اسمي علي عمري 21 سنة اني طالب مرحلة رابعة كلية قانون
جان حلمي واني صغير اصير محامي والحمدلله تحقق حلمي وحاليا ادرس هذا المجال.. شخصيتي إنسان مرح وگتوم أضم حزني بكلبي .. مواصفات شكلي اني جسمي مو رياضي بس اعتيادي بشرتي حنطية عيوني لونها اسود وشعري لونه اسود وطولي وسط ويميل إلى ان اكون طويل
عندي أخ وأخت روحي من الدنيا احبهم كولش أخوية سجاد:عمره 19 سنة طالب أيظا مرحلة ثانية إدارة واقتصاد وأختي رقية:عمرها 18 سنة تحب الدراسة هوواي وهي صف سادس حلمها تكون دكتورة وإن شاء الله يتحقق حلمها بابا يملك شركة معروفة ببغداد وحالتنا المادية زينة وأمي مدرسة لغة إنكليزية ..
.
.
.
في بيت آخر
زهراء:هلاو ماما رجعت
ليلى (ام زهراء):هلا بيج حبيبتي..شلونه الدوام اليوم،
زهراء:زين ..گضيت يومي عادي مثل كل يوم بالدوام ..
ليلى:الله يوفقج بنتي
زهراء:شكرا يا أحلى ماما بالدنيا ..(وهي تقرصها من خدودها)..
ليلى:ولج كافي ولج يلا روحي بدلي هدومج
زهراء:اي رايحة ابدل واخذ شاور بس حبابة حضريلي أكل لأن عصافير بطني گامت تزقزق من الجوع ..
ليلى:ههههه ماشي يلا روحي ...
اأإ دقيقة نسيت أعرفكم بروحي
اني زهراء عمري 20 سنة طالبة كليةة لغات اني بنية طموحة احب تكون الإبتسامة دائما ع وجهي ومن أحزن الجأ للصمت وأحيانا البكاء وعندي إصرار ع النجاح دائما ما احب الفشل ابدا ..مواصفات شكلي اني جسمي معتدل بشرتي بيضاء لون عيوني عسلية فاتح شعري اشقر طويل وطولي معتدل
اني وحيدة ماما وبابا ماما اسمها ليلى وهي مدرسة لغة عربية وبابا اسمه محمد وهو مدير بشركة معروفة ببغداد حالتنة المادية زينة ...
(باقي الشخصيات راح تتعرفون عليهم أثناء احداث القصة)
.
.
.
.
.
.
.
.
.
.
وخلص البارت 😢
لتنسون فوت وكومنت بليز 😊
♥احبكم♥😍
#مريم🙈
