نرجع للقصة ..
علي:امشي خالد خلي نروح للكافتريا ..
خالد:شعندك ولك تدور بنات موو؟ هاا هاا
علي:دمشي ولي لك أصلا هناك كولهاا گبلات ..
خالد:ههههه يلا امشينا نروح ..بس خطية انت خاف تشوف الگبلات وتنقهر لأن مكبلت ..
علي:ههههه لا ولك كولهن مو حلوات ميعجبني ف ما انقهر عليهن ..
*خالد صديق علي المقرب من الطفولة وهو ويا بالكلية نفس القسم هو كوولش يحب يتشاقة جسمه حلو رياضي وطويل شعره اسود وعيونه سود بشرته بيضاء .
....نرجع .....
رحنا للكافتريا اني طلبت نسكافيه وعلي طلب عصير برتقال
----------------------------------------:-
علي:ولك خالد اليوم اروح لكلية يوسف كال تعالي فد يوم علمود نطلع مناك بفد كوفي تجي وياي؟
خالد:هاا خوش .. لا والله ما بيه حيل اريد اكمل محاظرة واروح للبيت ارتاح انت عود سلملي عليه...اكولك هو ليش عاد سنة ؟
علي:ماشي يوصل ...والله ما اعرف خطية المفروض مرحلة رابعة مثلنا بس عاد الثالثة ..
خالد:يلا الله يعوضه بالنجاح هذا صديق الطفولة مالتنا روح شوفه وتونسوا
علي:اوك لعد كوم يلا هم يادوب الحك اوصل راح اضرب المحاظرة الثانية
خالد:خوش خوش يلا امشيناا
رجع خالد للمحاظرة
وعلي طلع وضرب الدوام ووصل ليوسف اللي هو صديقهم من الطفولة بس تفرقوا لأن المعدل ما سمح ليوسف يكون وياهم نفس الكلية يوسف دخل كلية لغات وهما كلية قانون ...التقوا بمكان كانوا هما متواعدين يشوفون بعض بي ..
.
.
وصل علي للكلية اللي بيها صديقه يوسف :-
علي:هلاو يويو شلونك حبيبي
يوسف:هلا بيك علاوي..اني زين الحمدلله ..أنت شلونك شخبارك ؟
علي:والله زين ع الله
((بهذا الوقت جان يوسف عنده محاظرة مهمة كولش فكال لعلي إذا يحب يدخل ويا القسم وإذا ميحب ينتظره بالكافتريا مال الجامعه ..علي اختار انو يروح وياا للقسم لأن ميريد يبقى كاعد وحده وينتظر بالكافتريا ))
*قبل وقت
زهراء:ماما ماما
ليلى:هاا هاا شبيج
زهراء:الشوز الاحمر مالتي وينه مدا الاكي ؟
ليلى: كمزيتي ولج عبالي صاير شي بيج ..واني شمدريني بحذائج
زهراء:هففف هسه شلون يعني اني لابسة قميص احمر ولازم ويا الشوز الاحمر
ليلى:كتلج ما ادري
زهراء:هاا هياتة لكيتة ... ياربي راح اتأخر بعد ساعة وتبدي محاظرتي ...لازم اطلع بي باي ماما حبيبتي ..
ليلى:الله وياج انتبهي ع نفسج
زهراء:اوك
وصلت زهراء للكلية ولحكت ع المحاظرة ..وبهذا اليوم زهرا جانت طالعة كولش حلوة لأن هيه بشرتها بيضة ولابسة احمر ف طالعة صاكة ..
اثناء المحاظرة:-
علي:لك يوسف منو هاي الصاكة اللي كاعدة بصفك
يوسف:هههههه هاي زهراء طالبة كولش شاطرة بالقسم مالتنا
علي:اي حلوة ..تراا عجبتني
يوسف:ههههه يا الله يا الله لازم راح تكبل
علي:شكلهاا هيج ..بس شلون البنيه حتى متعرفني
خالد:ولا يهمك حبيبي ...اني اعرفك عليهاا
زهراء اثناء مدايحجون علي وخالد قاطعتهم وكالت ترا عيب عليكم ..(زهراء جانت تسمع اللي كالوا لأن هي كاعده بصف يوسف فسمعت صوت كلامهم)
نرجع للقصة:-
يوسف رد لزهراء:....أاإ اسف
زهراء دارت وجهاا من يوسف وعلي وثنيناتهم ضلوا حايرين شلون يصلحون الموقف
.
.
خلصت المحاظرة وزهراء راحت للكافتريا وكعدت هناك وطلبت عصير ..واتصلت ع صديقتها لبنى
زهراء:ولج وينج جكمة
لبنى:هي عوبه انتي وين اني لمن خلصت المحاظرة رحت ورا الاستاذ بس دا استفسر منه كم شغلة تخص الدراسة ..ومن رجعت ملكيتج !!؟
زهراء:ههههه جنت ضايجة وما انتبهتلج والله ..
لبنى:وليش ضايجة بالله ..ولا أكولج كوليلي انتي هسه وين وجاييتج
زهراء:اني بالكافتريا يلا انتظرج لتتأخرين
لبنى:اوك جاية
-------------------------------------------------
غلقت زهراء الخط وكملت عصيرها ...
.
.
دخل علي ويوسف للكافتريا
علي:شوفها البنية نفسهاا .. كاعدة وحيدها ..
يوسف:اي همزين امشي خلي نعتذر منها عيب
علي:شنو؟!
يوسف:لا شنوو ولا بطيخ عيب خلي نعتذر من البنيه ونصحح موقفنا
علي:اوك اوك يلا امشي..
اتجهوا للمكان اللي زهراء جالسة بي
وجان يخلص البارت 😞
لتنسون الفوت والكومنت 😁
♥احبكم♥😚
#مريم🙈
