"قد يحدث أن تعذب أحداً لا لشيءٍ إلا لأنك تحبّه. "
#دوستويڤسكي .
.
سيـــف :
الايام تمر وحتى الان لا شيء جديد .. حتى تلك الرسائل التي كانت تغذيني بها قطعتها عني ..
اذهب الى الكلية وانا ابحث بعيناي عنها ،، او بالاحرى ابحث عنها بقلبي ..
ولا أي أمل في أن اجدها ..
فكرت في شيء لعلني اقطع شكوكي حول منى ،، فيما اذا كانت هي أم لا ..
شاهدتها جالسه مع صديقتها ذهبت اليهما ..
__ مرحبـا بنات .
قالا معا : مراحب .
منى : هلا سيف تفضل .
_ شكرا بس اخاف اضايقكم ؟ .
منى : لا بالعكس هلا بيك .
_ تسلمين بس ردت الملاحظات مالت المحاضره هذلك الاسبوع ، تعرفين ماداومت وراحت علي .
_ تدلل .. اخرجت دفتر الملاحظات واعطتني اياها .. تفضل هذا هو .
_ لا ماكدر اكتب هسه عادي تصورينها الي وتدزينها بالواتس لان ماعندي شحن ومستعجل لازم اروح للبيت هسه .
_ اي اكيد عادي بس ماعندي رقمك .
_ اوكي سجلي عندج بس ضروري تدزينهم مو تنسين ..
_ تدلل سيوفي .
_ يالله اخذي راحتج ومشكوره .
_الله وياك .
واخيرا تمت المهمه لم يبقى سوه الرساله ..
منـى :
قلبي ينبض بسرعه لا اصدق ما حدث ،، أبتسمت لكذبته البيضاء من أجل التقرب مني والحصول على رقمي ،، واخيرا سيتحقق ماكنت اتمناه ..
قطعت هيام شرودي مولوحه بيديها امام وجهي .
_ وين رحتي منه ياااااهو منه ردي .
- ولج قلبي شفتي الي شفته ؟ .
- ههههههه ياعيني شفت الزحف .
- انجبي لاتحجين عليه فديته واخيرا راح ينكشف كلشي ونكون سوه .
- اممممم ماريد اخرب واهسج وهاللحظه الحلوه عليج بس لا تخلين الامل وكل هالتفاؤل يرفعج للسما ، ممكن بلحظه يكون هذا وهم وراح توقعين للسابع ارض متحطمه .
- عااااا هيو ليش هيج خليني فرحانه.
- اتمنى تكونين على طول فرحانه وربي يحقق كل شي تحبينه بس هم اريد احميج من شي لهسه مجهول .
- ماعرف راح اعوفها على الله .
- والنعم بالله .
بعد عودتي إلى البيت وجدت امي جالسه مع خالتي .
_ يا هلا بـ خالتو امون ..قبلتها وحضنتها .. شنو شعجب تواضعتي واجيتي .
- هههههه طول عمري متواضعه بس انتي الي رافعه خشمج علينا .
أنت تقرأ
يتيمه عيناك
General Fictionأيتمتني امي حين رحلت وأيتمني ابي حين أهملني فــ لاتجعلني يتيمــه عيناك ايضا
