This story is written in Jamaican patois (patwah). Hope you'll like it.
♠Tanya POV♠
"Com an nu gal. look fra wen mi a wait pan yo" mi big head niece,Amelia a shout fi me hurry up before we late fi school. Sometimes me can't tek har yo see. Me in a grade 10 but mi cant wait fi mi last year a school mek haste an com cause me can't tek di stress. Every morning mi affi wake up early cause di school weh mi a go a wah shift school and mi de pan morning shift, mi don't like di principal a the school yo see, di woman just set pan mi yo si so mi mek sure seh mi eva early fi school
"Weh yah call mi name fa?Yo nuh see seh mi soon com" mi tan up a me back door de look pan mi niece who just a lef from outta fi har house, we live in a di same yard suh mi can tan in a fi mi house and look dung a fi har yard. Mi kiss mi teeth cause mi not even put on mi uniform yet.
"How yo ready suh early tiday?" Mi affi wonda weh shi a hurry guh tiday cause mi know seh shi Eva late, every mawning a mi guh wake har up
"Nu ask mi nutten. Put on yo clothes ah cum on a dat yo fi do" every time dis gal insult mi but a suh wi live still. Mi hurry up ah put on mi straight burgandy skirt wid mi white blouse and burgandy tie. Mi tek up mi bag and go look fi mi one piece a plastic shoes.
Mi go back in a mi room go look fi me socks and cudnt find none. But a wah kinda crosses tek mi dis mawning yah father
"Melia Len mi one a yo socks nu!" Mi shout to mi niece who did a wait pan mi out a door
"Suh weh fi Yuh deh?" Mi say everything mi say to dis gal shi gi mi back answer
"If mi cudda find it mi wouldn't a ask yo fi len mi none a fi yo eno" mi did a think fi go without socks but every body would a know and true because mi a hot gal mi na go a school and look certain way
"Mi na go back dung a mi yard rite now cause time gone " mi get knock den. But mi put dung mi socks dem and now mi can't find not even one. Them ya thing ya mi no like eno man.
"Com on an buy one out a shop" mi push mi so so fut in a mi piece a plastic shoes and put on mi bag before mi left
"Mummy mi a goweh now suh later ya hear" mi mek sure seh mi tell mi madda seh mi gone before mi lef, shi gi mi extra money fi buy sinthing eat cause mi no get fi eat no breakfast tiday
Wen wi reach out a road mi buy wah black socks fi match mi black shoes fra thiefing Angela shop. Mi glad rain Neva fall last night, mi siddung pan wah bamboo seat and tek off mi piece a shoes fi put on mi socks.
"Suh wah de gwan fi Yuh and Chris?" Mi an Chris de fi seven months now, mi an him nuh really get fi see each Adda often cah him live in a different parish fra mi. We kinda have wah long distance relationship, melia know bout me and him an shi meet him before , shi like him an shi think wi belong sake a so shi ever a trouble mi bout Chris
"Mi an Chris na chat rite now. Him a com tell mi seh mi fi com look fi him an when mi tell him seh mi can't com him vex wid mi" Chris 4 year older than mi, him a 20 while mi a just 16 , one thing wid mi is dat mi nuh wah no young bwoy, a big man mi deal wid, di likkle bwoy dem dat a fi mi age dem nu have nutten fi offer mi rite now, one next thing is dat Chris a white bwoy, every gal grudge mi fi mi white man.
"U and Yuh man" melia shake har head, she a gwan like say she and fi har man no different
"Yo de chat bout mi and my man, weh fi yo man de?" Melia deh wid romario, wah maaga bwoy weh shi meet in a har class, di two a dem in a di same class dat a 8th grade
"him mussa on him way to school ya now,Weh else him fi deh?" Mi no trust dat maaga bwoy eno worst how true him nuh bad looking di gal dem well wah him so till mi affi a help melia keep har eye dem pan him
"Mi nuh know mi just a se" before mi could a seh nutten else mi si dis bike bwoy com tap a wi fut. Him have wah johncrow blue bike wah look clean ah nice, di bwoy brown an mi na lie him look good. Him have on wah ray ban eyeglass and wen him tek it off a dat time yo see how him cute. Wat a bwoy eye dem nice eeh. All fi him woman must lob him
"Unnu ready?" Him ask we while him a stare pan mi just as how mi a stare back pan him
"Yo can manage fi cah di two a wi?" Mi ask him back, A no everybody wi ride wid cause wi don't wah dem fi go lick wi down pan di bike
"Of course mi can manage" which part mi live a mostly bike taxi wi tek so if yo stush yo get left. Yo affi glad fi tek bike taxi down ya suh in a di country bush bush.
"Gwan pan di tank Tanya" every time mi affi ride pan tank cause mi maaga, mi niece kinda fatta than mi, mi kinda skinny but mek mi tan me love it
"Yo never did haffi tell mi dat a don't like fi yo big ass can hold round ya so anyhow" melia know seh a so mi facety already, she siddung round a di back a di bike behind the bike bwoy while mi siddung in front a di bwoy side way.
"Yo smell sweet thou" as soon as mi guh in front di bwoy pan di bike him start smell mi
"Suh Wah ya smell mi fa?" Before him pay attention to di road an ride di piece a bike him a com chat bout mi smell sweet
"After di breeze a blow suh mi no must smell" this ya bwoy ya to much fi mi
"Just ride yo bike gwan ya Mon" mi no know why him a mek conversation wid mi fa
"Dat mi a do. Yo pretty thou" hear this ya now. Before him keep him eye pan di road a me him de ya a pree. Mi buss a likkle smile an shake mi head. De bwoy ya a sinthing else eno.
**
My first Jamaican story. Haha. I don't know how much of you will understand it but whosoever does, please tell me what you think.
Vote, comment and share!.
YOU ARE READING
My Jamaican Love Triangle
RandomWritten in Jamaican patois (patwah) Tanya have har good man but shi find harself falling fi wah next bwoy, dis time wah bad bwoy.. Two man, one gal. But which one a di man dem shi ga choose?.
