في أخر أيام الامتحانات النهائية
في الفصل الدراسي ....
كانت جميع الطالبات في جميع المراحل
يودعون بعضهم بعضا
على أمل اللقاء بعد إجازة الصيف....
أو الوداع الأبدي
الذي كانت مليئة بالحزن
والبكاء
أو إقامة حفلة صغيرة بحيث كل واحدة تحظر معها سندويشات وطعام من صنع يديها .......
...... ...... ....
المكان.... متوسطه الزهور للبنات
الزمان...... قبل الامتحانات النهائيه
كان الجو كله وداع في وداع
وخصوصا مرحلة الثالث المتوسط
فقد كان الحزن واضح في وجوههم
لأن أغلبهم يودعون بعضهم وداع الأبدي....
فهم سينتقلون
إلى المرحلة الثانوية فتتفرق كل واحدة عن صديقاتها
وقد يحالفهم الحظ في أن ينتقلون إلى مدرسه واحدة
جمانه بنبرة حزن وبكاء: والله اموت اذا فارقتكم تدرون انتو اعز من قلبي
فرح:نبقى على اتصال ونتواعد ونتشاوف
اسراء: ايييييي... ولجن والله ارفس ببطنها اللي تكاطعنه وبعد متراسلنه انتف شعرها شعرايه شعرايه
نادين: اففففففف فرح مكابلتني بالبيت وبالمدرسه ماافتك منها الا تزوج وتنكلع من وجهي
فرح : وراج وراج كبد عمري سفنجه قلبي غير اختج واحبج امووواه
................
المكان ..متوسطه الزهور للبنات
الزمان...... الامتحانات النهائيه
تحديدا امتحان اللغه العربيه
بعد الخروج من قاعه الامتحانات اجتمعن البنات كالمعتاد في ساحه المدرسه
اسراء: الله لايوفقها ست مها جابت اسئله القواعد مثل وجهه ساعه افر بدماغي يمين ...يسار ....يسار ....يمين
وشخبطت وطلعت
جمانه: ولكم اني اللي فت مرارتي اعرب ماتحته خط
الله يعربها ويخططها ان شاء الله
فرح: جايبتنه اسئله خارجيه ليكول احنا احفاد نيوتن وفيثاغورس وحمورابي
نادين وهي تضرب فرح على راسها: وين اكو خارجيه كلها من الكتاب بس انتي صاير بدماغج لود
فرح: انجبي انتي احسلج من اكول خارجيه يعني خارجيه
اسراء: خخخخخخخ احتمال مو من خارج الكتاب بس من خارج قراءتج قدوحه ههههههه
فرح: عابتلكم وثول همداكم 👐👐👐
...............
مرت الايام سريعآ......
وانتهت الامتحانات النهائيه .....
ولم يبقى سوى استلام النتائج......
المكان....منزل ابو عامر
الزمان ....الساعه 4 عصرآ من يوم الثلاثاء
رن جرس الهاتف وكالمعتاد اسرعت فرح ونادين يتسابقان للاجابه عن المتصل
فرح: ولج وخري اني اجاوب
نادين: انجبي اني الكبيرة واني اجاوب
فرح: كل مرة انتي تجاوبين دطيري وبعدين كبيرة على نفسج مو عليه
وكالمعتاد استمر الشجار بينهم الى ان انتهت المكالمه
نادين بغضب وهي تشد شعر فرح: شوكت تبطلين سوالفج مال عوبات
فرح تصرخ: اااااااخ....ااااااااااااااااااخ.....يمه شعري لحكيلي هاي المتوحشه راح اتنتفلي شعري
نادين : صيحي للصبح اليوم مو بس شعرج انتفه عظامج هم اطحنهن طحن اليوم الا طحيييين
فرح محاوله استفزاز نادين:
جيناااااااااكم بالبايسكل 😂😂😂
نادين😠: بدأت بضرب فرح
واصبح الشجار من الرؤس
فرح: هدي شعري ولج عوبه
نادين: هدي واني هد
وهكذا الى ان تدخلت ام عامر
ام عامر تصرخ: هاي شكوووو..... شبيجن....غمه التغمكم شكبرجن تصيرن ....
عاد الهاتف يرن مرة اخرى ولكن هذة المرة ام عامر ذهبت اليه ونادين وفرح التزما الصمت خوفآ من والدتهم ......
ام عامر: الووووو
المتصل: السلام عليكم
ام عامر: وعليكم السلام اتفضل
المتصل: بيت الاستاذ حسن
ام عامر:اي نعم ....اتفضل منو حظرتك
المتصل:اني محمود ابن سلام صديق ابو عامر
ام عامر: هلا خاله شلونكم... امك... اخواتك شلونهم
المتصل: الحمدلله خاله بخير .....خاله بس حبيت ابلغكم النتائج نزلت على المواقع على النت لان عمو ابو عامر وصاني من تنزل انطيه خبر واتصل بي على موبايله ميجاوب
ام عامر: هو بالدوام واكيد عندة اجتماع او شغل لهذا مايفتح خط ......اكلك خاله
المتصل: كولي خاله
ام عامر: بلكي اطلعلي نتيجه نادين حسن علي....وفرح حسن علي
المتصل : تدللين خاله لحظه ابقي وياي على الخط
ام عامر: انتظر
........
في هذة الاثناء بدأ الارتباك واضح على الشقيقتين نادين وفرح
فرح وهي تمسك بطنها: ولج نادين شو بطني كام توجعني
نادين: ولج اني عظامي كام اطخ وحدة بالثانيه
اكوووول فرح
فرح وهي تضغط اسنانها من شدة الارتباك: كوووولي
نادين: اجاك الموت 😭😭😭
فرح: ياتارك الصلاة😭😭😭😭
يتبع>>>>>>>>>
