دخل ابو عامر للمنزل متشوقا لرؤيته اطفاله وزوجته الذي لم يتمكن من رؤيتهم لمدة شهر بسبب اشغاله
وجد طفلته المدلله كالعادة جالسه وحيدة حتى لم تقوم لاستقبال والدها
ابو عامر: اميرة(هي زوجته ام عامر) عامر..فرح...عيسى وينكم
جاءت ام عامرمتلهفه : هلا ياروحي وركضت لاحضانه
ابوعامر: شلونكم حبايبي والله مشتاقلكم
ام عامر:الحمدلله وبدات بالبكاء والله البيت وحشه بلياك
قام ابو عامر بطبع قبله على جبينها ومسح دموعها
ابوعامر: الجهال وينهم
ام عامر:راحوا لبيت عمتهم هسه بس يسمعون بيك اجيت يجون لان مشتاقيلك
ابو عامر بنبرة حزن: ونادين ماحجت شي
ام عامر : لا والله مثل ماتشوف لا تحجي ولا تلعب ويه الجهال
خلي اعرفكم عن نفسي
اني اسمي نادين من اربيل مواليدي 1990 خريجه هندسه بيضاء البشرة صاحبه عيون واسعه سوداء فمي صغير انفي صغير كذلك جسمي ممتلئ طولي وسط شعري اسود فاحم وسرح يصل الى منطقه الخصر
بعد مااكدر انطيكم تفاصيل اكثر حتى لا اسبق احداث القصه 😁
جلس ابو عامر بجنب طفلته نادين ذات عمر 3 سنوات واخذها لحضنه وقام بتقبيلها وحاول ان يلاعبها لكن دون جدوى فهي عنيدة لاتحب الكلام واللعب
تركت حضن والداها وعادت الى مكانها السابق دون ان تتكلم معه
زفر ابو عامر بحزن وقام من مكانه : اميرة اتصلي على الجهال خلي يجون اريد اشوفهم
ام عامر:صار حبيبي بعيوني
بس اريد افتح وياك موضوع ادري بيك تعبان ومو وكتها
ابو عامر: خير ان شاء الله
ام عامر : نادين
ابو عامر اخفض رأسه ونبرة حزن: شبيها
ام عامر: شنو شبيها يارجال البنيه راح تروح من ايدينه صارلها سنه على هاي الحاله من يوم اللي جنه نايمين بالسطح واجتي البزونه كمزت عليها واخترعت بعد كام لا تحجي ولا تلعب
ابو عامر : ليش شعبالج اميرة عبالج اني مرتاح من اشوفها هيج هاي قطعه من قلبي هاي ندوشتي اني شعندي غيرها وغير فروحه وعامر وعيسى بس شبيدي شسوي كوليلي
ام عامر: خلي ناخذها للطبيب يكشف عليها بلكي تتعالج
ابو عامر: باجر ان شاء الله جهزي نفسج وجهزيها حتى نتوكل وان شاء الله خير
ام عامر : ان شاء الله حبيبي
في مكان ثاني وبنفس الزمان الساعه 3 ظهرا
رن جرس الهاتف
ام مازن : الو
ام عامر: السلام عليكم شلونج عيوني ام مازن
ام مازن : وعليكم السلام هلا حبيبه انتو شلونكم اخويه شلونه شخبارة
ام عامر: الحمدلله بخير اليوم وصل لاربيل بالسلامه وهو طلب مني اتصل علمود الجهال يريد يشوفهم
ام مازن: حمدلله على سلامته عيوني
بس فروحه نايمه من تكعد ان شاء الله اجيبهم واجيكم مشتاقه لاخويه
ام عامر: كل الهلا بيج خيه بس شبيها فروحه شعجب نايمه هاي متنام الظهر الشيطانه
ام مازن: ههههههههههه فروحه شيطانه يمعودة كولي غيرها فدوة لقلبها اصلا هي ملاك
لاتخافين مابيها شي بس تعبت من اللعب ونامت
ام عامر: الحمدلله وكع قلبي عبالي بيها شي
ام مازن : لاتخافين حبيبه
ام عامر: يله عيوني مع السلامه
ام مازن:الله وياج حبيبه
بعد غلق سماعه الهاتف سمعت ام عامر صراااااخ قوي
ام عامر: يمه بنيتي هاي صوت نادين
يتبع>>>
