna-huna ko man guihatpon si Jerome, kung ano ya ginkadto nya diri. Naglingling ako sa performance ni Mikay, kag nakita ko nga naga-back-dive-back-dive na ang tara-tara. Sigurado ako nga nakita nya nga nag-abot si Jerome kay grabe guid dabi ang padayaw nya sa pagsaot. Dipa-tumbling-tumbling pa sya nga waay man namon gani dya gin-practice-san sang tuya kami sa balay nila. Madasig lang ang mga oras, asta nga nag-exit na sya sa stage kag nagbalik sa idalom sang lamesa nga ginapwestohan ko man subong.

"Mega, nakita ko si Jerome!" tirik-tirik nga balita ni Mikay sa akon.

"So, ano dayon? Nakita ko man sa kagina guro, ah," daw sa waay gana ko nga sabat.

"Pwede sa next nga category, magrampa na kamo sa gown ako duman ya mabulos?"

"Gapanumdom ka sa ginapanghambal mo, Yay? Ano pamatyagan mo ka Search, volleyball nga pwede ya substitute-substitute? Hay, kun madakpan kita?" daw naingit nga sabat ko.

"Uyy, daw waay ka man sa mood, haw? Baw, grabe guid ya epek kanimo ka pag-abot ni Jerome, ay?" sunlog nya.

"Wala ah! Gulpi malang naguba adlaw ko, ah," kag dayun ko paturong.

"Oh, wait lang," si Mikay. "Ilis na, Yay. Gown category na ya sunod. Gwa na to," pahanumdon pa nya.

SAMTANG NGA ginapailisan ako sang akon makeup artist, nabatian ko nga gin-request sg emcee nga mapungko si Jerome sa una malapit sa stage.

"Kag sa una pa ginbutang ang artista," naingit nga hambal sang huna-huna ko. "Maano bala dadi sya? Kag ka-afford pa ya eskwelahan mag-imbita sa artista, ha?"

"Gwapa-gwapa ka gali kun mailisan, Yay, kag! Ang utok nalang ang kinahanglan mo nga i-effort, perfect ka na dayon! Charot!" ang makeup artist.

Waay ako nagsabat. Ang ginapanumdon ko dapat nga indi ako magnilangka sa tunga kay dyan ang presensya sg artista.

"Oh , ikaw na ya sunod, ha, dapat graceful ang pagrampa, ha?" hambal nya.

Nagtango-tango lang ako kag alang-alang nga nagyuhom.
Kun luyag mo nga basahon ang sugpon nga may music, i-click ini:

Kung indi ka maka-play sang video, padayuna ang pagbasa.

Pagkalawag sang emcee sa pangalan ko, nagwa ako sa stage. Mahinay-hinay ang akon mga tikang. Nakita ko si Jerome nga seryoso nga nagatulok sa akon, waay guid gakadlaw-kadlaw. Ginhungod ko nga indi magtulok sa ana, diretso lang ang ako nga pagrampa samtang ginapamatian sang maayad-ayad ang tukar sang sound system.

Nasiplatan ko si Mikay nga sige singgit sa akon kung ano ang akon dapat himuon. Pero waay ko na ini ginsapak. Naglibot ako sa stage. Amat-amat nga ginpangita sang akon mga mata si Jerome, nakita ko nga nagasulat sya sa lamesa.

Naglibot ako liwat rampa sa stage. Asta nga gintulok ko sya liwat, kag halin sa pagsulat hinay-hinay sya nga nagtulok sa akon. Dali-dali ko man nga ginbawi akon mga mata. Pero nakita ko nga nagyuhom sya. Waay ko man napunggan nga indi magyuhom. Ginkagat ko ang akon bibig para mapunggan ang pagyuhom pero nasiplatan duman sang mga mata ko si Mikay nga nagatumbo-tumbo sa likod.

"Halin don dyan, overtime ka don. Exit don!" mahinay nga singgit nya. Dali-dali man ako nga nagbalik sa backstage.

Interview category. Ginpatawag kami nga magkadto na sa una para suguran ang pagpamangkot sa amon. Ginapakitaan kami sang pictures, dayon kami ang maghatag sang kahulugan sini.

"Kaya mo day-a, Rukit, ah," si Mikay sa likod samtang ako sa una ginakinulbaan na. May mga contestants abi nga wala maka-describe bangud sa ginapangunahan sang kakulba.