هى
أنا قلبى واكلنى من موضوع الغطس ده
هو
وبيأكلك ليه أنشاء الله.,أنت متجوزانى و أنا بحب الغطس....أنت وأخدانى كده
هى
أه واخداك كده,بس قبل الجواز شىء وبعديه شىء أخر.....ياأنا ياألغطس
هو
يبقى الغطس
هى
(وهى تبكى وتولول)
يبقى أنا قلبى كان صح....أنت بتخنى وبتتلكك بالغطس
هو
بخونك أزاى...ده أنا كل لما أسافر وأغطس أنت بيكون رجلك على رجلى...ده أنت بتوصلينى بعدة الغطس لحد المايه و ترقبينى بالعدسة المكبرة لحد ماأختفى من على السطح....عاوزة أيه تانى؟؟...تنزلى معايا؟؟
هى
أنا فعلا مش مرتاحة للبيحصل تحت...أنا شايلة فى قلبى وساكتة...وبقول لنفسى حفظى على بيتك و خليكى عاقلة....أنا شوفت صور الرحلة الى فاتت و شوفتك وانت ماسك أيد واحدة تحت المايه
هو
أنا؟؟؟!!
هى
أيوه ورافعين أيديكم أنت الأتنين لفوق
هو
ده مدرب الغطس بتاعى
هى
وأنا أش عارفنى ده راجل ولا ست
هو
سهلة....أنا هعملك نظارة
هى
وكمان بتتريأ....أنا مش هسكت على بيحصل ده
هو
(يقول مازحا)
خلاص أبقى أنزلى معايا علشان تطمنى
هى
(تسكت و تسرح للحظات)
فكرة مش بطالة أنا هتعلم الغطس ويبقى رجلى على رجلك
هو
وبالنسبة لأنك محجبة؟؟
هى
هلبس مايوه شرعى أسلامى..ويلا بينا نشتريه دلوقتى...فيه محل للأدوات الرياضية فى أخر الشارع
(ولم تنتظر رده و سحبته ونزلت بيه للشارع)
دخلوا المحل ووقفوا أمام تشكيلات متنوعة من المايوهات الشرعية التى تغطى كل أنحاء الجسم
هو
على فكرة أنا أعتقد أن الى عمل التصميمات ده جاسوس عاوز يضرب السياحة...ياأما كافر عاوز يكره الناس فى الألتزام
هى
ليه بتقول كده؟؟....المايوهات حلوة وزى الفل...شايف المايوه الأصفر ده؟؟
هو
مش عارف أبصله...كل لما أبص عينى بتوجعنى..ده ساحب كل الأضائة الى فى المحل وبيعكسها على وشى
هى
بس عاجبنى أنا هشتريه
هو
بصى كويس...ده أصفر وفيه ورود حمرا...تقبليها على نفسك
هى
لو سمحت مالكش دعوة بأختياراتى..ده زوق حريمى مالكش أنت دعوة بيه
هو
ده ذوق حد من كوكب تانى..مش زوق حريمى
لاترد عليه و تدفعه للكاشير ليحاسب على ثمنه
هو
بكام هذا الشىء؟
الكاشير
200 جنيه
هو
ليييييييييييييييه؟؟...ده أنتم تحمدوا ربنا أن فيه حد أشتراه
(بعد شهر على المركب)
هى
أنا داخلة ياحبيبى ألبس بأه المايوه علشان نغطس مع بعض
هو
طيب أستخيرى ربنا الأول ياحبيبتى انا مش مرتاح
هى
ده أنا هشرفك ماتقلقش
:بعد قليل سمع أصوات جلبة,,ورأى الأجانب يجرون فى كل الأتجاهات بحثاً عن الكاميرات...فظن أن هناك كائن ما فى المياه.....فذهب لطرف المركب يراقب مايحدث لكنه سمع الأصوات من خلفه ورأى زوجته يحاصرها كل من على المركب بفلاشات كاميراتهم فحاول أن يقفز هرباُ من المركب ويرجع للشاطىء لكن فى اللحظة الأخيرة وجد يد زوجته على كتفه
وهى تقول
أنت فين ياحبيى...ليه مش بترد عليا؟؟
هو
طيب يلا ننط فى المايه و البحر ستار
قفزوا فى المياه...ولم تمضى دقائق حتى خرجوا وأسماك القرش تحاصر المياه من كل الأتجاهات
وبعد أيام كان الزوج يتابع بأهتمام خبر هجمات القرش المتكررة على شواطىء شرم الشيخ....وعن البعثات الأجنبية التى حضرت لدراسة التغيير المفاجىء فى سلوك القرش
أنت تقرأ
المايوه الأصفر
Cerita Pendekبعد قليل سمع أصوات جلبة,,ورأى الأجانب يجرون فى كل الأتجاهات بحثاً عن الكاميرات...فظن أن هناك كائن ما فى المياه.....فذهب لطرف المركب يراقب مايحدث لكنه سمع الأصوات من خلفه ورأى زوجته يحاصرها كل من على المركب بفلاشات كاميراتهم فحاول أن يقفز هرباُ من ال...
