هلااوز
شلونكم شخباركم ؟
شلونكم بالامتحانات!!
حبابين دعموني هوواي لخاطر انزل بارت 6 اوك؟
بي باي♡
*********************************
#علي
لمن حجيت ويا زهراء حسيت براحة نفسية لأن كولتلهاا كل اللي أحس بي واللي جان مضموم بكلبي ومكدرت ابوح الها بمشاعري من زمان.. حسيتها إنسانة متفهمة وخجولة كولش مريح الگلام وياها ...آاوف زهراء شوكت توافقين وتصيرين مرتي
""
"'
''
'
ومرت الأيام وعلي يشتاق لزهراء يوم بعد يوم ويزيد حبه إلها ويمنى بس يشوفها حتى يسمع جوابها بس هو ميكدر يروح لبيتهم ويحجي وياها لأن اكيد اهلها موجودين وما راح يصيرله مجال يحجي وهو اصلا مو من نوع اللي ما يختلط بأصدقاء اهله ....بس علي فكر بطريقة أنو يخابر ع صديقه يوسف .....
علي:طوووط طوووط
يوسف:هلا والله علوش شلونك خوية
علي:هلا بيك حبيبي الحمدلله ع الله انت شلونك
يوسف:زين الحمدلله ..ايي احوالك امورك ؟
علي:اوووف يا يوسف والله حالة اخوك حالة
يوسف:ليش اسم الله شصاير!!
علي:والله زهراء شسوت بحالي
يوسف:يآا عيينيي العاشق الولهان أإأقصد ولك لحكت تحبها؟!
علي:دنجب.. هاااا صدووك انت متدرييي
يوسف:هاا شكو شنو اللي ما ادري بي
علي:لك غير طلع ابوها صديق ابويه بس غير اني اثول ما اختلط بيهم اصدقاء اهلي وطلعت هي بنته
يوسف:لا محشوم خويي.. اييي كمل؟؟
علي:اجه ابوية كال عزمت صديقي ابو زهراء هو وعائلته علمود نتعرف أكثر حتى تعرفون صديقي هو وعائتله ووكت اللي اجوي انصدمت انو زهراء نفسها بنت صديقه ل أبوية
يوسف:ههههه حلوة الصدفه تراا
علي:ههههه اي واني صارحتها لزهراء وكولتلها احبها كولتلها لا تستعجل بالجواب وتفكر ع راحتها واني مكاعد العب بمشاعرها ابد ..لا بالعكس اريدها بالحلال ..ووراها راحو.. وصارلي ايام اريد بس اتواصل وياها علمود اعرف جوابها بس مكاعد اعرف شلون ..
يوسف:والله ما ادري شكولك علاوي
علي:زين شنو رأيك اجي يمك للجامعه وهناك اشوفها واحجي وياها
يوسف:اي بكيفك تعال ..لعد شبيك يحضي ما حجيتها من البداية هههههه
علي:ههههه لك غير احجيلك الأحداث بالأول ...باوع باجر ان شاء الله اني يمك ومن اشوفها اسألها
يوسف:ماشي حبيبي باجر منتظرك
علي:خوش يلا مع السلامة
يوسف:الله وياك
:*:*:*:*:*:*:*:*:*:*:*:*:*:*:*:*:*:*:*
#علي
ثاني يوم كعدت الصبح نشيط واخذت شاور وبدلت ملابس لبست جينز رصاصي وقميص ابيض وستره سوده و شوز اسود وعدلت شعري ونزلت تريكت ووراها رحت لجامعة يوسف وهناك لكيته كاعد ينتظرني عند البوابه سلمت عليه ووراها دخلنا للقسم مالتهم
.
.
.
.
.
.
.
.
.
#زهراء
مرت ايام لمن اعترفلي علي وهو ينتظرني ولحد الآن مرديتله خبر والله ما اعرف شكولة اوووف ..يلا هسه خليني اكوم اخذ شاور حتى اروح للدوام خاف اتأخر
كملت ولبست جينز حبري وبدي وردي فاتح وبيه كتابه لون حبري وبيها شذر لون فضي وفوكاا بليره لون اسود وشوز اسود وإكسسوارات لون فضي وشسورت شعري وتركته منسدل لحد نهاية ظهري ووراها نزلت تريكت ورحت للجامعه ...
وصلت ودخلت للقسم تفاجأت ..لكيت علي كدامي بالقسم واكفين هو ويوسف
#علي
لمن دخلنا للقسم ووراها بشوي دخلت زهراء وجانت بعدها مبادية المحاظرة شافتني زهراء واكف يم يوسف انصدمت وجها كام ينطي الوان ههههه خجلت فدوه لكلبها ..رحت الها اثناء مشفتها وكفت
علي:هلو زهراء شلونج
زهراء:هلاو بيك.. زينة الحمدلله انت شلونك ؟
علي:زين ع الله
زهراء:شعجب اليوم يمنا ؟!
اثناء مكاعد نحجي دخل الاستاذ وبدأت المحاظرة مالتهم واني طوول المحاظره صافن ع زهراء واحفظ معاني وجهاا شكد حلوة وناعمة ورقيقة ..
-خلصت المحاظرة الاولى وكامت زهراء كاعد تلم بغراضها راحلها علي-
علي:زهراء
زهراء:هاا علي
علي:اريد احجي وياج بموضوع
زهراء:بكلبها(لا يا الله راح يسألني ع جوابي اهىء هاىء ياربي شجاوبه)..أإأإ اي اي علي اتفضل
علي:زهراء اني لمن كولتلج اني احبج لحد الآن كاعد انتظرج ع نار واليوم اجيت هنا حتى اسمع جوابج شنو رأيج بيه زهراء انتي موافقه اكون حبيبج وان شاء الله زوجج...
زهراء:أأإ علي والله انت خوش إنسان ومحترم واي بنيه تتمناك بس اني حاليا ممفكرة بهالشي والله
علي:(بصدمه) ليش ؟؟!
زهراء:علي لا تسألني ليش . روح خيي الله يعوضك ببنت الحلال اللي تسعدك وتعوضك عن كل شي ...واني اسفة اذا خليتك تتأمل فد يوم ...مع السلامة.
#علي
اني رحت لزهراء وجنت متفائل بس لمن سمعت جوابها حسيت الدنيا صارت سوده بعيني ورا م راحت اجاني يوسف
يوسف:علي شكو شصار وجهك كام ميتفسر ؟!
علي:( وعلامات الحزن والتفاجىء ع وجهه ) ..هي ما قبلت انو تحبني !!
يوسف:ليش شنو السبب؟!
علي:سألتها نفس السؤال بس مردت عليه وعافتني وراحت..!!!
يوسف:امشي امشي خلي نروح
علي:يلا
~'~'~'~'~'~'~'~'~'~'~'~'~'~'~'
وخلص البارت
لتنسون الفوت والكومنت
أحبكم♥
#مريم
