عند زهراء
ليلى:زهراء كعدي ماما يلا لتتأخرين ع الدوام
زهراء:كايمه كايمه (وبنعاس)
ليلى:ولج كومي عاد احنه يوميه نفس الرنه
زهراء: هاااا.. أها شفتيني يوم كمت ؟
ليلى:عفية
كمت غسلت وجهي وبدلت ونزلت اكل ريوك طبعا مثل عادتي واني واكفة اسويلي ساندويتش وآكلها واروح ..
وصلت للكلية واتصلت ع لبنى
زهراء:الوو لبنى صباحوو حبي
لبنى:هلا صباح النور
زهراء:اكولج وينج انتي اني وصلت للجامعة؟
لبنى:حبي اني بالكافتريا
زهراء:اووك جاييتج
رحت هناك ولاكيت لبنى وسلمت عليهاا وجلسنا شوي ووراها رحنا للمحاظرة
.
.
عند يوسف :-
كعدت الصبح وغسلت وبدلت لبست سكيني جينز لونه حبري ووياا قميص بيجي وحذاء لونه بيجي وستره حبري
رفعت شعري ونزلت تريكت ورحت للجامعة
وصلت هناك ولكيت صديقي خالد وسلمت عليه ورحنا ع مجموعة من اصدقائنا وسلمنا وسولفنا وياهم شوي ووراها رحنا للمحاظرة ..
.
.
.ومر اليوم ع ابطالنا بدون ميصير اي احداث
.
.وراحت ايام واجتي ايام ..-..-...
وفي يوم من الايام
زهراء:هلااو مام رجعت
ليلى:هلا بنتي اكولج روحي ارتاحي واصبلج اكل ووراها حضري نفسج نروح لبيت صديق ابوج عازمينا ع العشة.
زهراء:هاا ومنو تعرفيهم ؟!
ليلى:اي اعرفهم ..زوجته لصديق ابوج تصير مدرسة وياي بالمدرسة وابوج يشتغل بقسم من شركاتهم
زهراء:اهاا؟
ليلى:اي يلا استعجلي
زهراء:اوك
.
رحت اخذت شاور وتغديت وصعدت لغرفتي ابدل ولبست تنورة قصيرة سوده وبيها حزام ذهبي وقميص وردي وشوز وردي وإكسسوارات ذهبيه
ليلى:زهراء يلا ماما استعجلي اتأخرنا
زهراء:ايي ماما اجيت
.
نزلت ولكيت ماما وبابا جاهزين وركبنا بالسيارة ورحنا لبيت صديق بابا ..وصلنا لهناك ونزلت من السيارة دق بابا جرس البيت وانفتح الباب وشفت صديق بابا واكف ومرته همين ويهم هماتين بنيه و٢ شباب اعتقد ابناءه.. وكانت المفاجأه انو ابنه يكون هو نفسه الولد علي صديق زميلي يوسف بالجامعة ..
اميرة:اهلا وسهلا بيكم اتفضلوا
ليلى:هلا بيج عيني ام علاوي..زاد فضلج
حسن:تلاكن عااد ههههه
الجميع:ههههههه
.
.
دخلنا واني مصدومه شلون صدفه ياربي هسه شلون راح اقضي الوقت وياا واني ضايجة منه اوووف
. . .
تعشيناا عندهم وكملنا وجلسنا بالصالة مال الضيوف
اميرة:ما شاء الله بنتج حلوة ام زهورة طالعاة عليج
ليلى: ههههه هم ابوها مو مقصر بجماله
اميرة:اي عييني تمدح بزوجها
ليلى:ههههههه
اميرة:ايي زهورة شنو تخصصج اللي تدرسي
زهراء:كلية لغات خالة
اميرة:هاا..اي حلو هذا التخصص
زهراء:ايي
.
.
علي
رجعت من الجامعة وكالولي اهلي عدنا ضيوف جايين ع العشه وبدلت ملابسي وارتاحيت ووراها نزلت جوة كالولي همة جايين بالطريق ورة شوي رن جرس الباب طلعنا كولنا نستقبل الخطار باعتبارهم اول مرة يجونا وطلعت بنت صديق بابا نفسها زهراء ...علي(يتكلم بينه وبين نفسه) ياربي شنو هالصدفه الحلوة الحمدلله الله استجاب دعواتي وبدا يتحقق اللي اريده
زهراء
ضلوا العائلتين يسولفون واني ضجت وحبيت اطلع برا واشم هوى ..طلعت بالحديقة مالت بيتهم وجانت كولش كبيره وحلوة وكعدت ع الكاع اتأمل الخضار اللي بالحديقه ورا شوي سمعت صوت قدم كاعد تمشي وانداريت لكيته علي ..
علي:ضجتي؟
زهراء:يعني شوي!..اكولك علي اريد اسأل سؤال ؟
علي:اتفضلي
زهراء:علي شعجب ابوك عزم ابويه لبيتكم يعني ابوك مدير الشركة اللي بابا يشتغل بيهاا ليش عزم بابا بالذات ؟!
علي:باعي.. هو حسب علمي ابوج وابويه جانو اصدقاء من زمان من جانوا بالمدرسة وبابا جان ابو كولش غني وورا ما اتخرجوا طلعلهم نفس التخصص ثنيناتهم ابوج درس هذا التخصص وابويه هم ..وابويه ورا ما مات جدي استلم الثروة كولها وصارت عنده هاي الشركات اللي تعرفيهاا وقرر انو ميقطع صلته بصديق ف خلا يشتغل وياا بإحدى الشركات ..
زهراء:هاااا
علي:ايييي
الأثنين:ههههههه
علي: اييي سولفيلي شنو رأيج بحديقتنا؟
زهراء:حلوة تجنن حبيتهاا
علي:ايي مثلج
زهراء:.......
علي:انصدمتي موو؟ ... زهراء اريد اكولج شي ..باعي زهراء اني اول مشفتج انعجبت بيج وحبيتج هم وكمت ادعي ربي ليل مع نهار انو يخليج من نصيبي ..زهراء انتي عجبتيني بأخلاقج وجمالج وشخصيتج وكولشي بيج زهراء اني احبج .
زهراء:(سكوت مع صدمه)
علي:زهراء اني ممنتظر منج جواب هسه انتظرج تفكرين وترجعيلي خبر وصدكي اني مدا العب بمشاعرج واريدج حلالي ..
ليلى:زهراء يلا بنتي راح نروح
زهراء:أإي اي ماما جاية..يلا باي علي
علي:الله وياج
#زهراء
لمن علي حجة وياي ع انو هو يحبني ويدعي رب العالمين سبحانه وتعالى علمود اكون من نصيبه تفاجأت بمدى حبه إلي وحسيت بشعور غريب هو حلو ومو حلو مختلط بين الفرح والحزن والخوف والامان بنفس الوقت حسيت انو اني طايره من الفرح وعبالك احس بالإطمئنان من اكون متواجدة وياا ..مجنت متوقعة هو بهااي السرعة حبني . اكدر اكول عليه حب من اول نظره؟؟!! اووف والله مدا اعرف تشوشت افكاري هففف.
~'~'~'~'~'~'~'~'~'~'~'~'~'~'~'
خلص البارت
لتنسون فوت وگومنت حبابين
احبكم♥
#مريم
